Amoxa 8:7 - Wolaytta Bible

⁷ GODAI Yaaqoobi ceeqettiyo ba sunttan hagaadan yaagidi caaqqiis; “Taani eti oottido iita oosuwaa mulekka dogikke.

Amoxa 8:7 Iomraidhean Croise

Iyyooba Maxaafaa 24:23

Xoossai eti saro de7anaadan oottikkokka, eta ogiyaa wochchees.

Mazamure Maxaafaa 10:11

I ba wozanan, “Xoossai tana dogiichchiis. Ba som77uwaa taappe genttiichchiis; mulekka i be7enna” yaagees.

Mazamure Maxaafaa 47:4

I nuuyyo laattiyo biittaa dooriis; he biittainne i siiqiyo dereti, Yaaqooba zareti ceeqettiyoogaa.

Mazamure Maxaafaa 47:5

Xoossai pude kawotaa araataa kiyiis. GODAI pude kiyiyo wode, ufaissaa hombbocettainne malkkataa punettai siyettiis.

Mazamure Maxaafaa 68:34

Xoossaa wolqqaabaa awaajjite; a anggai Israa7eela bollaana; a wolqqaikka saluwaana.

Kessaabaa 17:16

I hagaadan yaagiis; “Kusheti pude GODAA kawotaa araataakko denddidosona; yeletaappe yeletaa gakkanaashinkka GODAI Amaaleeqatuura olettana” yaagiis.

Isiyaasa 22:14

Ubbaappe Wolqqaama GODAI hagaa taayyo yootiis; i, “Intte haiqqana gakkanaassikka ha nagarai intteyyo atto geetettenna. Taani Godai, Ubbaappe Wolqqaama GODAI hagaa odais” yaagiis.

Isiyaasa 43:25

“Tana, ne mooruwaa ta gishshau gaada qucciyai tanattennee; ne nagaraakka zaarettada hassayikke.

Ermmaasa 17:1

GODAI hagaadan yaagees; “Yihudaa nagarai birata biiriyan xaafettiis; eta wozanaa bollinne eti yarshshiyoosan de7iya kaciyaa bolli almmaaziyaa giyo shuchchaa xeeran qaacettidi xaafettiis.

Ermmaasa 31:34

Asi ba shooruwaa woikko ba ishaa, 'GODAA era' yaagidi tamaarissiyoogaa aggana; aissi giikko, guuttaappe doommidi, gitaa gakkanaashin, eti ubbai tana erana. Taani eta naaquwaa atto gaana; eta nagaraakka naa77antto hassayikke. Taani GODAI hagaa odais” yaagees.

Ermmaasa 44:21

“Inttenne intte maizza aawati, intte kawotinne intte halaqati, qassi biittan de7iya asai ubbai Yihudaa katamatuuninne Yerusalaame ogetun ixaanaa cuwayidoogaa GODAI erenna woikko dogiis giidi qoppeetii?

Hoose7a 7:2

SHin taani eta iita oosuwaa ubbaa hassayiyoogaa eti akeekokkona. Eta iita oosoti eta dooddi wottidosona; he iita oosoti ubba wodekka ta sinttan de7oosona.

Hoose7a 8:13

Eti yarshshanau dosoosona; yarshshuwaa ashuwaakka moosona; shin GODAI etan ufaittibeenna. I ha77i eta mooruwaa hassayana; qassi eta nagaraa gishshaukka eta qaxxayana; eti Gibxxe biitti baana.

Hoose7a 9:9

Beni Gib77a kataman hanidoogaadan, eti keehi tunidosona. Xoossai eta mooruwaa hassayana; hassayidi eta nagaraa qaxxayana.

Amoxa 4:2

Ubbaa Haariya GODAI hagaadan yaagidi, ba geeshshatettan caaqqiis; “Intte manxxaquwan oiqettidi gooshettana gallassainne intteppe attida amaridaageetikka manxxaquwan ohettidi biya moletudan hanana gallassai yaana.

Amoxa 6:8

Godai, Ubbaappe Wolqqaama GODAI Xoossai hagaadan yaagidi, barkka banan caaqqiis; “Taani Yaaqooba otoruwaa ixxais; eta qatotakka shenetaas; taani katamaanne kataman de7iya ubbaa eta morkketussi aattada immana” yaagiis.

Luqaasa 2:32

He ashettai Israa7eela gidenna asau nebaa bessiya poo7o mala; qassi ne asaa Israa7eelassi bonchcho” yaagiis.