Asttiri Maxaafaa 9:25 - Wolaytta Bible

²⁵ SHin Asttira kawuwaakko gelidoogaappe guyyiyan, Hamaani Aihudatu bolli maqettido iita maqqoi ubbai guyye simmidi, a bolli polettanaadan kawoi xuufiyan azaziis. Yaatin, Hamaaninne a naati tammai kocan kaqettidi haiqqidosona.

Asttiri Maxaafaa 9:25 Iomraidhean Croise

Kawotu Maxaafaa Koiruwaa 8:32

neeni saluwan siya; siyada ootta. Ne ashkkaratu gidduwan pirdda. Mooranchchaa bolli pirddada, i oottidobaa a bolli zaara; xilluwaa shatinttada, ayyo a xillotettaadan zaara.

Asttiri Maxaafaa 3:6

Hegaa bollikka qassi, Marddikiyoosi Aihuda asa gidiyoogaa eriis; eridi a xalaalaa qaxxayiyoogee laafabaa giidi qoppido gishshau, Arxxekssiisa kawotettaa giddon de7iya Aihuda zariyaa ubbaa woranau halchchiis.

Asttiri Maxaafaa 7:10

Hegaa gishshau, Marddikiyoosa kaqqana giidi giigissido kocan Hamaani kaqettiis. Hegaappe guyyiyan, kawuwaa hanqqoi dochchiis.

Asttiri Maxaafaa 7:4

Aissi giikko, taaninne ta asai issoinne attennan wuri haiqqanau baizettida. Nuuni baizettidoogee macca aillenne attuma aille gididi de7anaassa gidiyaakko, taani co77u gaana; aissi giikko, hegaa mala metoi kawuwaa waissanau bessiyaabaa gidenna” yaagaasu.

Asttiri Maxaafaa 7:5

Kawoi Arxxekssiisi zaaridi, “Hegaa oottanau xalidaagee oonee? I he bitanee awan de7ii?” yaagidi Kawiyo Asttiro oichchiis.

Mazamure Maxaafaa 140:8

Abeet GODAU, iitatuyyo eta amuwaa immoppa; eta iita maqquwaa polissoppa.

Mazamure Maxaafaa 140:9

Ta morkketun tana xoonissoppa; eta doonaappe kiyiya iitabai etau simmo.

Mazamure Maxaafaa 141:10

Taani saro aadhdhishin, iitati bantta wottido gitiyan oiqettona.

Mazamure Maxaafaa 7:16

I ehiyo genee a huuphiyau simmees. A makkalainne a huuphiyau simmees.

Mazamure Maxaafaa 7:17

GODAA xillotettaa gishshataayyo taani GODAA galatana; qassi Ubbaappe Xoqqiya GODAA sunttaayyo taani galataa yexxana.

Mazamure Maxaafaa 94:23

Eta iitatettaa gishshau, i eta qaxxayana; eta nagaraa gishshau, i eta xaissana; ee, GODAI nu Xoossai eta xaissana.

Leemiso Maxaafaa 26:27

Haratussi ollaa bookkiya uri he ollan bau kunddana; haratu bolli shuchchaa gonddorssiya uraa bolli he shuchchai simmidi gonddorettana.

Leemiso Maxaafaa 5:22

Nagaranchchaa i oottido nagarai oiqqees. A nagaraa gitee a qachchees.

Isiyaasa 22:25

Ubbaappe Wolqqaama GODAI hagaadan yaagees; “He gallassi ammanettiya sohuwan xishido xishee kichchana; qanxxettananne kunddana. A bollan kaqqido tooho ubbai duuxxi wodhdhana” yaagees. Hagaa GODAI odiis.

Abddiyyu 1:15

“Aihuda gidenna asatu ubbaa bolli GODAA gallassai gakkiis. Nenoo Eedoomaa, neeni haratu bolli oottidobai ne bolli oosettana; ne daafaikka ne huuphiyan simmana.

Maatiyoosa 21:44

He shuchchaa bolli kunddiya ubbai meqerettana; qassi he shuchchai asa bolli kunddikko, he kunddido uraa gaaccana” yaagiis.

Sameela Maxaafaa Koiruwaa 25:39

Naabaali haiqqidoogaa Daawiti siyido wode, “GODAI galatetto! Naabaali tana cayidoogaa haluwaa GODAI kessiis; taani a ashkkarai iitabaa oottennaadan teqqiis; Naabaali oottido iitatettaa GODAI a huuphiyan zaariis” yaagiis. Hegaappe guyyiyan, Daawiti Abigaalo ekkanau kiitaa yeddidi oishissiis.