Yesuusi Kiittidoogeetu Oosuwaa 12:7 - Wolaytta Bible

⁷ Akeekennan de7ishin, Godaa kiitanchchai hegan eqqi aggiis; qasho keettankka poo7oi poo7i bayiis. Kiitanchchai PHeexiroosa miyyiyaa dechchi beegotissidi a, “Elle dendda” yaagiis; sohuwaarakka sanssalatai a kushiyaappe wodhdhi aggiis.

Yesuusi Kiittidoogeetu Oosuwaa 12:7 Iomraidhean Croise

Sameela Maxaafaa Naa77anttuwaa 22:29

Abeet GODAU, ta xomppee nena; GODAI poo7issin, ta xumai kichchees.

Kawotu Maxaafaa Koiruwaa 19:5

Hegaappe guyyiyan sankkaaraa kuwan zaqqullidi xiskkiis; xiskkidaashin issi kiitanchchai a bochchidi, “Dendda; denddada ma” yaagiis.

Kawotu Maxaafaa Koiruwaa 19:7

GODAA kiitanchchai naa77anttuwaakka yiidi Eelaasa bochchidi, “Neeni baana ogee daro adussa gidiyo gishshau, denddada ma” yaagiis.

Mazamure Maxaafaa 107:14

Sakkana xumaappekka kessiis; eti qashettido birata sanssalataakka duuttiis.

Mazamure Maxaafaa 116:16

Abeet GODAU, taani ne ashkkaraa; ee, taani ne ashkkaraa, ne ashkkaree na7aa. Tana qashuwaappe neeni birshshadasa.

Mazamure Maxaafaa 146:7

I naaqettidaageetau pirddiyaagaa; namisettidaageetau qumaa immiyaagaa. GODAI qashettidaageeta birshshees;

Mazamure Maxaafaa 34:7

GODAA kiitanchchai GODAASSI yayyiya asata naagees; i eta yuushuwan gididi, eta ashshees.

Mazamure Maxaafaa 68:6

Xoossai barkka de7iyaageetussi keetta asaa immees. Qasho keettan de7iyaageeta birshshidi, eta ufaissan wottees. SHin makkalanchchati melida biittan de7oosona.

Isiyaasa 37:30

Hegaappe guyyiyan, Isiyaasi Kawuwaa Hizqqiyaasa hagaadan yaagiis; “Hagee polettanaagau neeyyo malaatai hagaa: Ha laitti intte azabba mokkida kattaa maana; laitti qassi ha laitti mokkidaagaa azabbaa maana. SHin kaalla laitti intte intte huuphen zeritenne cakkite; woiniyaa turaakka tokkitenne a teeraa miite.

Isiyaasa 60:1

GODAI hagaadan yaagees; “Dendda! Denddada poo7issa; aissi giikko, ne poo7oi yiis. GODAA bonchchoikka ne bollan poo7iis.

Ermmaasa 40:1

Kawuwaa naagiyaageetu halaqai Naabuzaraadaani Ermmaasa Raaman birshshi simmin, GODAA qaalai Ermmaasakko yiis. Ermmaasi kase Naabuzaraadaani Yerusalaameppenne Yihudaappe omooddidi, Baabiloone biittaa efaanau sanssalatan qachchido asaa giddon de7ees.

Hizqqeela 43:2

Ehin taani Israa7eela Xoossaa bonchchoi arshsho baggappe yiyaagaa be7aas. A yuussaa cenggurssai daro haattaa kixaa gunttaa mala; qassi biittaikka a bonchchuwan poo7iis.

Daaneela 3:28

Hegaappe guyyiyan, Naabukadanaxoori hagaadan yaagiis; “Sidiraaqa, Misaaqanne Abddanaago Xoossai galatetto! I ba kiitanchchaa kiittidi, banan ammanettida ba ashkkarata ashshiis. Eti kawuwaa azazuwaa ixxidosona; bantta Xoossaappe attin, hara xoossaassi oottanaappenne goinnanaappe haiqqanaagaa dosidosona.

Daaneela 6:22

Ta Xoossai bari kiitanchchaa kiittidi, gaammotu doonaa gorddiis; eti tana bochchibookkona. Aissi giikko, taani a sinttan xillo. Qassi kawuwau, taani ne sinttankka moorobaa oottabeikke” yaagiis.

