Yesuusi Kiittidoogeetu Oosuwaa 10:4 - Wolaytta Bible

⁴ Qornneliyoosi yayyidi, kiitanchchaa tishshi ootti xeellidi, “Ta Godau, i aibee?” yaagiis. Yaagin kiitanchchai zaaridi, hagaadan yaagiis; “Ne woosainne neeni hiyyeesaa maaddiyoogee Xoossaa sinttan hassayettanau saluwaa biis.

Yesuusi Kiittidoogeetu Oosuwaa 10:4 Iomraidhean Croise

Hanidabaa Odiya Naa77antto Maxaafaa 32:24

He wode Hizqqiyaasi harggidi, haiqqana matiis; yaatidi GODAA woossiis. Woossin GODAI ayyo woosettiis; woosettidi a pattanau malaataa immiis.

Hanidabaa Odiya Naa77antto Maxaafaa 6:33

neeni de7iyoosan saluwan siya. Siyada he kare biittaa asi oichchiyoobaa ubbaa ootta. Ha sa7aa asai ubbai ne sunttaa eranaadan, ne asaa Israa7eeladan neeyyo yayyanaadaaninne taani keexxido ha Beeta Maqidasee neeyyo goinniyo soho gididoogaa eti eranaadan kare biittaa asi nena woossiyoobaa ubbaa pola.

Mazamure Maxaafaa 141:2

Ta woosai ixaanaa cuwaadan ne sintti shiiqo; taani ta kushiyaa micciyoogee neeyyo omarssa yarshsho mala gido.

Mazamure Maxaafaa 20:3

Ne yarshshuwaa ubbaa i neeyyo hassayo; ne xuuggiyo yarshshuwan ufaitto.

Isiyaasa 43:26

Tana hassayissa; ane issippe ha yohuwaa mootettoos. Neeni xillo gidiyoogaa be7anau ane ne yohuwaa bidda.

Isiyaasa 45:19

taani geeman, awankko issi xuma biittan haasayabeikke. Yaaqooba zerettaassikka, 'Tana mela sohuwan koyite' gabeikke. Taani GODAI tumaa haasayais; likkebaa odais.

Daaneela 10:11

Gulbbatissidi i tana, “Laa, Xoossai keehi siiqido Daaneelaa, taani neeyyo yootiyo qaalaa loittada akeeka; dendda eqqa. Aissi giikko, taani neekko kiitettada yaas” yaagiis. I tana hagaadan yaagin, taani kokkoraidda dendda eqqaas.

Wogaabaa 2:2

Hegaa i Aaroona naatukko qeesetukko eho; ehin qeeseti he liiqo xiilliiyaappe issi kushiyaa kuntti ekkidi, zaitiyaanne ixaanaa wurssi ekkidi, hassayissiyaabaa oottidi, yarshshiyoosaa bolli taman xuuggo. Hegee GODAAYYO taman xuuggiyo, sawuwaa tonggu giya yarshsho gidana.

Milkkiyaasa 3:16

He wode GODAASSI yayyiyaageeti issoi issuwaara haasayidosona; GODAIKKA ezggidi siyiis. GODAASSI yayyidaageetinne a sunttaakka bonchchidaageeti dogettennaadan, eta hassayissiya maxaafai a sinttan xaafettiis.

Maatiyoosa 26:13

Taani intteyyo tumaa odais; sa7a ubban ha wonggeliyaa mishiraachchuwaa odiyoosan awaanikka, asai o hassayana mala, a oottidoogee odettana” yaagiis.

Luqaasa 1:29

Mairaama hegaa siyada daro dagammaasu. Dagammada, “Hegee woigiyo sarotee?” yaagada qoppaasu.

Luqaasa 24:5

Eti yayyidi, sa7aa xeellidaashin, asati eta yaagidosona; “Paxa de7iyaagaa haiqqida asaa sohuwan aissi koyeetii?

Yesuusi Kiittidoogeetu Oosuwaa 10:31

tana, ‘Qornneliyoosaa, Xoossai ne woosaa siyiis; neeni hiyyeesaa maaddiyoogaakka hassayiis.

Yesuusi Kiittidoogeetu Oosuwaa 14:9

He bitanee PHauloosi yootishin siyees; PHauloosi a tishshi ootti xeelliyo wode, paxanau ayyo ammanoi de7iyoogaa be7idi,

Yesuusi Kiittidoogeetu Oosuwaa 22:10

“ ‘Ta Godau, taani ai oottoo?’ yaagaas. “Godai tana, ‘Denddada Damasqqo ba. Neeni oottanau Xoossai qoppido ubbabai neeyyo yaani odettana’ yaagiis.

Yesuusi Kiittidoogeetu Oosuwaa 3:4

Woossin PHeexiroosi Yohaannisaara a tishshi ootti xeellidi, “Nuukko haa xeella” yaagiis.

Piliphphisiyuusa 4:18

SHin taani intte immidoogaa ubbaa ekkaas; qassi tau palahidi gidiyaagee de7ees. Intte kiittido ubbabaa Eppafiroditoosappe ekkaas; koshshiya ubbai tau de7ees. Intte tau kiittido imoi Xoossaayyo sawuwaa tonggu giyaanne i dosiyo, a ufaissiya yarshsho mala.

Piliphphisiyuusa 4:6

Xoossaa intte woossiyo woosa ubban a keehi galatiiddi, inttena koshshiyaabaa ubbau woossiteppe attin, issibaukka hirggoppite.

Ibraawe 13:16

Lo77obaa oottiyoogaanne issoi issuwaa maaddiyoogaa dogoppite. Aissi giikko, Xoossaa ufaissiyaagee hegaa mala yarshshuwaa.

Ibraawe 6:10

Aissi giikko, intte oottido oosuwaanne qassi ammaniyaageeta maaddidoogaaninne ha77ikka maaddiyoogan Xoossaa siiqido siiquwaa Xoossai doganau worddanchcha gidenna.

Ajjuutaa 8:4

Ixaanaa cuwai geeshshatu woosaara issippe he kiitanchchaa kushiyaappe pude Xoossaakko biis.

Sameela Maxaafaa Koiruwaa 3:10

Hegaappe guyyiyan, GODAI yiidi hegan eqqidi kaseegaadankka, “Sameelaa, Sameelaa” yaagidi xeesiis. Xeesin Sameeli, “Yoota; taani ne ashkkarai siyais” yaagiis.