Yesuusi Kiittidoogeetu Oosuwaa 27:29 - Wolaytta Bible

²⁹ Eti shuchchattiyaasan kunddenna mala yayyidi, markkabee beenna mala oiqqiya oiddu birataa markkabiyaappe guyyeera abban yeggidi, sa7ai wonttana mala, Xoossaa woossoosona.

Yesuusi Kiittidoogeetu Oosuwaa 27:29 Iomraidhean Croise

Mazamure Maxaafaa 130:6

Sa7ai aude wonttanddeeshsha giidi naagiya qamma konttomatuppe aadhdhada, ee, taani etappekka aadhdhada Godaa laamotan naagais.

Yesuusi Kiittidoogeetu Oosuwaa 27:17

Eti wolwoluwaa pude kessidoogaappe guyyiyan, wodoruwan markkabiyaa xaaxidi, mintti qachchidosona; Sirttiisa giyo shafiyan banttana oogganaakkonne giidi hirggidi, markkabiyaa efiya sharaa wottidi, carkkuwan markkabiyaa coo yeddi bayidosona.

Yesuusi Kiittidoogeetu Oosuwaa 27:26

shin carkkoi nuna issi haruuruwan abbaa doonan olana” yaagiis.

Yesuusi Kiittidoogeetu Oosuwaa 27:28

Eti likkiyo wodoruwaa xeeran deexxiyaabaa qachchidi, haattan yeggin, haattai hosppun tammu wara ciimmatidoogaa eridosona. Guuttaa gam77iiddi, naa77anttuwaa yeggidi, usuppun tammu wara ciimmatidoogaa eridosona.

Yesuusi Kiittidoogeetu Oosuwaa 27:30

Markkabiyan oottiyaageeti markkabiyaappe baqatanau koyidi, markkabee beenna mala oiqqiya amarida biratata markkabiyaappe sintta baggaara abban yeggiyaabaa milatidi, wolwoluwaa abban wottido wode,

Zaarettido Wogaa 28:67

Intte wozanan kumida yashshaappenne intte aifee be7iyo palaappe denddidaagan, intte wonttiyo wode, 'Aude qammanddeeshsha' qassi qammiyo wode, 'Aude wonttanddeeshsha' yaagana.

Ibraawe 6:19

Ha nuuni demmana giidi ufaissan naagi uttidoogee, nu shemppuwaayyo markkabiyaa oiqqiya qaaxxenna birata mala; he nuuni demmana giidi, ufaissan naagi uttidoogee erettida mino gididi, magalasho giddo geeshshasaa gelees.