Yesuusi Kiittidoogeetu Oosuwaa 5:9 - Wolaytta Bible

⁹ PHeexiroosi maccaasiyo, “Neeninne ne azinai Godaa Ayyaanaa paaccanau aissi zorettidetii? Be7a; ne azinaa moogida asati karen de7oosona; nenakka eti kare kessana” yaagiis.

Yesuusi Kiittidoogeetu Oosuwaa 5:9 Iomraidhean Croise

Doomettaabaa 20:13

Xoossai tana ta aawaa keettaappe kessido wode taani iyyo, 'Nuuni biido biittan ubban neeni taayyo oottana kehatettai hagaa; “I ta ishaa” gaada tabaa haasaya' yaagaas” yaagiis.

Kawotu Maxaafaa Naa77anttuwaa 6:32

He wode Elssaa7i ba son uttiis; cimatikka aara issippe de7oosona. Kawoi baappe sinttau asa kiittiis; shin he bitanee gakkanaashin, Elssaa7i cimata, “Ha shemppo woriyaagee ta qooriyaa muucissanau asa kiittidoogaa intte be7eetii? He kiitettidaagee yiido wode, kariyaa gorddidi gelissoppite. A godaikka a kaallidi yiiddi de7ees” yaagiis.

Mazamure Maxaafaa 50:18

Neeni kaisuwaa be7ido wode, aara dabbotadasa; shaaramuxiyaageetu maabaran geladasa.

Mazamure Maxaafaa 78:56

Gidikkonne, Ubbaappe Xoqqiya Xoossaa bolli makkalidi, a paaccidosona. A azazuwaakka naagibookkona.

Kessaabaa 17:2

Xayin eti Muuseera ooyettidi a, “Nuuyyo uyanau haatta imma” yaagidosona. Yaagin Muusee zaaridi, “Intte tanaara aissi ooyetteetii? GODAA intte aissi paacceetii?” yaagiis.

Kessaabaa 17:7

Israa7eelati, “GODAI nu giddon de7iiyye de7ennee?” yaagidi ooyettido gishshaunne GODAA paaccido gishshau, he sohuwaa Masaahanne Mariiba giidi sunttiis.

Leemiso Maxaafaa 11:21

Iita asi qaxxayettanaagee attenna; shin xillotu zaree attana.

Leemiso Maxaafaa 16:5

GODAI otorettiya ubbaa shenetees; eti qaxxayettennan attokkona.

Mikiyaasa 7:3

Eta kusheti naa77aikka iitabaa oottanau loohi uttidosona. Halaqainne daannai mattaayiyaa oichchoosona; gita asati bantta amottidobaa odoosona; eti ubbaikka issippe iitaa phuphphuroosona.

Qoodaabaa 14:22

ha asaappe issoinne he biittaa be7enna. Ta bonchchuwaanne Gibxxe biittaaninne bazzuwan taani oottido malaataa ha asati be7idosona; shin eti zaaretti zaarettidi tana paaccidosonanne ta qaalaa siyennan ixxidosona. Hegaa gishshau, taani eta maizza aawatuyyo immana gaada caaqqido biittaa tana karidaageetuppe issoinne mulekka be7enna.

Maatiyoosa 4:7

Yesuusi zaaridi a, “Qassikka Xoossaa maxaafai, ‘Godaa ne Xoossaa paaccoppa’ yaagees” yaagiis.

Luqaasa 16:2

Ba sunttido bitaniyaa xeesidi, ‘Ha nena asai giyoogee aibee? Hagaappe sinttan neeni taappe garssaara suntta gidanau danddayenna gishshau, ne kushiyan de7iya ta miishsha ubbaa hamma’ yaagiis.

Yesuusi Kiittidoogeetu Oosuwaa 15:10

Hegaa gishshau, nu aawatinne nuuni tookkanau danddayibeenna qambbaraa kaalliyaageetu morggiyan wottidi, ha77i intte aissi Xoossaa paacceetii?

Yesuusi Kiittidoogeetu Oosuwaa 5:6

Wodalla asati soo gelidi, a ahaa xaaxidi, gade kessidi a moogidosona.

Roome 10:15

Qassi qaalaa yootiyaageeti kiitettennan aggikko, kiitai waanidi odettanau danddayii? Aissi giikko, Xoossaa maxaafai, “Ufaissiya mishiraachchuwaa yootiyaageetu tohoti aiba lo77iyoonaa!” yaagees.

Roome 3:19

Asa ubbaa haasayaa diggana malanne kumetta sa7aa Xoossaa pirddaappe garssau aattana mala, higgiyaa giddon odettida ubbabai higgiyaappe garssan de7iya asau haasayiyoogaa nuuni eroos.

Koiro Qoronttoosa 10:9

Etappe issooti issooti Godaa paaccidi, shooshshan duketti xayidoogaadan, nuuni Godaa paaccanau bessenna.