Yesuusi Kiittidoogeetu Oosuwaa 5:25 - Wolaytta Bible

²⁵ Hegaappe guyyiyan, issi bitanee etakko yiidi, “Be7ite; qasho keettan intte yeggido asati Beeta Maqidasiyan eqqidi, asaa tamaarissoosona” yaagidi etau odiis.

Yesuusi Kiittidoogeetu Oosuwaa 5:25 Iomraidhean Croise

Mazamure Maxaafaa 107:14

Sakkana xumaappekka kessiis; eti qashettido birata sanssalataakka duuttiis.

Ermmaasa 26:2

GODAI tana hagaadan yaagiis; “GODAA Beeta Maqidasiyaa dabaaban eqqa. Eqqada GODAA Beeta Maqidasiyan goinnanau Yihudaa katamatuppe yiya ubbaayyo oda. Taani, 'Oda' gaada azazido qaalaa ubbaappe issuwaanne ashshoppa.

Daaneela 3:13

Naabukadanaxoori hegaa siyido wode, hanqquwaa eexxi kiyidi, Sidiraaqa, Misaaqanne Abddanaaga ehaanaadan azaziis. Azazin eta kawuwaa sintti ehiidosona.

Maatiyoosa 10:18

Deriyaa haariyaageetu sinttaaninne kawotu sinttan ta gishshau intte eqqidi, etassinne Aihuda gidenna asaassi wonggeliyaa mishiraachchuwaa yootana.

Yohaannisa 11:46

SHin etappe issooti issooti Parisaawetukko biidi, Yesuusi oottidoogaa etau odidosona.

Yesuusi Kiittidoogeetu Oosuwaa 3:1

Issi gallassi, PHeexiroosinne Yohaannisi Xoossaa woossanau uddufun saatiyan Beeta Maqidasiyaa biidosona.

Yesuusi Kiittidoogeetu Oosuwaa 5:24

Yaagin Beeta Maqidasiyaa wotaaddarata azaziyaageenne qeese halaqati hegaa siyido wode, “Hagee waanidee? Qassi digin waananee?” yaagidi hirggidosona.

Yesuusi Kiittidoogeetu Oosuwaa 5:26

Odin, Beeta Maqidasiyaa wotaaddarata azaziyaagee wotaaddaratuura biidi, Yesuusi kiittidoogeeta ehiis; shin eti banttana asai shuchchan caddana giidi yayyido gishshau, eta loddan ehiidosona.