Abddiyyu 1:10 - Wolaytta Bible

¹⁰ “Yaaqooba zare gidiya ne ishanttu bolli neeni oottido iitabaa gishshau, neeni yeellaa maayana; neeni merinau xayaagana.

Abddiyyu 1:10 Iomraidhean Croise

Doomettaabaa 27:11

SHin Yaaqoobi ba aayyiyo Ribiqo, “Ta ishaa Eesawa bollan ikisee de7ees; shin ta bollai liiqo.

Doomettaabaa 27:41

Yaaqooba a aawai anjjido gishshau, Eesawi ba uluwan a morkkiis; i ba wozanan, “Ta aawai haiqqana matiis; taani ayyo kayyotta simmada, ta ishaa Yaaqooba worana” yaagiis.

Hanidabaa Odiya Naa77antto Maxaafaa 28:17

Aissi giikko, Eedooma asati naa77anttuwaakka Yihudaa bolli woraajjidi, daro asaa omooddidi efiidosona.

Mazamure Maxaafaa 109:29

Tana mootiyaageeti kaushshaa maayona; bantta yeellaakka kutadan qumaayona.

Mazamure Maxaafaa 132:18

Taani a morkketa yeellaa maizzana; shin a huuphiyan de7iya kawotaa kallachchai phoolana” yaagiis.

Mazamure Maxaafaa 137:7

Abeet GODAU, Yerusalaamee omoodettiyo gallassi Eedooma asati oottidobaa hassaya; eti, “Qolite! Qolite! Hirkki xaphuwaa gakkanaassi laalite!” yaagidoogaa baloppa.

Mazamure Maxaafaa 69:7

Taani cashshaa danddayidoogeenne ta som77oi yeellaa maayidoogee ne gishshaassa.

Mazamure Maxaafaa 89:45

Neeni a yelagatettaa wodiyaa qanttadasa; qassi a yeellaa maizzadasa.

Leemiso Maxaafaa 10:6

Xillo asai anjjettees; shin nagaranchchaa doonai makkalaa genttees.

Leemiso Maxaafaa 17:5

Hiyyeesatu bolli qilliicciya asi eta medhdhida Xoossaa cayees; hara asa gakkiya metuwan ufaittiya asi qaxxayettennan attenna.

Ermmaasa 12:14

GODAI hagaadan yaagees; “Taani ta asatuyyo Israa7eelatuyyo immido biittaa oiqqida, ta iita shooro kawotettata gidikko, taani eta eta biittaappe xoqollana. Qassi Yihudaa asatakka eta giddoppe xoqollana.

Ermmaasa 3:25

Nu yelagatettaasappe doommidi, hachchi gakkanaassi, nuunikka nu aawatikka GODAA nu Xoossaa bolli nagaraa oottida. GODAA nu Xoossaa qaalaassi azazettibookko. Hegaa gishshau, ane nuuni yeellau duge gufannoos; qassi kaushshai nuna afaladan kammo” yaagoosona.

Ermmaasa 49:13

Booxira katamai baisa gididi attana; a be7ida asaassi ubbaassi daganttiyaabaa, qilliicciyoobaanne qanggiyoobaa gidana. Qassi a yuushuwan de7iya qeeri katamati ubbaikka merinau kolettidi attana. Hagaa taani GODAI ta sunttan caaqqais” yaagees.

Ermmaasa 51:51

Intte, 'Nuuni cayettido gishshau kauyyida; allagati GODAA Beeta Maqidasiyan de7iya geeshsha sohota gelido gishshau, nuuni yeellaa maayida' yaagideta.

Ermmaasa Zilaassaa 4:21

Inttenoo, Uuxa biittan de7iya Eedooma asatoo, ufaittitenne poocu giite. SHin hanqquwaa xuu7ai inttekkokka gakkana; inttekka mattottidi, kallo attana.

Ermmaasa Zilaassaa 4:22

Inttenoo, Xiyoone asatoo, intte mooruwaa qixaatee polettiis. Hagaappe sinttan i inttena omooduwan wottenna. SHin Eedooma asatoo, intte mooruwaa i qaxxayana; intte nagaraakka qonccissana.

Hizqqeela 35:9

Taani nena merinau baisa oottana; ne katamati ona gidana. Taani GODAA gidiyoogaa intte he wode erana.

Hizqqeela 7:18

Eti waaruwaa maayana; qassi yashshan kokkorana. Eta som77oikka yeellaa maayana; eta huupheekka meedettana.

Yuu7eela 3:19

“Gibxxe biittai baisa gidana; Eedooma biittaikka booddila bazzo gidana. Aissi giikko, eti Yihudaa asaa bolli iitabaa oottidosona; qassi Yihudaa biittan xillo asaa suuttaakka gussidosona.

Amoxa 1:11

GODAI hagaadan yaagees; “Eedooma biittaa asai zaari zaaridi oottido nagaraa gishshau, taani eta qaxxayennan aggikke. Aissi giikko, eti bantta ishantta Israa7eelata bisuwan yedettidosona; eti etau qarettibookkona. Eti ubbatoo hanqqettoosona; eta yiilloi merinaukka simmenna.

Mikiyaasa 7:10

He wode ta morkkeekka be7ana; qassi tana, “GODAI ne Xoossai awan de7ii?” yaagi yaagidi qilliicciyaagee yeellaa maayana; i ogiyan de7iya urqqaadan yerettishinkka taani ta aifiyan be7ana.

Zaarettido Wogaa 23:7

“Intteyyo eti dabbo gidiyo gishshau, Eedoomata karidi ixxoppite; qassi Gibxxetakka ixxoppite. Aissi giikko, intte eta biittan bete gididi de7ideta.

Zaarettido Wogaa 23:8

Etayyo heezzantto yeletaa naati GODAA asaa maabaraa gelanau danddayoosona.