Yesuusi Kiittidoogeetu Oosuwaa 16:26 - Wolaytta Bible

²⁶ Qasho keettaassi xaphoi qaaxxana gakkanaassi akeekennan biittai daro qaaxxiis; sohuwaarakka penggee ubbai dooyetti aggin, qashettida asa ubbaa sanssalatai birshshetti wodhdhiis.

Yesuusi Kiittidoogeetu Oosuwaa 16:26 Iomraidhean Croise

Kawotu Maxaafaa Koiruwaa 13:28

koorin bitanee kiyidi biis. Biidi ogiyan canggaraarida ahaanne ahaa matan eqqida hariyaanne gaammuwaa demmiis; gaammoi ahaa mibeenna woikko hariyaakka menttibeenna.

Mazamure Maxaafaa 102:20

Hegeenne, qashettida asatu ooliyaa siyanaassanne haiquwaassi pirddettida asata birshshanaassa.

Mazamure Maxaafaa 146:7

I naaqettidaageetau pirddiyaagaa; namisettidaageetau qumaa immiyaagaa. GODAI qashettidaageeta birshshees;

Mazamure Maxaafaa 68:6

Xoossai barkka de7iyaageetussi keetta asaa immees. Qasho keettan de7iyaageeta birshshidi, eta ufaissan wottees. SHin makkalanchchati melida biittan de7oosona.

Mazamure Maxaafaa 79:11

Qasho asatu oolee ne sintti gakko. Haiquwau pirddettidaageeta ne wolqqaa gitatettaadan ashsha.

Isiyaasa 61:1

Ubbaa Haariya GODAA Ayyaanai ta bollan de7ees; aissi giikko, qohettidaageetussi lo77o mishiraachchuwaa yootana mala, GODAI tana tiyiis. I tana wozanai meqqidoogeetussi koolettiyoogaanne omoodettidaageetussi omooduwaappe kiyiyoogaa awaajjana malanne qashettidaageetussi birshshettiyoogaa awaajjana mala kiittiis.

Maatiyoosa 28:2

Godaa kiitanchchai saluwaappe wodhdhido gishshau, biittai daro qaaxxiis; he kiitanchchai yiidi, shuchchaa gonddorssi olidi, a bolli kiyi uttiis.

Yesuusi Kiittidoogeetu Oosuwaa 12:10

Kiitanchchainne PHeexiroosi koiro wotaaddaraappenne naa77antto wotaaddaraappe aadhdhidi, katamaa efiya birata penggiyaakko gakkidosona; gakkin penggee etassi barkka dooyetti aggiis; eti kiyidi issi ogiyaara biishin, kiitanchchai sohuwaara PHeexiroosappe shaahetti bayiis.

Yesuusi Kiittidoogeetu Oosuwaa 12:7

Akeekennan de7ishin, Godaa kiitanchchai hegan eqqi aggiis; qasho keettankka poo7oi poo7i bayiis. Kiitanchchai PHeexiroosa miyyiyaa dechchi beegotissidi a, “Elle dendda” yaagiis; sohuwaarakka sanssalatai a kushiyaappe wodhdhi aggiis.

Yesuusi Kiittidoogeetu Oosuwaa 4:31

Eti Xoossaa woossidoogaappe guyyiyan, he eti shiiqidosai qaaxxiis. Eta ubban Geeshsha Ayyaanai kumin, Xoossaa qaalaa xalan yootidosona.

Yesuusi Kiittidoogeetu Oosuwaa 5:19

SHin Godaa kiitanchchai qammi qasho keettaa penggiyaa dooyidi, Yesuusi kiittidoogeeta kare kessidi,

Ajjuutaa 11:13

He saatiyan biittai wolqqappe qaaxxiis; qaaxxin katamaappe tammantta kushee xayiis. Qassi biittaa qaattan laappun sha7u asai haiqqiis. Haiqqennan attida asai keehi kokkori yayyidi, saluwaa Xoossaa gitatettaa sabbiis.

Ajjuutaa 6:12

Dorssai usuppuntta maatafaa dooyido wode, taani be7aas; biittai wolqqappe qaaxxiis. Awa aifee karetta waaruwaadan karexxiis; aginaikka ubbaara suutta milatiis.