Ajjuutaa 14:1 - Wolaytta Bible

¹ Hegaappe guyyiyan, taani be7aas. Be7ite, Dorssai Xiyoone Deriyaa bolli eqqiis. A sunttainne a Aawaa sunttai som77uwan xaafettido, issi xeetanne oitamanne oiddu sha7u asati aara issippe de7oosona.

Ajjuutaa 14:1 Iomraidhean Croise

Mazamure Maxaafaa 2:6

Godai, “Taani ta geeshsha deriyaa Xiyoone bolli ta kawuwaa kawoyaas” yaagees.

Isiyaasa 49:14

SHin Xiyoona, “GODAI tana aggi bayiis; Godai tana dogi bayiis” yaagausu.

Ermmaasa 1:11

GODAA qaalai taakko yiidi, “Ermmaasaa, neeyyo aibi beettii?” yaagiis. Yaagin taani zaarada, “Lauze giyo mittaappe kiyida gatimai beettees” yaagaas.

Hizqqeela 1:4

Taani xeelliyo wode, gotee huuphessaara yiyaagaa be7aas; wolqqaama poo7oi gita shaaraa dooddi wottiis; he shaaraa giddoora wolqqanttai pozhzhu gees. Wolqqanttau giddo wozanai phooliya nahaasiyaa milatees.

Hizqqeela 10:1

Taani xeelliyo wode sampperiyaa giyo inqquwaappe oosettida kawotaa araatai kiruubetu huuphiyaappe bolla baggaara de7iya salo gufantto milatiyaagan de7iyaagaa be7aas.

Hizqqeela 10:9

Taani xeelliyo wode, kiruubetu miyyessan oiddu irzzoti de7oosona; issi issi kiruubiyaa miyyiyan issi issi irzzoi de7iyaagaa be7aas; he irzzoti inqquwaadan phooloosona.

Hizqqeela 2:9

Hegaappe guyyiyan, taani xeelliyo wode, kushee taakko yedetti uttidaagaa be7aas; he kushiyan xaatta maxaafai de7ees.

Hizqqeela 44:4

Hegaappe guyyiyan, he bitanee tana Huuphessa Penggiyaakko efiya ogiyaara efiidi, Beeta Maqidasiyau sintta baggi gattiis. Hegan taani xeelliyo wode, GODAA bonchchoi GODAA Maqidasiyaa kumi uttidaagaa be7aas; be7ada ta som77uwaa biittaa gattada gufannaas.

Hizqqeela 8:7

Hegaappe guyyiyan, tana Beeta Maqidasiyaa dabaabaa pengge ehiis; ehin taani xeelliyo wode, godan xoo7ee de7iyaagaa be7aas.

Hizqqeela 9:4

Xeesidi a hagaadan yaagiis; “Yerusalaame katamaa gidduwaa kanttada baidda, yan oosettiya tunatettaa gishshau, ooliiddinne kayyottiiddi de7iya asaa som77uwan malaataa wotta” yaagiis.

Daaneela 12:5

Hegaappe guyyiyan, taani Daaneeli, hara naa77ata, issoi shaafaappe hafintta lanqqiyan, issoi shaafaappe hefintta lanqqiyan eqqidaageeta be7aas.

Yuu7eela 2:32

He wode hagaadan hanana; GODAA sunttaa xeesiya ubbai attana. GODAI giidoogaadan, Xiyoone Deriyaaninne Yerusalaamen kessi ekkidi attiyaageeti de7ana. Qassi GODAI xeesidoogeeti paxa de7ana.

Amoxa 8:2

I tana, “Amoxaa, ha neeni be7iyoogee aibee?” yaagidi oichchiis. Oichchin taani, “Teeri kumido keeshiyaa be7ais” yaagaas. Yaatin GODAI taayyo hagaadan yaagiis; “Ta asaa Israa7eelassi wurssettai gakkiis; hagaappe sinttanau taani eta qaxxayennan aadhdhikke” yaagiis.

Mikiyaasa 4:7

Taani wobbeta wuriiddi attida atetta oottana; qassi omooduwan haaho sohuwaa biidaageetakka mino kawotetta kessana. He wodiyaappe doommada merinaa gakkanaashin, taani GODAI Xiyoone Deriyan eta bolli kawotana” yaagees.

Zakkaariyaasa 4:2

I tana, “Neeni be7iyoogee aibee?” yaagiis. Yaagin taani, “Taani worqqa xalaalaappe oosettida xomppiyaa wottiyo ballaa be7ais; a xeeran zaitiyaa xaaroi de7ees; qassi a bollan laappun xomppeti de7oosona; he laappun xomppetussikka laappun laappun shappoti de7oosona.

Luqaasa 12:8

“Taani intteyyo odais; tabaa asa sinttan markkattiya ooyyookka taanikka Asa Na7ai, qassi Xoossaa kiitanchchatu sinttan markkattana;

Ajjuutaa 14:14

Qassikka taani be7aas. Be7ite, bootta shaarai de7ees. SHaaraa bollan Asa Na7aa milatiyaagee uttiis; a huuphiyan worqqa akiliilee, qassi a kushiyan qara baacai de7ees.

Ajjuutaa 14:3

Issi xeetanne oitamanne oiddu sha7u asati kawotaa araataa sinttan, oiddu paxa de7iya meretatu sinttaaninne cimatu sinttan eqqidosona. Eqqidi sa7aappe wozettida etappe attin, harai ooninne tamaaranau danddayenna ooratta mazamuriyaa yexxidosona.

Ajjuutaa 15:5

Hegaappe guyyiyan, taani saluwan de7iya Beeta Maqidasee dooyettidaagaanne a giddon de7iya markkatettaa dunkkaaniyaa be7aas.

Ajjuutaa 22:4

Eti a som77uwaa be7ana; a sunttai eta som77uwan xaafettana.

Ajjuutaa 3:12

Taani xooniya uraa ta Aawaa Beeta Maqidasiyan tuussa oottana; i hegaappe mulekka kiyenna. Taani ta Xoossaa sunttaa, ta Xoossaa katamaa sunttaanne ta Xoossaa matappe wodhdhana ooratta Yerusalaame sunttaa a bolli xaafana. Qassi taani ta ooratta sunttaakka a bolli xaafana.

Ajjuutaa 4:1

Hegaappe guyyiyan, taani saluwan dooya penggiyaa be7aas; qassi taayyo malkkatadan yootishin, taani siyido koiro cenggurssai tana; “Hagaappe guyyiyan, hananau bessiyaabaa taani nena bessana; haa kiya” yaagiis.

Ajjuutaa 6:8

Taani washalaala parai kiyidaagaa be7aas. He paraa toggidaagaa sunttai Haiquwaa; a geeduwaa Si7oolee kaalliis. Haiqoinne Si7oolee sa7aappe oiddantto kushiyaa olan, koshan, harggiyan, do7an worissana mala, etau maatai imettiis.