Asttiri Maxaafaa 8:13 - Wolaytta Bible

¹³ Kawuwaa awaajuwaa biittatu ubban de7iya asai eranaadan, higge gididi awaajjettiis; hegeekka Aihudati bantta morkketu bollan haluwaa kiyanau banttana giigissanau danddayissees.

Asttiri Maxaafaa 8:13 Iomraidhean Croise

Asttiri Maxaafaa 3:14

Hegaa gishshau, he keerido gallassai gakkiyo wode, asi ubbi giigettanaadan, he awaajoi biittau ubbau kiitettiisinne asau ubbau awaajjettiis.

Asttiri Maxaafaa 8:14

Kiitettiyaageeti kawo keettaa parata toggidi, kawuwaa azazuwaa gattanau eesotidi biidosona. Qassi Suusa katamankka ha awaajoi asa ubbau odettiis.

Mazamure Maxaafaa 68:23

Hegeenne, neeni ne morkketu suuttaa giddoora colbbaya yedhdhaidda hemettanaassanne ne kanatikka morkkiyaa suuttaappe bantta gishshaa inxxarssan laaccanaassa” yaagiis.

Luqaasa 18:7

Yaatin bana maaddana mala, gallassinne qammi baakko waassiya doorettida asaassi Xoossai pirddennee? I etassi eesuwan zaarennee?

Ajjuutaa 6:10

Eti bantta qaalaa xoqqu oottidi, “Ubbaa Haariya Godau, geeshshau, tumanchchau, sa7an de7iya asaa bolli aude pirdduutee? Qassi nu suuttaa aude achchuutee?” yaagidosona.

Daannatu Maxaafaa 16:28

He wode Samssooni GODAA woossiiddi, “Abeet Ubbaa Haariya GODAU, hai tana hassayarkkii! Abeet Xoossau, Pilisxxeemati ta naa77u aifeta kessidoogaa, haluwaa taani kessanaadan, hai tana issiton minttarkkii!” yaagiis.