Yesuusi Kiittidoogeetu Oosuwaa 25:7 - Wolaytta Bible

⁷ I gakkido wode, Yerusalaameppe yiida Aihudati a lanqqiyan yuuyi aadhdhi eqqidi, banttassi shatimmanau danddayettenna daro deexo mootuwaa a bolli wottidosona.

Yesuusi Kiittidoogeetu Oosuwaa 25:7 Iomraidhean Croise

Izira Maxaafaa 4:15

Hegaa gishshau, kase ne aawatu taarikiyaa maxaafai koyettidi xeeletto; hegan xaafettidabaappe neeni ha katamai beniisappekka doommidi, makkalanchcha katama gidiyoogaanne kawotussinne biittatussi metuwaa medhdhidaagaa gidiyoogaa eranau danddayaasa. Hegaappe denddidaagan i kolettiis.

Asttiri Maxaafaa 3:8

Hegaappe guyyiyan, Hamaani Kawuwaa Arxxekssiisassi hagaadan yaagidi yootiis; “Ne kawotettaa giddon mulesan laalettidi de7iya issi zare asati de7oosona; eta de7uwaa maarai hara asaagaappe dumma; hegaa xalla gidennan, eti kawuwaa higgiyaassikka haarettokkona. Hegaa gishshau, neeni eta de7ona gaada co77u giikko, hegee lo77o gidenna.

Mazamure Maxaafaa 27:12

Tana naassiya worddo markkati ta bolli denddido gishshau, tana ta morkketu amuwaayyo aattada immoppa.

Mazamure Maxaafaa 35:11

Wordduwaa markkattiyaageeti ta bolli denddoosona. Taani erennaban tana mootoosona.

Maatiyoosa 15:1

Hegaappe guyyiyan, higgiyaa tamaarissiya issi issi asatinne Parisaaweti Yerusalaameppe Yesuusakko yiidi,

Luqaasa 23:10

Qeese halaqatinne higgiyaa tamaarissiyaageeti a minttidi mootiiddi, hegan eqqi bayidosona.

Luqaasa 23:2

Efiidi, “Hagee nu dere asaa balettishin, asai Roome biittaa kawuwaassi giiraa immenna mala diggishiininne qassi, ‘Taani kawuwaa’ yaagishin demmida” yaagidi Yesuusa mootuwaa doommidosona.

Yesuusi Kiittidoogeetu Oosuwaa 24:13

Eti ha77ikka tana mootiyoobaa shatimmanau danddayokkona.

Yesuusi Kiittidoogeetu Oosuwaa 25:24

Ehin Pisxxoosi hagaadan yaagiis; “Kawuwaa Agriiphphaa, hagan nunaara de7iya asa ubbau, Aihuda asai ubbai Yerusalaameenikka hagankka wocamiiddi, ‘I hagaappe sinttan paxa de7anau bessenna’ yaagidi, tana woossido bitaniyaa hagaa be7eeta.

Koiro Tasalonqqe 2:16

Aihuda gidenna asai attana mala, nuuni etau qaalaa yootiyoogaa diggoosona. Qassi eta nagaraikka ubba wode dari dari bees. SHin wurssettan Xoossaa hanqqoi eta bolli wodhdhiis.