Sameela Maxaafaa Naa77anttuwaa 9:6 - Wolaytta Bible

⁶ Saa7oola na7aa Yonaataana na7ai Mafibosheeti Daawitakko yiis; yi gakkidi, Daawita sinttan lichchi giidi zin77iis. Yaatin, Daawiti a, “Mafibosheetaa!” yaagidi xeesiis. Xeesin i, “Abe ta godau, taani ne ashkkaraa” yaagiis.

Sameela Maxaafaa Naa77anttuwaa 9:6 Iomraidhean Croise

Doomettaabaa 18:2

Abrahaami xoqqu giidi xeellidi heezzu asati a matan eqqidaageeta be7iis; be7idi etaara gaittanau ba dunkkaaniyaa penggeppe denddidi woxxiis; woxxi gakkidi, biittan hokkidi, eta sinttan ziggiis.

Doomettaabaa 33:3

SHin i ba huuphen sinttau aadhdhidi, ba ishaakko matiiddi, sa7aa gakki gakkidi laapputon ziggiis.

Sameela Maxaafaa Naa77anttuwaa 1:7

He wode Saa7ooli yuushshi xeellidi tana be7iis; be7idi tana xeesin taani, 'Yee!' yaagaas.

Sameela Maxaafaa Naa77anttuwaa 16:4

Kawoi Xiiba, “Be7a! Mafibosheetayyo de7iyaabai ubbai ha77i neessa” yaagiis. Yaagin Xiibi, “Eeno ta godau kawuwau! Taani biittan gufannais; taani nena ufaissiyaabaa oottana” yaagiis.

Sameela Maxaafaa Naa77anttuwaa 21:7

Saa7oola na7ai Yonaataaninne Daawiti GODAA sinttan caaqqido caaquwaa gishshau, Saa7oola na7aa Yonaataana na7aa Mafibosheeta kawoi ashshiis.

Sameela Maxaafaa Naa77anttuwaa 4:4

Saa7oola na7aa Yonaataanayyo naa77u tohoi silido na7ai de7ees; Saa7oolanne Yonaataana woree Iziraa7eelappe gakkido wode, i ichchashu laitta na7a; he na7aa dichchiyaara a ekkada baqataasu; shin a baqatanau dirbbishin, na7ai kunddidi sila kiyiis; he na7aa sunttai Mafibosheeta.

Sameela Maxaafaa Naa77anttuwaa 9:5

Yaagin Kawoi Daawiti kiittidi, Lodabaarappe Ammi7eela na7aa Maakira sooppe ehiissiis.

Hanidabaa Odiya Koiro Maxaafaa 8:34

Yonaataana na7ai Mariiba7aala; Mariiba7aali Mikiyaasa yeliis.

Hanidabaa Odiya Koiro Maxaafaa 9:40

Yonaataana na7ai Mariiba7aala; Mariiba7aali Mikiyaasa yeliis.

Sameela Maxaafaa Koiruwaa 20:41

Na7ai biidoogaappe guyyiyan, Daawiti he zaallaa guyyeppe kiyiis; kiyidi Yonaataana sinttan gulbbatidi, ba som77uwaa biittaa boshissidi heezzutoo ziggiis. Hegaappe guyyiyan, issoi issuwaara yerettidi yeekkidosona; shin Daawiti Yonaataanappe aaruwaa yeekkiis.

Sameela Maxaafaa Koiruwaa 25:23

Abigaala Daawita be7ido wode, hariyaappe eesota wodhdhada, Daawita sinttan biittan gufannada ayyo ziggaasu.