Abddiyyu 1:12 - Wolaytta Bible

¹² Neeni ne ishai metootiyo gallassi a metuwan ufaittanau bessenna; qassi Yihudaa asaa bolli bashshai gakkiyo gallassikka hashshu gaanau bessenna. Ee, eta un77uwaa gallassi eta bolli miiccanaukka bessenna!

Abddiyyu 1:12 Iomraidhean Croise

Iyyooba Maxaafaa 18:20

Arggo bagga asai a gakkidaban dagammees; arshsho bagga asaikka yashshau kokkorees.

Iyyooba Maxaafaa 31:29

“Ta morkketa gakkida iita qaadan taani ufaittabeikke; eta gakkida metuwankka hombbocabeikke.

Mazamure Maxaafaa 22:17

Ta meqettati ubbai taayyo beettoosona. Ta morkketi tana xeelloosonanne dereqqoosona.

Mazamure Maxaafaa 31:18

Otoruwaaninne kariyan xillotu bolli xalidi haasayiyo gishshau, eta worddotiya doonaa co77u ootta.

Mazamure Maxaafaa 35:15

SHin eti taani xubettidoogan ufaittidi, ta bolli shiiqidosona. Taani erenna asati tana wadhdhidi, aguwaa ixxidosona.

Mazamure Maxaafaa 37:13

SHin Godai iitatu bollan miiccees; aissi giikko, eta gallassai yiyoogaa i erees.

Mazamure Maxaafaa 54:7

Aissi giikko, neeni tana ta meto ubbaappe ashshadasa; ta morkketi xoonettiyoogaa ta aifiyan be7aas.

Mazamure Maxaafaa 59:10

Ta Xoossai aggenna ba siiquwan taakko yaana; ta Xoossai ta morkketa xooniyoogaa i tana bessana.

Mazamure Maxaafaa 92:11

Ta morkketi xoonettidoogaa ta aifiyan be7aas; ta iita baarigaaratu waasuwaa ta haittan siyaas.

Leemiso Maxaafaa 17:5

Hiyyeesatu bolli qilliicciya asi eta medhdhida Xoossaa cayees; hara asa gakkiya metuwan ufaittiya asi qaxxayettennan attenna.

Isiyaasa 37:24

Neeni kiittido asatu baggaara Godaa cayadasa. Qassi hagaadan yaagadasa; “Taani taayyo de7iya cora paraa gaaretun xoqqa deretu huuphiyaa, Liibaanoosa Deriyaa kiikiyaa kiyaas. Kiyada ubbaappe aduqqiya zigatanne ubbaappe lo77iya xiiddata qanxxaas. Taani xoqqau wurssetta gaxaanne tuujjuma woraa gakkaas.

Ermmaasa Zilaassaa 2:16

Ne morkketi ubbai bantta doonaa ne bolli dooyidosona; baceessiiddinne yiilluwan bantta achchaa garcciiddi, “Nuuni o xaissida! Nuuni naagidi uttido gallassaikka hagaa; ha77i gakkidi be7ida!” yaagoosona.

Ermmaasa Zilaassaa 4:21

Inttenoo, Uuxa biittan de7iya Eedooma asatoo, ufaittitenne poocu giite. SHin hanqquwaa xuu7ai inttekkokka gakkana; inttekka mattottidi, kallo attana.

Hizqqeela 35:12

Qassi intte, 'Israa7eela dereti baisa attidosona; nuuni mi xaissana mala, nuussi imettidosona' giidi, haasayido cashshaa ubbaa taani GODAI siyidoogaa intte he wode erana.

Hizqqeela 35:15

Israa7eela asaa laatai baisa gididoogan intte ufaittido gishshau, Se7iira Deriyaanne Eedooma biittaa ubbaa taani baisa oottana. Taani GODAA gidiyoogaa intte hegan erana” yaagees' yaaga.

Hizqqeela 36:5

I tumuppe hagaadan yaagees; “Taani ta eexxiya hanqquwan hara kawotettatu bollinne Eedooma bolli haasayaas. Eti wozanaappe ufaittiiddinne kariiddi, ta biittaa banttau ekkidosona; hentta gadetakka laattidosona.

Mikiyaasa 4:11

SHin ha77i daro kawotettati ne bolli shiiqidosona; shiiqidi, “Yerusalaamee tuno; nu aifeekka Xiyoone dereqqo” yaagoosona.

Luqaasa 19:41

Katamaa gakkanau i matidi, katamaa be7ido wode qarettidi yeekkiiddi,

Yaaqooba 3:5

Hegaadan inxxarssai bollaa giddon guutta qommo gidikkokka, daro gitaban ceeqettees. Guutta tamai waanida gita woraa xuuggii! Akeekite.

Naa77antto PHeexiroosa 2:18

Aissi giikko, eti hadanne otoro haasayaa hasayoosona; balan de7iya asaappe kessi ekkiyaageeta shaaramuxanau qaaqqatiyo amuwan cimmoosona.

Yihudaa 1:16

He asati ubba wode zuuzummoosonanne harata amassaloosona; qassi bantta iita amuwaa kaalloosona; bantta huuphiyau go77a demmanau harata sabboosonanne bantta qaalaa wogaappe aattidi, xoqqu ootti haasayoosona.

Ajjuutaa 13:5

He do7aayyo pala yohuwaanne cashshaa haasayiyo doonai imettiis. Oitamanne naa77u aginaayyo oottana mala, ayyo maatai imettiis.

Sameela Maxaafaa Koiruwaa 2:3

“Otoro haasayaa aggite; otoro qaalai intte doonaappe kiyoppo. Aissi giikko, GODAI eriya Xoossaa; asa ooso i yiggi xeellees.