Amoxa 9:11 - Wolaytta Bible

¹¹ Qassikka GODAI, “He gallassi taani kolettidi kunddida keettadan hanida Daawita kawotettaa denttana; xoo7etida sohotakka bottokonana; qassi qolettidasaakka ooraxissana; taani a beniigaadan oottada keexxana.

Amoxa 9:11 Iomraidhean Croise

Iyyooba Maxaafaa 1:10

Anne a so asaanne ayyo de7iyaabaa ubbaa neeni dirada naagabeikkii? I oottiyo ooso ubbaa neeni anjjido gishshau, a mehiyaa wudee biittaa ubbaa bollan dariis.

Mazamure Maxaafaa 143:5

Taani beni wodeta hassayais; neeni oottido oosuwaa ubbaa zaara zaarada qoppaisinne ne kushee oottidobaa akeekais.

Mazamure Maxaafaa 80:12

Yaatin, ogiyaara aadhdhiya ubbai a aifiyaa duuttanaadan, a yuushuwan de7iya gimbbiyaa aissi qoladii?

Mazamure Maxaafaa 89:40

Neeni a katamaa gimbbiyaa ubbaa laaladasa; i naagettiyo miixaa ubbaa bashshadasa.

Isiyaasa 16:5

Hegaappe guyyiyan, issi kawotaa araatai aggenna siiquwan eqqana; he araatan, Daawita dunkkaaniyan issi ammanettiya daannai uttana. I suuretettaa koyana; xillotettaa oottanaukka eesotana” yaagana.

Isiyaasa 5:5

Ha77i taani ta woiniyaa turaa sohuwaa oottiyoobaa intteyyo yootais. Taani dirssaa shoddana; he turaikka xayanaadan oottana. Taani gimbbiyaa qolana; he sohoikka tubettana.

Isiyaasa 58:12

Beni qolettidaageeta intte zaarettidi keexxana; daro wodiyaappe kase baasettida baasotikka keexettidi xoqqu gaana. Inttekka qolettida gimbbeta zaarettidi gimbbiyaageetanne asai de7iyo sohotun ogiyaa kessiyaageeta geetetti xeesettana” yaagees.

Isiyaasa 63:11

Hegaappe guyyiyan asai benibaa, i ba ashkkaraa Muuse wode oottidobaa hassayidi, hagaadan yaagiis; “Ba wudiyaa henttanchchatuurakka ubbaa abbaa giddoora kanttissidi kessidaagee awan de7ii? Qassi he wode ba Geeshsha Ayyaanaa eta giddon wottidaagee ha77i awan de7ii?

Isiyaasa 65:9

Taani Yaaqoobappe zerettaa, Yihudaappekka ta dereta laattiyaageeta kessana; taani dooridoogeeti a laattana; ta ashkkaratikka yan de7ana.

Ermmaasa 18:9

Qassi ai wode gidikkonne, taani issi biittaabaa woikko issi kawotettaabaa, 'Taani inttena keexxananne tokkana' gaada yootin,

Ermmaasa 30:9

Hegaa aggidi eti GODAASSI, bantta Xoossaassi, oottana; taani etayyo denttiyo Kawuwaa Daawitassi eti haarettana.

Ermmaasa 46:26

Eta woranau koyiya Baabiloone Kawuwaa Naabukadanaxoora kushiyaaninne a olanchchatu kushiyan aattada immana. “Hegaappe simmin, Gibxxe biittai kaseegaadan asi de7iyo biitta gidana. Taani GODAI hagaa odais.

Ermmaasa Zilaassaa 5:21

Abeet GODAU, nuna neekko zaara; nuunikka simmana! Nu beni bonchchuwaa zaarada, nuna ooraxissa!

Hizqqeela 17:24

Xoqqa mittaa ziqqi oottiyaagee, ziqqa mittaa xoqqu oottiyaagee, irxxa mittaa melissiyaageenne mela mittaakka aacissiyaagee, tana GODAA gidiyoogaa bazzo mitta ubbai erana. Taani GODAI hagaa yootaas; taani yootidoogaa taanikka oottana” yaagees' yaaga” yaagiiddi yiis.

Hizqqeela 36:11

Taani asaakka mehiyaakka intte bolli darissana; eti yelettananne corattana. Beniigaadankka intte bolli asai de7anaadan taani oottana. Taani intteyyo kaseegaappe aadhdhiya lo77obaa oottana. Taani GODAA gidiyoogaa intte hegan erana.

Hoose7a 3:5

Hegaappe guyyiyan, Israa7eela asai simmidi, GODAA bantta Xoossaanne Daawita bantta kawuwaa koyana; koyidi wurssetta gallassatun eti kokkoriiddi, GODAAKKONNE a anjjuwaakko yaana.

Abddiyyu 1:17

“SHin Xiyoone Deriyan bashshaappe kessi ekkiyaageeti de7ana; Xiyooneekka geeshsha gidana; Yaaqooba zaretikka bantta biittaa laattana.

Mikiyaasa 5:2

GODAI hagaadan yaagees; “Nenoo Efiraataa, Beetaliheeme katamau, neeni Yihudaa katamatu giddon guutta; shin au denddoi beniisappe doommidi, merinaappe gididoogee, Israa7eela asaa haariyaagee taayyo neeppe kiyana” yaagees.

Mikiyaasa 7:11

Inttenoo, Israa7eela asatoo, intte katamaa gimbbe dirssati direttiyo gallassai yaana; he gallassi intte zawaikka aakkana.

Mikiyaasa 7:14

Neeni ne asaa, aradda biittai yuushuwan de7iyo bazzuwan barkka de7iya ne buzo dorssaa wudiyaa ne gatiman heemma. Eti kaseegaadankka Baasaaneeninne Gala7aaden heemettona.

Mikiyaasa 7:8

Ta morkkiyau, ta metuwan ufaittoppa. Taani kunddikkokka denddana; taani xuman uttikkokka, GODAI taayyo poo7ana.

Zakkaariyaasa 12:7

“Daawita zaretu bonchchoinne Yerusalaamen de7iyaageetu bonchchoi Yihudaa asaa bonchchuwaappe aadhdhenna mala, taani GODAI kasetada Yihudaa asaassi xoonuwaa immana.

Zakkaariyaasa 14:10

Gebaa7appe doommidi, Yerusalaameppe tohossa baggaara de7iya Rimmoona giyo katamaa gakkanaashin de7iya biittai ubbai dembbattana. SHin Yerusalaamee Biniyaama Penggiyaappe biidi, beni penggiyaa ginaara Zooziyaa Penggiyaa gakkanaashiininne, qassi Hanaani7eela Adussa Gimbbiyaappe biidi, kawo woiniyaa gum77iyoosaa gakkanaashin, ba sohuwan xoqqu giidi de7ana.

Zakkaariyaasa 6:12

Wottada ayyo, 'Ubbaappe Wolqqaama GODAI hagaadan yaagees; “Be7a, a sunttai Tashiyaa geetettiyo issi bitanee ba de7iyoosan diccana; diccidi i GODAA Beeta Maqidasiyaa keexxana.

Qoodaabaa 24:18

Eedoomi xoonettana; a morkkee Se7iirikka xoonettana; shin Israa7eeli minni minnidi baana.