Amoxa 5:2 - Wolaytta Bible

² “Geela7iyaa Israa7eela kunddaasu; simmi naa77antto denddukku. Sa7an olettaasu; o denttiyaabikka baawa!” yaagaas.

Amoxa 5:2 Iomraidhean Croise

Kawotu Maxaafaa Naa77anttuwaa 15:29

Israa7eela Kawuwaa Paaquha wodiyan Asoore Kawoi Tigilaati-Paleseeri yiidi Iyoona, Aabeeli-Beetimaa7ika, Yaanooha, Qedeeshanne Haxoora geetettiya katamata olidi oiqqiis; qassikka Gala7aade, Galiilanne Nifttaaleema biittata ubbaa olidi, asaa Asoore biitti omooddidi efiis.

Kawotu Maxaafaa Naa77anttuwaa 17:16

GODAA bantta Xoossaa azazuwaa ubbaa aggiigidosona. Aggiigidi mara milatiya, naa77u goinniyo misiletanne Asheero giyo xoossee misiliyaa medhdhidosona. Saluwan de7iya xoolintte ubbaassi goinnidosonanne Ba7aala giyo eeqaassi oottidosona.

Isiyaasa 14:21

Eta aawatu nagaraa gishshau, naata woranau giigissite; hegee xayikko eti denddidi, biittaa laattana; sa7aa ubbaakka katama xalla oottana” yaagana.

Isiyaasa 24:20

Biittai mattottida asadan ganddigaarees; carkkoi sugiyo daasedan, yonqqu gees. Makkalanchchatu mooroi a keehippe deexxido gishshau, naa77antto denddennaadan kunddees.

Isiyaasa 3:8

Yerusalaamee ganddigaarees; Yihudai kunddees; aissi giikko, eti bantta oduwaaninne bantta oosuwan GODAA bolli denddidi, a bonchchuwaa toochchoosona.

Isiyaasa 37:22

“GODAI Sanaakireebabaa hagaadan yaagidi haasayees; “'Xiyoonen de7iya asai nena karees; Yerusalaame asai ba huuphiyaa qaattidi, nena qoosees.

Isiyaasa 43:17

para gaaretanne parata, olanchchatanne mino asata abbau ehiidi, eti denddennaadan zaqqulssida GODAI, qassi eta muqaaddaa lacuwaadan toissida GODAI hagaadan yaagees;

Ermmaasa 14:17

Ta azzanuwaabaa taani asaayyo hagaadan yaagada yootana mala, GODAI tana azaziis; “'Ta asai daro deshettidi, keehippe mazunxxido gishshau, ta aifeti qamminne gallassi shemppennan afuxxona.

Ermmaasa 18:13

Hegaa gishshau, GODAI hagaadan yaagees; “'Hagaa malabaa siyi ereetii?' yaagidi ane kawotettatu giddon lal77ite. Geela7iyaa Israa7eela keehippe sheneyiyaabaa oottaasu.

Ermmaasa 2:27

Eti mittaa, 'Neeni ta aawaa' yaagoosona; qassi shuchchaa, 'Neeni tana yeladasa' yaagoosona. Eti taayyo bantta som77uwaa aggidi, bantta zokkuwaa zaaridosona. SHin eti metootiyo wode tana, 'Dendda! Denddada nuna ashsha!' yaagoosona.

Ermmaasa 31:4

Geeshsha Israa7eela asau, taani inttena zaarettada keexxana; inttekka keexettana. Zaarettidikka karaabiyaa oikkidi, ufaittiyaageetuura yexxananne durana.

Ermmaasa 4:20

Iitabai iitabaa kaallees; mule biittai moorettiis. Ta dunkkaanetinne magalashoti eesuwan xayidosona.

Ermmaasa 50:32

Otoranchchai xubettidi kunddana; a denttiyaabikka de7enna. Taani a katamatu giddon tamaa eettana; he tamai yuushuwan de7iya ubbaa mirggana” yaagees.

Ermmaasa 51:64

Olada, '“Taani GODAI a bollan ehiyo iitaa gaasuwan, Baabilooneekka hagaadan naa77antto denddennaadan muukettana” yaagais' yaaga” yaagiis. Ermmaasi haasayido qaalai hagan polettiis.

Ermmaasa 8:4

GODAI tana hagaadan yaagiis; “Asatuyyo yaaga; 'GODAI hagaadan yaagees; “Issi asi kunddikko, simmidi denddenneeyye? Woikko issi asi wora biikko, guyye simmenneeyye?

Ermmaasa 9:21

Aissi giikko, haiqoi naata ogiyan, wodallatakka gutaran qeexiiddi yiidi, nu maskkooteta gakkiis; nu kawo keettatunkka geliis.

Ermmaasa 9:9

Yaatin, taani ha yohuwaayyo eta qaxxayanau bessikkinaa? Taani ta huuphiyau hagaa mala kawotettaa bolli haluwaa kiyikkinaa?” yaagees.

Ermmaasa Zilaassaa 2:13

Nenoo, Yerusalaamee, taani nebaa ai gaanau danddayiyaanaa? Woi qassi ne qohuwaa taani aibiira likkanau danddayiyaanaa? Nenoo, dosettida Xiyoonee, qassi taani nena waata minttettanau danddayiyaanaa? Ne masunttai abbaa keena ciimma. Yaatin, nena ooni pattanau danddayii?

Hoose7a 14:1

Israa7eela asau, intte nagaraa gaasuwan xubettidi kunddideta. Intte ha77i GODAAKKO, intte Xoossaakko simmite.

Hoose7a 6:2

Naa77u gallassaappe guyyiyan, i nuna pattana; heezzantto gallassi nuuni a sinttan de7ana mala, i nuna denttana.

Amoxa 8:14

Samaariyaa eeqatun caaqqiyaageeti, 'Daana xoossai ero!' yaagiyaageetinne, 'Berssaabeha xoossai ero' yaagiyaageeti kunddana. Eti naa77antto mulekka denddokkona” yaagees.

Amoxa 9:11

Qassikka GODAI, “He gallassi taani kolettidi kunddida keettadan hanida Daawita kawotettaa denttana; xoo7etida sohotakka bottokonana; qassi qolettidasaakka ooraxissana; taani a beniigaadan oottada keexxana.