Amoxa 4:7 - Wolaytta Bible

⁷ Kattaa cakkiyo wodee gakkanau biron heezzu aginai de7ishin, taani intteyyo iraa teqqaas. Taani issi kataman iraa bukissada hara kataman bukkennaadan diggaas; issi shooqan bukkiis; hara bukkibeenna shooqai qassi meliis.

Amoxa 4:7 Iomraidhean Croise

Kessaabaa 10:22

Yaagin Muusee ba kushiyaa saluwaa denttiis; Gibxxe biitta ubban heezzu gallassa kumettaa sakkana xumai xumiis.

Kessaabaa 10:23

He heezzu gallassatun asi ooninne issoi issuwaa be7ennan, woikko ba sohuwaappe denddidi beennan takkiis. SHin Israa7eelati de7iyoosan ubban etau poo7oi de7ees.

Kessaabaa 8:22

SHin he gallassi ta asai de7iyo Goshena biittan udunxxee gawwattennaadan taani teqqada, eta biittaa zaggana; taani GODAI, ha biittan de7iyoogaa neeni hegan erana.

Kessaabaa 9:26

SHachchi wodhdhibeenna biitti Israa7eelati uttido Goshena biittaa xalaala.

Kessaabaa 9:4

SHin taani GODAI Israa7eela mehetu gidduwaaninne Gibxxetu mehetu gidduwan zagaa medhdhana. Israa7eelatu mehiyaappe issoinne haiqqenna' yaaga” yaagiis.

Isiyaasa 5:6

Taani he sohuwaa la7a biitta oottana. He turai xunqqettennanne bul77ettenna; yaatin, kinddiichchoinne agunttai yan mokkana. Irai an bukkennaadan, taani shaarata azazana” yaagiis.

Ermmaasa 14:22

Woni kawotettatu eeqatuppe issoi ira bukissanau danddayii? Saloi ba sheniyan diifiyaa duge kiittanau danddayii? Danddayenna! Abeet GODAU, nu Xoossau, hegaa danddayiyaagee nena! Hagaa ubbaa oottiyaagee nena gidiyo gishshau, nuuni nenan ufaissaa oottoos.

Ermmaasa 14:3

Dure asati haattaa tikkanau bantta ashkkarata kiittoosona. Kiittin eti haattaa ollaa boosona; shin haatta demmokkona. Bantta otuwaa mela tookki ekkidi simmoosona. Haniyoobaa xayi yeellatidi, bantta huuphiyaa gullettoosona.

Ermmaasa 14:4

Irai bukkenna gishshau, biittai melidi za77ees. Goshshanchchati yeellatidi, bantta huuphiyaa gullettoosona.

Ermmaasa 3:3

Hegaa gishshau, badhdheesai teqettiis; silaa iraikka bukkennan aggiis. Hegaa hanikkokka, neeyyo shaaramuxiyo merai de7ees; neeni yeellatennan ixxadasa.

Yuu7eela 2:23

Inttenoo Xiyoone asatoo, ufaittite; GODAN, intte Xoossan, hashshu giite! Aissi giikko, i badhdheesaa iraa intteyyo darissidi immiis; qassi i kaseegaadan, intteyyo badhdheesaa iraanne ofinttaa iraa gidissidi immiis.

Zakkaariyaasa 14:17

Qassi ha sa7an de7iya asaappe ooninne Kawuwaassi, Ubbaappe Wolqqaama GODAASSI goinnanau Yerusalaame beennan aggikko, he asassi iri bukkenna.

Yohaannisa 4:35

Intte, ‘Oiddu aginappe guyyiyan, kattai cakettana’ geekketiiyye? Taani intteyyo odais; goshshaa loitti xeellite; kattai cahaa bessiis.

Koiro Qoronttoosa 4:7

Aissi giikko, haratuppe nena oonee xoqqissidai? Neeni Xoossaappe ekkabeennabai neessi aibee de7iyai? Yaatin, neeni ekkidabaa gidikko, aissi ekkabeennabaadan ceeqettai?

Zaarettido Wogaa 11:17

Hegee xayikko, GODAA hanqqoi intte bolli eexxi kiyana; irai bukkennaadaaninne biittaikka mokkennaadan i saluwaa gorddana; inttekka GODAI intteyyo immiyo lo77o biittaappe eesuwan xayana.

Yaaqooba 5:17

Eelaasi nu mala asa. Irai sa7an bukkennaadan, i minttidi, Xoossaa woossiis; woossin heezzu laittanne usuppun agina sa7an irai bukkibeenna.

Ajjuutaa 11:6

Eti Xoossaa kiitaa yootiyo wodiyan irai bukkennaadan, saluwaa gorddanau etayyo maatai de7ees. Etau haattaa suutta kessiyo maataikka de7ees; qassi eti banttana koshshiyo wode, sa7aa dumma dumma boshan dechchanau etayyo maatai de7ees.