Ajjuutaa 19:9 - Wolaytta Bible

⁹ Hegaappe guyyiyan, kiitanchchai tana, “Dorssaa bullachchaayyo xeesettidaageeti anjjettidaageeta yaagada xaafa” yaagiis. He kiitanchchai qassikka tana, “Hagee Xoossaa tumu qaalaa” yaagiis.

Ajjuutaa 19:9 Iomraidhean Croise

Isiyaasa 8:1

GODAI tana hagaadan yaagiis; “Gita xaatta woraqataa ekkada, 'Omooduwau eesota! Bonqqiyau ellella!' yaagada, nabbabettiya pitaliyan xaafa.

Imbbaaqooma 2:2

GODAI taassi zaaridi, “Woxxiya urai nabbabana mala, masettida shuchchaa bolli taani neeyyo qonccissiyo ajjuutaa orddiyan xaafa.

Luqaasa 22:16

Aissi giikko, taani inttessi odais; hegee Xoossaa kawotettan polettana gakkanaashin, taani naa77anttuwaa hegaa miikke” yaagiis.

Koiro Ximootiyoosa 1:15

Kiristtoos Yesuusi nagaranchchata ashshanau ha sa7aa yiis giyo haasayai ammanettidaagaanne asai ubbai tuma giidi ekkanau bessiyaabaa. Ubbaappe aadhdhiya nagaranchchai tana.

Koiro Ximootiyoosa 4:9

Ha haasayai asai ubbai ekkanau bessiyo tumu haasaya.

Naa77antto Ximootiyoosa 2:11

Hagee, “Nuuni aara issippe haiqqidobaa gidikko, aara issippe de7ana.

Tiitu 3:8

Ha haasayai ammanettidaagaa; Xoossaa ammaniyaageeti lo77o oosuwaa oottanau giiganaadan, ha yohuwaa etassi neeni minttada yootanau koyais; hageeti asau lo77onne go77iyaageeta.

Ajjuutaa 1:1

Eesuwan hananau bessiyaabaa ba ashkkarata bessana mala, Xoossai Yesuus Kiristtoosayyo immido ajjuutai hagaa; Yesuusi ba kiitanchchaa kiittidi, ha ajjuutaa ba ashkkaraa Yohaannisa erissiis.

Ajjuutaa 1:19

Simmi neeni be7idobaanne ha77i de7iyaabaa, qassi sinttappe hananabaa xaafa.

Ajjuutaa 10:4

Eti guummido wode taani xaafanau qoppaas. SHin saluwaappe, “Laappun dadati haasayidobaa asau qaattoppanne xaafoppa” yaagiya cenggurssai tau siyettiis.

Ajjuutaa 14:13

Hegaappe guyyiyan saluwaappe, “Hagaa xaafa; hagaappe sinttau Godan haiqqiyaageeti anjjettidaageeta” yaagiya cenggurssaa taani siyaas. Ayyaanai, “Tuma; eti bantta daafuraappe shemppana; aissi giikko, eta oosoi eta kaallana” yaagees.

Ajjuutaa 17:1

Hegaappe guyyiyan, laappun kereti de7iyo laappun kiitanchchatuppe issoi taakko yiidi, tana hagaadan yaagiis; “Haa ya; daro shaafatu lanqqiyan de7iya shaaramuxiyaa, gita katamiyaa, waana qaxxayettiyaakko, taani nena bessana.

Ajjuutaa 17:17

Aissi giikko, Xoossaa qaalai tumattana gakkanaashin, eta qofai issuwaa gidanaadan, eti bantta haariyo wolqqaa do7aayyo immanaadaaninne Xoossai qoppidoogaa eti oottanaadan, eta wozanan Xoossai amuwaa wottiis.

Ajjuutaa 2:1

“Efisoonan de7iya woosa keettaa kiitanchchaayyo hagaadan yaagada xaafa; ‘Ba ushachcha kushiyan laappun xoolinttiyaa oiqqidaagee, xomppeta wottiyo laappun worqqa ballatu gidduwaara hemettiyaagee, hagaadan yaagees.

Ajjuutaa 2:12

“PHerggaamoonan de7iya woosa keettaa kiitanchchaayyo hagaadan yaagada xaafa; ‘Naa77u baggaara qarattida bisoi de7iyoogee hagaadan yaagees.

Ajjuutaa 2:18

“Tiyaaxiroonan de7iya woosa keettaa kiitanchchaayyo hagaadan yaagada xaafa; ‘Xoossaa Na7ai, tamaa lacuwaa milatiya aifee de7iyoogee, qassi coociyaa taman seeridi phooliya nahaase giyo birataa milatiya tohoi de7iyoogee, hagaadan yaagees.

Ajjuutaa 2:8

“Samirnneesan de7iya woosa keettaa kiitanchchaayyo hagaadan yaagada xaafa; ‘Haiqqidaagee, haiquwaappekka denddidaagee, koiroogeenne wurssettaagee hagaadan yaagees.

Ajjuutaa 21:5

Araatan uttidaagee, “Taani ubbabaa ooraxissais” yaagiis. Qassikka zaarettidi tana, “Taani haasayiyoogee ammanettiyaagaanne tuma gidiyo gishshau xaafa” yaagiis.

Ajjuutaa 22:6

Hegaappe guyyiyan, kiitanchchai tana hagaadan yaagiis; “Ha taani haasayiyoogee tumanne ammanettiyaagaa. Hananabaa yootiyaageetuyyo ba Geeshsha Ayyaanaa immiya Godai Xoossai, matan hananau bessiyaabaa ba ashkkarata bessanau ba kiitanchchaa kiittiis” yaagiis.

Ajjuutaa 3:1

“Sarddeesan de7iya woosa keettaa kiitanchchaayyo hagaadan yaagada xaafa; ‘Xoossaa ayyaana laappunatinne laappun xoolintteti de7iyoogee hagaadan gees. “ ‘ “Taani ne oosuwaa erais; asi nena paxa de7aasa giikkokka, neeni haiqqadasa.

Ajjuutaa 3:14

“Lodooqiyan de7iya woosa keettaa kiitanchchaayyo hagaadan yaagada xaafa; ‘Ammanettida tumanchcha markkai, Xoossai medhdhidobau koiroi, “Amin77i” giyoogee hagaadan yaagees.

Ajjuutaa 3:20

“ ‘ “Be7a, taani karen eqqada xeesais. Ooninne taani xeesiyoogaa siyidi, kariyaa dooyikko, taani akko gelana; gelada aara issippe kahuwaa maana; ikka tanaara issippe maana.

Ajjuutaa 3:7

“Pilaadelifiyan de7iya woosa keettaa kiitanchchaayyo hagaadan yaagada xaafa; ‘Daawita qulppiyaa oiqqidaagee, ooninne gorddanau danddayennaadan dooyiyaagee, qassi ooninne dooyanau danddayennaadan gorddiyaagee geeshshai, tumanchchai hagaadan yaagees.