Mikiyaasa 7:9

Taani GODAA naaqqaas; hegaa gishshau, i taayyo mootettidi, ta pirddaa kessana gakkanaashin, taani a hanqquwaa danddayana. I tana poo7uwau kessana; taanikka i ashshiyo ashettaa be7ana.

Imbbaaqooma 3:11

I dafidi yeddido zubbetu poo7uwaaninne ne tooratu phoolettan awainne aginai bantta de7iyoosan de7iyoosan eqqidosona.

Imbbaaqooma 3:4

A phoolettaikka awaa poo7uwaa mala; a wolqqai qosetti uttido a kushiyaappe pozhzhu giya poo7oi kiyees.

Maatiyoosa 2:13

Eti biidoogaappe guyyiyan, Godaa kiitanchchai aimuwan Yooseefayyo beettidi, “Heeroodisi na7aa woranau koyiyo gishshau, denddada na7aanne na7aa aayyiyo ekkada Gibxxe biitti baqata; taani neeyyo odana gakkanaassi, yan uttaashsha” yaagiis.

Luqaasa 2:9

Godaa kiitanchchai etakko yiis; Godaa bonchchoi eta yuuyi aadhdhidi poo7iis. Eti daro yayyin,

Luqaasa 24:4

Maccaasati, “Haha! Laa hagee waaniichchidee?” yaagishin, phooliya maayuwaa maayida naa77u asati eti akeekennan eta matan eqqidosona.

Yesuusi Kiittidoogeetu Oosuwaa 10:30

Qornneliyoosi hagaadan yaagiis; “Taani hachchi oiddu gallassaappe kase ha saaten uddufun saate woosaa ta sooni Xoossaa woossishin, phooliya maayuwaa maayida asi ta sinttan eqqidi,

Yesuusi Kiittidoogeetu Oosuwaa 12:23

Heeroodisi Xoossaa bonchchibeenna gishshau, sohuwaarakka Godaa kiitanchchai a dechchin, guxuniyan meetettidi, haiqqi bayiis.

Yesuusi Kiittidoogeetu Oosuwaa 12:6

Heeroodisi PHeexiroosa asaa sintti aattanau qoppanaappe kase qammi, PHeexiroosi naa77u sanssalatan qashettidi, naa77u wotaaddaratuppe gidduwan xiskkees; naagiyaageetikka qasho keettaa penggen eqqidi naagoosona.

Yesuusi Kiittidoogeetu Oosuwaa 12:8

Kiitanchchai a, “Ne suriyaa gixxa; ne caammaakka wotta” yaagin, PHeexiroosi hegaadan oottiis; oottin kiitanchchai, “Ne afalaa maayada tana kaalla” yaagiis.

Yesuusi Kiittidoogeetu Oosuwaa 16:26

Qasho keettaassi xaphoi qaaxxana gakkanaassi akeekennan biittai daro qaaxxiis; sohuwaarakka penggee ubbai dooyetti aggin, qashettida asa ubbaa sanssalatai birshshetti wodhdhiis.

Yesuusi Kiittidoogeetu Oosuwaa 2:24

SHin haiqoi Yesuusa oiqqanau danddayibeenna gishshau, Xoossai haiquwaa seelaa appe xaissidi, a denttiis.

Yesuusi Kiittidoogeetu Oosuwaa 5:19

SHin Godaa kiitanchchai qammi qasho keettaa penggiyaa dooyidi, Yesuusi kiittidoogeeta kare kessidi,

Yesuusi Kiittidoogeetu Oosuwaa 9:3

I biiddi, Damasqqo katamaa gakkana matidaashin, qoppennan saluwaappe wolqqaama poo7oi a yuuyi aadhdhidi poo7iis.

Efisoona 5:14

Hegaa gishshau, “Xiskkiyaagoo, beegotta; haiquwaappekka dendda; Kiristtoosi neeyyo poo7issana” yaagees.

Ibraawe 1:14

Kiitanchchati ubbai Xoossau oottanaunne atotettaa demmana asata maaddanau Xoossai kiittido ayyaanata gidokkonaayye?

Ajjuutaa 18:1

Hegaappe guyyiyan, gita maatai de7iyo hara kiitanchchai saluwaappe wodhdhishin, taani be7aas. He kiitanchchaa bonchchoi sa7aa poo7issiis.