Amoxa 1:8 - Wolaytta Bible

⁸ Ashddoodan de7iya asaa taani yedettananne kawotaa xam77aa oiqqidaagaakka Asqqaloonappe xaissana. Eqiroona kataman de7iya asaakka qaxxayana; qassi Pilisxxeema biittaa asaappe attidaageetikka haiqqana. Taani Ubbaa Haariya GODAI hagaa odais” yaagees.

Amoxa 1:8 Iomraidhean Croise

Hanidabaa Odiya Naa77antto Maxaafaa 26:6

Ooziyaani Pilisxxeematuura olettanau kiyidi, Gaate katamaa yuushuwaa gimbbiyaa, Yaabine katamaa yuushuwaa gimbbiyaanne Ashddooda gimbbiyaa laaliis; yaatidi Ashddooda katamaa mataaninne Pilisxxeematu giddon katamata keexxiis.

Mazamure Maxaafaa 81:14

taani eta morkkiyaa eesuwan xoonana shin; eta baarigaaraatu bolli ta kushiyaa wottana shin.

Isiyaasa 1:25

Taani ta kushiyaa ne bolli wottana; ne kinssaa qulxxuxxissada geeshshana; nenaara walahettidabaa ubbaa geeshshada yedissana.

Isiyaasa 20:1

Asoore biittaa Kawoi Sarggooni kiittido ola gadaawai yiidi, Ashddooda giyo Pilisxxeema katamaa olidi oiqqido laitti,

Ermmaasa 47:1

Gibxxe kawoi Gaaza olanaappe kasetidi, Pilisxxeema biittaa xeelliyaagan GODAAPPE hananabaa yootiya Ermmaasakko yiida qaalai hagaa.

Hizqqeela 25:16

taani ta kushiyaa Pilisxxeematu bolli yeddana. Yeddada taani etanne abbaa doonan attidaageeta ubbaa xaissana.

Yuu7eela 3:4

“Inttenoo, Xiiroosa, Sidoonanne Pilisxxeema biittaa asatoo, intte ta bolli ai oottanau qoppidetii? Taani oottidoogaa haluwaa kessanau koyeetii? Hegaa intte koyikko, taani eesotada intte oottido oosuwaa intte bolli zaarana.

Amoxa 1:7

Hegaa gishshau, taani Gaaza katamaa dirssan tamaa yeddana; yeddin he tamai katamaa qatotakka maana.

Amoxa 3:9

Ashddooda katamaaninne Gibxxe kawo keettatun de7iya ubbatussi hagaadan yaagidi awaajjite; “Samaariyaa deretu bolli shiiqite; shiiqidi yan haniya gita wocamaanne sugetta oosuwaa be7ite” yaagite.

Abddiyyu 1:18

Yaaqooba zareti tama gidana; Yooseefa zaretikka laco gidana; Eesawa zareti utula gidana. Tamai utulaa miyoogaadan, Yaaqooba zaretinne Yooseefa zareti Eesawa zareta miidi muleerakka xaissana” yaagees GODAI.

Zakkaariyaasa 13:7

Ubbaappe Wolqqaama GODAI hagaadan yaagees; “Bisuwau, taayyo mata gidiya ta dorssaa heemmiyaagaa bolli beegotta! Beegottada dorssati laalettanaadan, dorssaa heemmiyaagaa wora. Taanikka he guutta dorssatu bollan ta kushiyaa denttana.

Zakkaariyaasa 9:5

Asqqaloona katamai hegaa be7idi yayyana; Gaaza katamaikka be7idi un77ettana; qassi Eqiroona katamaikka ufaissaa xayana. Gaaza kawoi xayana; Asqqaloona katamaikka baisa gidana.

Zakkaariyaasa 9:6

Ashddooda kataman walaha asai de7ana. GODAI hagaadan yaagees; “Pilisxxeematu otoruwaakka taani wurssana.

Sameela Maxaafaa Koiruwaa 6:17

Pilisxxeema asati mooruwaa yarshshuwaa GODAAYYO kiittido worqqa kixati Ashddooda, Gaaza, Asqqaloona, Gaatanne Eqiroona geetettiya eta ichchashu katamatu sunttan issuwaa issuwaa kiittidoogeeta.