Amoxa 5:4 - Wolaytta Bible

⁴ GODAI Israa7eela asaassi hagaadan yaagees; “Tana koyite; yaatikko, intte de7uwan de7ana.

Amoxa 5:4 Iomraidhean Croise

Kawotu Maxaafaa Naa77anttuwaa 20:3

Woossiiddi, “Abeet GODAU, taani ne sinttan tumatettaaninne kumetta wozanan hemettidoogaanne qassi nena ufaissiyaabaa oottidoogaa taayyo neeni hassayana mala, taani nena woossais” yaagidi woossiis. Woossiiddi Hizqqiyaasi keehi mishettidi yeekkiis.

Hanidabaa Odiya Koiro Maxaafaa 28:9

“Solomonaa, ta na7au, ne aawaa Xoossaa era. Ne kumetta wozanaaninne ne eeno giya qofan ayyo ootta. Aissi giikko, GODAI wozanaa ubbaa qorees; qofan de7iya halchchuwaa ubbaakka erees. Neeni a koyikko, i neeyyo beettana; shin neeni a aggikko, i nena merinau aggi bayana.

Hanidabaa Odiya Naa77antto Maxaafaa 15:2

Wodhdhin Asaara gaittanau biidi, hagaadan yaagiis; “Asaa, neeni, Yihudaa asainne Biniyaama asai ubbai siyite! Intte GODAARA issippe de7iyo keena ubban ikka inttenaara de7ees. Intte a koyikko, i intteyyo beettana; shin intte a aggikko, ikka inttena aggana.

Hanidabaa Odiya Naa77antto Maxaafaa 20:3

Yaatin, Yoosaafixi yayyidi, GODAA oichchanau ba qofaa qachchiis; qachchidi Yihudaa biittan ubban xoomaa awaajjiis.

Hanidabaa Odiya Naa77antto Maxaafaa 20:4

Awaajjin Yihudaa asai ubbai GODAAPPE maaduwaa koyanau issippe shiiqiis; eti GODAAPPE maaduwaa koyanau Yihudaa katamatu ubbaappe yiidosona.

Hanidabaa Odiya Naa77antto Maxaafaa 34:3

I kawotido hosppuntta laittan biron yelaga de7iiddi, ba maizza aawaa Daawita Xoossaayyo goinnanau doommiis; qassikka i kawotido tammanne naa77antto laittan Yihudaaninne Yerusalaamen de7iya goinniyo xoqqa sohotanne Asheero giyo xoossee misiletanne massi giigissidonne seerissi medhdhido misileta xaissiyoogaa doommiis.

Mazamure Maxaafaa 14:2

Xoossaa koyiya eranchchati de7iyaakkonne be7anau, GODAI saluwaappe duge asaa xeellees.

Mazamure Maxaafaa 22:26

Hiyyeesati miidi kallana. GODAA koyiyaageeti a galatana. Eti merinau duretana.

Mazamure Maxaafaa 27:8

Neeni, “Ta sinttaa koyite” giido wode, ta wozanai, “Abeet GODAU, eeno; taani ne sinttaa koyana” yaagiis.

Mazamure Maxaafaa 69:32

Naaqettidaageeti tana GODAI ashshidoogaa be7idi ufaittona. Inttenoo Xoossaakko shiiqiyaageetoo, intte wozanai minetto.

Mazamure Maxaafaa 69:33

Aissi giikko, GODAI hiyyeesatuyyo siyees; qasho keettan de7iya ba asaakka karenna.

Isiyaasa 31:1

Maaduwaa koyanau duge Gibxxe wodhdhiyaageetussinne paran ammanettiyaageetussi aayye7ana! Cora gidiyo gishshau paraa gaaretun, daroppe mino gidiyo gishshau paraasatun ammanettiyaageetussi aayye7ana! Eti Israa7eela Geeshshaakko xeellokkona; woikko GODAAPPE maaduwaa koyokkona.

Isiyaasa 55:3

“Ta asau, siyite; taakko haa yiite. SHemppoora paxa de7ana giikko, taani yootiyoogaa siyite. Taani inttenaara merinaa maachchaa maacettana. Taani anjjana gaada Daawita anjjidoogaadan, inttenakka anjjana.

Ermmaasa 38:20

Ermmaasi zaaridi, “Aikko baawa! Eti nena etayyo aattidi immokkona. Taani yootiyo GODAA qaalaassi hayyanaa azazetta. Hegee neeyyo lo77o gidana; neenikka paxa attana.

Hizqqeela 18:9

ta higgiyan hemettikko, ta wogaakka polidi naagikko, yaatikko, i xillo asa, i tumu paxa de7ana. Taani Ubbaa Haariya GODAI hagaa odais.

Hoose7a 10:12

GODAI yiidi, xillotettaa intte bolli iraadan bukissana gakkanaashin, intte a koyiyo wode gidiyo gishshau, inttessi xillotettaa zerite; zeridi aggenna siiquwaa cakkite; otta biittaakka phalqqite.

Amoxa 5:6

GODAA koyite; yaatikko, intte de7uwan de7ana. Hegee xayikko, i Yooseefa zariyaa tamaadan xuuggana; Beeteelen de7iya asaakka tamai maana. He tamaa etau ooninne toissenna.

Sofonaasa 2:3

Inttenoo, biittan de7iya ashkketoonne a azazuwaa oottiya ubbatoo, GODAA koyite; xillotettaa koyite; qassi ashkketettaakka koyite. Yaatikko, ooni erii, GODAA hanqquwaa gallassi intte qosettidi attanaakkonne.

Maatiyoosa 7:8

Aissi giikko, woossiya ubbai ekkana; koyiya urai demmana; qassi kare yiidi xeesiya urau karee dooyettana.

Zaarettido Wogaa 32:46

eta hagaadan yaagiis; “Ha higgiyaa qaala ubbaa eti naaganaadaaninne oottanaadan intte naata azazana mala, hachchi ta intteyyo markkattiyo qaala ubbaa intte wozanan wottite.

Zaarettido Wogaa 32:47

Ha qaalai intteyyo de7oppe attin, coo mela qaala gidenna. Ha qaalaa naagikko, intte Yorddaanoosa pinnidi laattana biittankka adussa laittaa de7ana” yaagiis.

Zaarettido Wogaa 4:29

SHin hegan de7iiddi, intte GODAA, intte Xoossaa koyana; intte a intte kumetta wozanaappenne intte kumetta shemppuwaappe koyikko demmana.