Amoxa 8:14 - Wolaytta Bible

¹⁴ Samaariyaa eeqatun caaqqiyaageeti, 'Daana xoossai ero!' yaagiyaageetinne, 'Berssaabeha xoossai ero' yaagiyaageeti kunddana. Eti naa77antto mulekka denddokkona” yaagees.

Amoxa 8:14 Iomraidhean Croise

Kawotu Maxaafaa Koiruwaa 12:32

Yihudan bonchchiyoogaadan hosppuntta aginan tammanne ichchashantta gallassan baalai bonchchettanaadan, Iyorbbaami gallassaa keeriis; keeridi yarshshuwaa yarshshiis. I hagaadan haniis; Beeteele biis; biidi ba medhdhido maraa misiliyaayyo yarshshuwaa yarshshiis. Qassi ba medhdhido goinniyo xoqqa sohotun qeeseta Beeteelen sunttidi wottiis.

Kawotu Maxaafaa Koiruwaa 14:16

Iyorbbaami oottido nagaraa gishshaunne Israa7eela asaa i ootissido nagaraa gishshau, GODAI Israa7eela aggi bayana” yaagiis.

Kawotu Maxaafaa Koiruwaa 16:24

Omiri Samaariyaa giyo keraa SHemeera giyo bitaniyaappe usuppun sha7u xaqara biran shammiis; shammidi issi katamaa an keexxiis. Yaatidi he katamaa kase he keraa godaa sunttan Samaariyaa giidi sunttiis.

Kawotu Maxaafaa Naa77anttuwaa 10:29

Gidikkonne Nabaaxa na7ai Iyorbbaami Israa7eela asaa ootissido nagaraa oottiyoogaa i aggibeenna. Beeteeleeninne Daanan Iyorbbaami essido worqqa maratu misiletuyyo i ba huuphen goinniis.

Hanidabaa Odiya Naa77antto Maxaafaa 36:16

SHin GODAA hanqqoi eta bolli wodhdhana gakkanaashiininne etayyo kessi ekkiyoosai xayana gakkanaashin, eti GODAI kiittidoogeetu bolli qilliiccidosona, a qaalaa karidosonanne hananabaa yootiyaageetu bolli miiccidosona.

Mazamure Maxaafaa 140:10

Eta bolli xuuggiya bonqqoi qoletto; eti ollan olettona; hegaappe naa77antto denddoppona.

Mazamure Maxaafaa 36:12

Iita asati kunddidaageeta be7ite; eti kunddidosona; denddanaukka danddayokkona.

Leemiso Maxaafaa 24:16

Xillo asi laapputoo kunddikkokka denddees; shin iitati metuwan xayana.

Leemiso Maxaafaa 29:1

Daroton seerin ixxidi, morgge zozzida urai hassayennan meqqana; he urau paxoikka baawa.

Isiyaasa 24:20

Biittai mattottida asadan ganddigaarees; carkkoi sugiyo daasedan, yonqqu gees. Makkalanchchatu mooroi a keehippe deexxido gishshau, naa77antto denddennaadan kunddees.

Isiyaasa 43:17

para gaaretanne parata, olanchchatanne mino asata abbau ehiidi, eti denddennaadan zaqqulssida GODAI, qassi eta muqaaddaa lacuwaadan toissida GODAI hagaadan yaagees;

Ermmaasa 25:27

GODAI tana hagaadan yaagiis; “Hegaa gishshau, etayyo yoota; 'Ubbaappe Wolqqaama GODAI, Israa7eela Xoossai inttena, “Uyitenne mattottite. Cooyitenne kunddite. Taani intte giddo yeddiyo bisuwaa gaasuwan naa77antto denddoppite” yaagees' yaaga.

Ermmaasa 51:64

Olada, '“Taani GODAI a bollan ehiyo iitaa gaasuwan, Baabilooneekka hagaadan naa77antto denddennaadan muukettana” yaagais' yaaga” yaagiis. Ermmaasi haasayido qaalai hagan polettiis.

Hoose7a 10:5

Samaariyaa kataman de7iya asai Beeti-Aweenan de7iya maraa misiliyaayyo yayyoosona. A bonchchoi appe shaahettiichchido gishshau, asai au yeekkana; he eeqaa misiliyau oottiya qeesetikka waassana.

