Asttiri Maxaafaa 3:5 - Wolaytta Bible

⁵ Marddikiyoosi baayyo gulbbatennaagaanne bana bonchchennaagaa Hamaani erido wode, hanqquwaa tamaadan eexxi kiyiis.

Asttiri Maxaafaa 3:5 Iomraidhean Croise

Asttiri Maxaafaa 1:12

SHin kawuwaa azazuwaa mureessati odin, Kawiyaa Asxxiina kawuwaa sinttau yeennan ixxaasu. Hegee kawuwaa hanqquwaa suulissiis.

Asttiri Maxaafaa 3:2

Kawoi azazi wottido gishshau, kawo keettaa penggen oottiya halaqati ubbati Hamaani kanttiyo wode, gulbbatidi a bonchchoosona. Gido shin, Marddikiyoosi Hamaanassi gulbbatennaaninne bonchchennan ixxiis.

Asttiri Maxaafaa 3:4

hachchi hachchi odoosona; shin i eti odiyoogaa siyanau koyibeenna. Ubba qassi, “Taani Aihuda asa gidiyo gishshau, Hamaanassi gulbbatanaunne a bonchchanau danddayikke” yaagiis. Hegaappe guyyiyan eti, “Ha Marddikiyoosi odiyo gaasuwaa siyidi, Hamaani waananddeeshsha!” giiddi, ayyo yootidosona.

Asttiri Maxaafaa 5:9

Hamaani gibiraa sohuwaappe kiyidi biyo wode, keehippe ufaittido gishshau, ba wozanan poocu giiddi biis. SHin i kawo keettaa geliyo penggiyaa mataara aadhdhidi biyo wode, hegan uttida Marddikiyoosa be7iis; ayyo denddibeennaagaanne yayyidi kokkoribeennaagaa akeekidi, Hamaani hanqquwaa eexxi kiyiis.

Iyyooba Maxaafaa 5:2

Eeyya uraa lanccee worees; akeekai paccido uraakka qanaatee xaissees.

Mazamure Maxaafaa 37:12

Iita asi xillo asa bolli maqetteesinne ba achchaa garccees.

Leemiso Maxaafaa 12:16

Eeyya uraa hanqqoi sohuwaara erettees; shin cincca asi cashshaa wudenna.

Leemiso Maxaafaa 19:19

Hanqquwaa suulliya asi ba waagaa ekko; a aggaaga; neeni a ashshiyaabaa gidikko, haranttuwaakka neeni a hegaadan oottanaagee attenna.

Leemiso Maxaafaa 21:24

Otorettiyanne ayyiya asi qilliicciyaagaa geetettees; i otoranchcha gidido gishshau, asau qoppenna.

Eranchchaa Maxaafaa 10:6

Eeyyati daro xoqqa sunttatettaa oiqqidi de7iyo wode, dureti hirkki ziqqa sohuwan uttidosona.

Daaneela 3:19

He wode Naabukadanaxoori Sidiraaqa, Misaaqanne Abddanaago bolli hanqquwaa suulliis; suullin a som77oi etau kaseegaappe dummatiis. Tamai kase eexxiyoogaappe laappun kushiyaa aadhdhidi eexxanaadan azaziis.