Yesuusi Kiittidoogeetu Oosuwaa 21:14 - Wolaytta Bible

¹⁴ Zoriyaa i ekkennan ixxin, “Godai giidoogee hano” yaagidi co77u giida.

Yesuusi Kiittidoogeetu Oosuwaa 21:14 Iomraidhean Croise

Doomettaabaa 43:14

I hinkko intte ishaa yeddana mala, Biniyaaminne inttenaara yaana mala, Ubbaa Danddayiya Xoossai he bitanee intteyyo qarettanaadan ootto. Tana gidikko, ta naatuppe mela attikkonne attaas” yaagiis.

Kawotu Maxaafaa Naa77anttuwaa 20:19

Yaagin Hizqqiyaasi zaaridi, “Neeni odido GODAA qaalai lo77o” yaagiis. Aissi giikko, Hizqqiyaasi, “Taani de7ido laittan saroinne woppai de7ana gidennee” yaagidi qoppiis.

Maatiyoosa 26:39

Guuttaa sinttaukko shiiqiiddi, biittan gufannidi, “Ta Aawau, danddayettiyaabaa gidikko, ha burccukkuwaa taappe digga; shin neeni koyiyoogaadan hanoppe attin, taani koyiyoogaadan hanoppo” yaagidi Xoossaa woossiis.

Maatiyoosa 26:42

Yesuusi qassi naa77anttuwaa biidi, “Ta Aawau, taani ha burccukkuwaappe uyennan de7ishin burccukkuwaa denttanaagee danddayettennabaa gidikko, neeni koyiyoobai hano” yaagidi Xoossaa woossiis.

Maatiyoosa 6:10

Ne kawotettai yo; ne shenee saluwan hanidoogaadan, sa7ankka hano.

Luqaasa 11:2

Yesuusi eta, “Xoossaa woossiiddi, hagaadan yaagite; ‘Saluwan de7iya nu Aawau, ne geeshsha sunttai anjjetto. Ne kawotettai yo. Ne shenee saluwan hanidoogaadan, sa7ankka hano.

Luqaasa 22:42

Xoossaa, “Ta Aawau, neeni koyiyoobaa gidikko, ha burccukkuwaa taappe digga; shin neeni koyiyoobai hanoppe attin, taani koyiyoobai hanoppo” yaagidi woossiis.

Uruti Maxaafaa 1:18

Uruta iira baanau ba qofaa qachchidoogaa Naa7ooma erada, co77u gaada agga bayaasu.

Sameela Maxaafaa Koiruwaa 3:18

Yaagin Sameeli ainne qosennan ubbabaa Eelayyo yootiis. Eeli, “I GODAA; i bana lo77aa ootto” yaagiis.