Hoose7a 13:16

Samaariyaa asai bantta Xoossaa bolli makkalido gishshau, bantta mooruwaa qixaatiyaa ekkanau bessees. Eti bisuwan busakettana; eta guutta naatikka kinchchettana; eta shahaara maccaasatu uloikka phalqqettana” yaagees.

Hoose7a 13:2

Ha77ikka nagaraa bolli nagaraa oottoosona; qassi banttau goinnanau, seerissidi misileta medhdhoosona. He misileti hiillan biraappe merettidaageeta; eti ubbaikka kushe hiillai medhdhidoogeeta. Etabaa asai haasayiiddi, “Haa yiite; etayyo yarshshuwaa yarshshite; ha maraa misiliyaakka yerite” yaagees.

Hoose7a 4:15

“Israa7eela asatoo, intte shaaramuxa kiyikkokka, Yihudaa asai intteegaadan, mooranchcha gidoppo. Gelggala booppite; Beeti-Aweenikka pude kiyoppite; 'GODAI ero!' yaagidi caaqqoppite.

Amoxa 5:1

Israa7eela asatoo, taani intte bolli zilaaliyo zilaassaa siyite!

Amoxa 5:2

“Geela7iyaa Israa7eela kunddaasu; simmi naa77antto denddukku. Sa7an olettaasu; o denttiyaabikka baawa!” yaagaas.

Amoxa 5:5

SHin Beeteele koyoppite. Gelggala geloppite. Berssaabehi pinnoppite. Aissi giikko, Gelggali omoodettana; Beeteeleekka xayana” yaagees.

Mikiyaasa 1:5

Hagee ubbai haniyoogee Yaaqooba zaretu mooruwaa gishshaassanne Israa7eela asaa nagaraa gishshaassa. Yaaqooba zaretu mooruwaassi gaaso gididai oonee? Eta katamaa Samaariyaa gidennee? Yihudaa asai goinniyo xoqqa sohoi awee? Yerusalaame gidenneeyye?

Sofonaasa 1:5

Keettaa bollan dembbayidi oottidosaa kiyidi, awaassi, aginaassinne xoolinttetussi goinniyaageeta taani xaissana. GODAASSI goinniiddinne a sunttan caaqqiiddi, qassi Molooka giyo eeqaa sunttan caaqqiyaageeta taani xaissana.

Yesuusi Kiittidoogeetu Oosuwaa 18:25

Godaa ogiyaakka tamaarida asa; Yohaannisa xinqqatiyaa xalaalaa eridi, ayyaanan mishettiiddi, Yesuusabaa sitti oottidi haasayeesinne tamaarissees.

Yesuusi Kiittidoogeetu Oosuwaa 19:23

Godaa ogiyaa gishshau, he wode daro wocamai kiyiis.

Yesuusi Kiittidoogeetu Oosuwaa 19:9

SHin etappe issoi issoi makkalidi, daro asaa sinttan Godaa ogiyaa cayiiddi ammanennan ixxin, PHauloosi etappe shaahettidi, ba kaalliyaageeta banaara efiis; Xiraanoosa giyo tamaare keettan ubba gallassi palamettees.

Yesuusi Kiittidoogeetu Oosuwaa 24:14

“SHin taani hagaa neessi yootais; taani higgiyan de7iyaabaanne hananabaa yootiyaageeti xaafido ubbabaa ammanada, nu aawatu Xoossaassi eti worddo giyo ogiyan goinnais.

Yesuusi Kiittidoogeetu Oosuwaa 9:2

Biidi Godaa ogiyaa kaalliya asata maccaageetanne attumaageeta demmikko, qachchidi Yerusalaame ehaanau, Damasqqon de7iya Aihuda woosa keettatussi dabddaabbiyaa xaafanau a woossiis.

Zaarettido Wogaa 33:11

Abeet GODAU eta kushee oottidobaa anjja; eti oottiyo ubbaban ne ufaittiyoogaa etau qonccissa. Eta bolli denddiyaabaa mentteretta ola; eta morkketa naa77antta denttoppa” yaagiis.

Zaarettido Wogaa 9:21

Taani intte medhdhido he nagaran kumida mirgguwaa misiliyaa ekkada, taman xuuggaas; yaatada a kinchcherettada i buhiyaadan liiqana gakkanaashin gaaccaas; he buhiyaa deriyaappe goggiya haattan olaas.