Yesuusi Kiittidoogeetu Oosuwaa 23:11 - Wolaytta Bible

¹¹ Naa77antto qammi Godai PHauloosa lanqqiyan eqqidi, “PHauloosaa, neeni taassi Yerusalaamen markkattidoogaadan, Roomenkka markkattanau bessees; minna; aikko baawa” yaagiis.

Yesuusi Kiittidoogeetu Oosuwaa 23:11 Iomraidhean Croise

Mazamure Maxaafaa 109:31

Aissi giikko, i hiyyeesaa gishshaa mootettees; haiquwau pirddiyosaappekka a ashshees.

Isiyaasa 41:10

Taani nenaara de7iyo gishshau yayyoppa; taani ne Xoossaa gidiyo gishshau dagammoppa. Taani nena minttana; qassi taani nena maaddana. Taani nena ta xooniya ushachcha kushiyan kaafada oiqqana.

Isiyaasa 41:14

Nenoo guxuniyau, Yaaqoobaa, inttenoo Israa7eela asau, yayyoppite; taani inttena maaddana. Taani, inttena woziyaagee, Israa7eela Geeshshaa' yaagais.

Isiyaasa 43:2

Neeni haattaa gidduwaara pinniyo wode, taani nenaara gidana. Neeni shaafatu gidduwaara pinniyo wodekka eti nena muukkokkona. Neeni tamaa giddoora aadhdhiyo wode, xuugettakka; lacoikka nena meenna.

Isiyaasa 46:10

'Ta qofai minnana; qassi taanikka ta halchchuwaa ubbaa polana' yaagais. Wurssettan hananabaa doomettan, qassi biron hanibeenna yohota beni wodiyaappe doommada awaajjais.

Maatiyoosa 14:27

SHin Yesuusi sohuwaara eta, “Aikko baawa; tanattennee; yayyoppite” yaagiis.

Maatiyoosa 28:20

Taani inttena azazidobaa ubbaa eti naagana mala, eta tamaarissite; taani wodiyaa wurssettai gakkanaassikka ubba wode inttenaara de7iyoogaa akeekite” yaagiis.

Maatiyoosa 9:2

Amarida asati bollai silido issi bitaniyaa halan tookkidi, Yesuusakko ehiidosona; Yesuusi eta ammanuwaa be7idi, bollai silido bitaniyaa, “Ta na7au, yayyoppa; ne nagarai atto geetettiis” yaagiis.

Luqaasa 16:28

Aissi giikko, taassi ichchashu ishantti de7oosona. Eti qassi ha meto sohuwaa yeenna mala, etau Al77aazari biidi markkatto’ yaagiis.

Yohaannisa 14:18

“Taani inttena intterkka yeggabeikke; taani simmada inttekko yaana.

Yohaannisa 16:33

Intte ta giddon de7iiddi, saro de7ana mala, taani hagaa intteyyo odaas. Sa7an intte waayettana. SHin minnite; taani sa7aa xoonaas” yaagiis.

Yesuusi Kiittidoogeetu Oosuwaa 18:9

Godai issi qammi ajjuutan PHauloosa, “Yayyoppa; yoota; co77u gooppa. Taani nenaara de7iyo gishshau, nena qohanau iitaban yeggana asi ooninne baawa; aissi giikko, taassi ha kataman daro asai de7ees” yaagiis.

Yesuusi Kiittidoogeetu Oosuwaa 19:21

Hegee polettidoogaappe guyyiyan PHauloosi, “Taani Yerusalaame baada Roomekka qassi be7anau bessees” yaagidi, Maqidooniyaaranne Akaayiyaara aadhdhidi, Yerusalaame baanau qofaa qachchiis.

Yesuusi Kiittidoogeetu Oosuwaa 2:25

Aissi giikko, Daawiti Yesuusabaa hagaadan yaagees; ‘Taani metootennaadan, Godai ta ushachchan de7iyo gishshau, taani ubba wode Godaa ta matan be7ais.

Yesuusi Kiittidoogeetu Oosuwaa 20:22

“Be7ite; ha77ikka taani Geeshsha Ayyaanaassi azazettada, Yerusalaame bais; yaani tau aibi kiyanaakkonne erikke.

Yesuusi Kiittidoogeetu Oosuwaa 22:15

Aissi giikko, neeni be7idobaanne siyidobaa asa ubbaa sinttan ayyo markkattana.

Yesuusi Kiittidoogeetu Oosuwaa 22:18

Ajjuutan Godai tana, ‘Eesotada, Yerusalaame elle kiya; aissi giikko, neeni taassi hagan markkattiyoogaa asai ekkenna’ yaagishin taani a be7aas.

Koiro Qoronttoosa 9:1

Taani ailletetti bainna asa gidikkinaa? Yesuusi kiittidoogaa gidikkinaayye? Nu Godaa Yesuus Kiristtoosa be7abeikkinaayye? Intte taani Godaassi oottido ta oosuwaa xeera gidekketiiyye?

Piliphphisiyuusa 1:13

Taani Kiristtoosa gishshau qashettidoogaa, kawo keettaa naagiya ubbatinne hagan de7iya harati ubbati eroosona.

Naa77antto Ximootiyoosa 4:17

SHin taani kumetta kiitaa Aihuda gidenna asai ubbai siyanau yootana mala, Godai ta matan eqqidi, taayyo wolqqaa immiis. Qassi gaammuwaa doonaappekka tana ashshiis.