Yesuusi Kiittidoogeetu Oosuwaa 15:39 - Wolaytta Bible

³⁹ Eta gidduwan pala ooshshai kiyin, issoi issuwaappe shaahettidosona; Barnnaabaasi Marqqoosa ekkidi, markkabiyan Qophphiroosa biis.

Yesuusi Kiittidoogeetu Oosuwaa 15:39 Iomraidhean Croise

Mazamure Maxaafaa 106:33

Aissi giikko, eti a yiilloyidosona; yiillotin Muuse doonaappe bessenna qaalai kiyiis.

Mazamure Maxaafaa 119:96

Ubbabau zawi de7iyoogaa taani be7aas; shin ne higgiyau zawi baawa.

Eranchchaa Maxaafaa 7:20

Xillobaa xalaalaa oottiiddi, nagara oottennan de7iya asi ha sa7aa bollan baawa.

Yesuusi Kiittidoogeetu Oosuwaa 11:20

SHin Qophphiroosappenne Qareenappe yiida issi issi ammaniya asati Anxxookiyaa biidi, Godaa Yesuusa wonggeliyaa mishiraachchuwaa yootiiddi, Giriike asaassikka yootidosona.

Yesuusi Kiittidoogeetu Oosuwaa 12:12

I hegaa akeekido wode, daro asai issippe shiiqidi Xoossaa woossiyoosaa, Marqqoosa giyo Yohaannisa aayee Mairaami soo biis.

Yesuusi Kiittidoogeetu Oosuwaa 15:2

PHauloosinne Barnnaabaasi etaara daro ooyettidi palamettin, Anxxookiyan de7iya issi issi hara asati he palamaa gishshau, PHauloosaaranne Barnnaabaasaara Yerusalaame biidi, Yesuusi kiittidoogeetuuranne cimatuura gaittanau qofai qashettiis.

Yesuusi Kiittidoogeetu Oosuwaa 15:37

Yaagin Barnnaabaasi Marqqoosa geetettiya Yohaannisa banttanaara efaanau koyiis.

Yesuusi Kiittidoogeetu Oosuwaa 27:4

Hegaappe denddidi, sinttaara nu bolli carkkiyo gishshau, Qophphiroosa haruuruwan carkkenna baggi biida.

Yesuusi Kiittidoogeetu Oosuwaa 4:36

Qophphiroosa giyo haruuruwan yelettida Yooseefa giyo Leewa zare issoi de7ees; a sunttaa Yesuusi kiittidoogeeti Barnnaabaasa giidosona. Hegaa birshshettai “Minttettiya Na7aa” giyoogaa.

Yesuusi Kiittidoogeetu Oosuwaa 6:1

He wode, kaalliyaageetu qoodai dari dari biishin, Giriike qaalaa haasayiya Aihudatinne Yihudan de7iya Aihudati ooyettidosona; aissi giikko, Giriike qaalaa haasayiya Aihudati, “Ubba gallassi yeziyo quman nu am77eti naaqettoosona” yaagidosona.

Qolasiyaasa 4:10

Tanaara qashuwan de7iya Arisxxirokoosinne Barnnaabaasayyo ishaa na7ai Marqqoosi inttena saro de7eetii goosona; taani inttena kase azazidoogaadan, Marqqoosi inttekko biikko, wozanappe a mokkite.

Yaaqooba 3:2

Nuuni ubbaikka daroban baleettees; issi urai ba haasayan mulekka balana xayikko, i bana naaganau danddayiya bali bainna asa.

Koiro PHeexiroosa 5:13

Inttenaara issippe doorettida Baabiloonen de7iya woosa keettaa asainne ta na7ai Marqqoosi inttena “Saro saro” goosona.