Amoxa 9:1 - Wolaytta Bible

¹ Yarshshiyo sohuwaa matan Godai eqqidaashin, taani be7aas. I tana hagaadan yaagiis; “Baasoi qaaxxanaadan, Beeta Maqidasiyaa gumbbuwaa shoca; shocada asa ubbaa huuphiyan mentteretta. Hegaappe attiya asaa taani bisuwan worana. Baqatiya asi kessi ekkenna; kessi ekkida asikka paxa attenna.

Amoxa 9:1 Iomraidhean Croise

Hanidabaa Odiya Naa77antto Maxaafaa 18:18

Mikaayi gujjidikka hagaadan yaagiis; “Simmi GODAI giyoobaa siya! GODAI ba kawotaa araatan uttin, saluwaa olanchchati ubbai a ushachchaaranne a haddirssaara eqqidaageeta taani be7aas.

Mazamure Maxaafaa 68:21

Xoossai tumaappe bari morkketu guuggiyaa kinchchana; nagaraa ogiyan hemettiya goofaranchchatu huuphiyaa menttana.

Mazamure Maxaafaa 68:22

Godai yaagiis; “Taani intte morkketa Baasaaneppe zaarada ehaana; taani eta ciimma abbaa giddoppe kessada guyye ehaana.

Isiyaasa 30:16

Ixxidi hagaadan yaagideta; 'CHii, nuuni paratun uttidi baqatana' yaagideta; hegaa gishshau, intte baqatana. Qassikka intte, 'Eesotiya parata toggidi biichchana' yaagideta; hegaa gishshau, inttena yedettiyaageeti eesotana.

Isiyaasa 6:1

Kawoi Ooziyaani haiqqido laitti Godai bollaaninne xoqqa araatan uttidaagaa be7aas; a maayoi Beeta Maqidasiyaa kumiis.

Ermmaasa 11:11

Hegaa gishshau, GODAI eta hagaadan yaagees; 'Eti baqatidi attanau danddayenna metuwaa taani eta bolli ehaana. Eti taayyo waassinkka, taani etau siyikke.

Ermmaasa 42:16

he intte yayyido olai Gibxxen inttena oiqqana; intte hirggido koshaikka inttena kaallidi baana; inttekka yan Gibxxen haiqqana.

Ermmaasa 48:44

Yashshiyaabaappe baqatidi woxxiya ooninne ollan kunddana; qassi ollaappe pude kiyiya ooninne piriyan ohettana. Aissi giikko, taani Moo7aaba qaxxayiyo wodiyan hegaa oottana. Taani GODAI hagaa odais.

Hizqqeela 1:28

A yuushuwan de7iya phooliya poo7oi ira gallassi shaaran eqqida zuullaa milatees. Hegee GODAA bonchchuwaa qonccettaa milatees. Taani hegaa be7ido wode, biittan duge gufannada, issoi haasayiyo cenggurssaa siyaas.

Hizqqeela 10:4

GODAA bonchchoi kiruubetu bollappe denddidi, Beeta Maqidasiyaa pengge biis. SHaarai Beeta Maqidasiyaa kumiis; dabaabaikka GODAA bonchchuwaa phoolettan kumiis.

Hizqqeela 15:7

Taani ta som77uwaa eta bollan zaarana. Eti issi tamaappe kiyikkokka, hara tamai eta maana. Taani ta som77uwaa eta bolli zaariyo wode, taani GODAA gidiyoogaa eti erana.

Hizqqeela 9:2

Yaagin huuphessi xeelliya qommo bagga penggiyaara woriya ola miishshaa oiqqidi, yiya usuppun asata be7aas. Etaara issippe liinuwaappe dadettida maayuwaa maayidi, ba miyyiyan xaafiyoobaa korjjuwan oiqqida issi bitanee de7ees. Eti giddo gelidi, nahaasiyaappe oosettida yarshshiyoosaa lanqqen eqqidosona.

Amoxa 3:14

Taani Israa7eela asaa eta nagaraa gishshau qaxxayiyo gallassi, Beeteele kataman de7iya yarshshiyo sohota kolana; yarshshiyo sohuwan de7iya kacetikka me77idi, sa7an wodhdhana.

Amoxa 7:17

Hegaa gishshau, GODAI hagaadan yaagees; 'Ne machchiyaa katamaa giddon shaaramuxa gidana; ne attuma naatinne ne macca naati bisuwan haiqqana; ne biittaikka wodoruwan shaakettana; qassi neeni ne huuphiyaukka allaga biittan haiqqana. Israa7eela asaikka bantta biittaappe omoodettidi tuma baana' yaagees” yaagiis.

Amoxa 7:9

Yisaaqa zareti goinniyo xoqqa sohoti kolettana; Israa7eela geeshsha sohotikka xayana; qassi Iyorbbaama kawotettaa bollikka taani bisuwaara denddana” yaagiis.

Imbbaaqooma 3:13

Neeni ne asaa ashshanaunne ne tiyettidaagaa ashshanau kiyadasa; iitatu halaqaa shocadasa; a maayuwaa qaarada a kallo xiire ashshadasa.

Sofonaasa 1:12

He gallassi taani Yerusalaame gidduwaa xomppiyan koyana; koyada hirggi bainnan badhdhi gi uttidi, bantta wozanan, 'GODAI lo77obaanne oottenna; iitabaanne oottenna' yaagiyaageeta taani qaxxayana.

Sofonaasa 2:14

Mehiyaa wudeenne biittan de7iya do7ati ubbai a giddon allaxxana; guttoinne quxarssai a kolettida gimbbetu giddon de7ana; eta cenggurssai maskkootiyaaranne penggiyaara siyettana. Keettati keexettido zigai kallottana.

Yohaannisa 1:18

Xoossaa be7ida asi mulekka baawa; ba Aawaa lanqqiyan de7iya issi Na7aa xalaalai abaa markkattiis.

Yohaannisa 1:32

Yohaannisi hagaadan yaagidi markkattiis; “Geeshsha Ayyaanai saluwaappe haraphphedan wodhdhishiininne a bolli uttishin, taani be7aas.

Yesuusi Kiittidoogeetu Oosuwaa 26:13

Kawuwau, taani seeta gallassi ogiyan de7ishin, awaa poo7uwaappe daro aadhdhiya poo7oi tananne tanaara biidaageeta yuuyi aadhdhidi, saluwaappe poo7ishin be7aas.

Yaasu Maxaafaa 10:18

Odin Yaasu, “Gita shuchchata gonddorssidi, gonggoluwaa penggiyaa gorddite; gorddidi eta naagana mala, asa yan wottite.

Ajjuutaa 1:17

Taani a be7ido wode haiqqidabaadan hanada, a tohuwaa matan kunddaas. Kunddin ba ushachcha kushiyaa ta bolli wottidi, tana hagaadan yaagiis; “Yayyoppa; koiroikka wurssettaikka tana.

Ajjuutaa 8:3

Ixaanaa cuwayiyo worqqa miishshaa oiqqida hara kiitanchchai yiidi, yarshshiyoosaa matan eqqiis. Worqqaappe merettida yarshshiyoosai kawotaa araataa sinttan de7ees; he yarshshiyoosaa bolli geeshsha ubbatu woosaa gujjana mala, kiitanchchaayyo daro ixaanai imettiis.