Sameela Maxaafaa Naa77anttuwaa 7:23 - Wolaytta Bible

²³ Neeni ne asa oottanau wozido ne asaa Israa7eela milatiya hara kawotetti sa7aa bollan baawa. Neeni etayyo oottido gitanne maalaalissiya oosotu gaasuwan ne sunttai biittan sa7an erettiis. Neeni ne asaa sinttaappe hara kawotettatanne eta xoossata laaggadasa.

Sameela Maxaafaa Naa77anttuwaa 7:23 Iomraidhean Croise

Sameela Maxaafaa Naa77anttuwaa 7:24

Neeni ne asaa Israa7eela merinau nebaa oottadasa. Abeet GODAU, neenikka eta Xoossaa gidadasa.

Hanidabaa Odiya Koiro Maxaafaa 17:21

Neeni ne asa oottanau wozido ne asaa Israa7eela milatiya hara kawotetti sa7aa bollan baawa. Neeni oottido gitanne maalaalissiya oosotu gaasuwan ne sunttai biittan sa7an erettiis. Neeni Gibxxeppe wozido ne asaa sinttaappe kawotettata laaggadasa.

Nahimiyaa Maxaafaa 1:10

“Hageeti neeni ne gita wolqqaaninne ne mino qesiyan woza ekkido ne ashkkaratanne ne asata.

Mazamure Maxaafaa 106:22

Kaama biittan maalaalissiyaabaanne, Zo7o Abban, “Hoola!” giissiyaabaa oottidaagaa.

Mazamure Maxaafaa 111:9

I ba asaa wozidi kessiis; i ba maachchaa etaara merinau wottiis. A sunttai geeshshanne, “Hoola!” giissiyaagaa.

Mazamure Maxaafaa 145:6

Asai, “Hoola!” giissiya ne oosuwaa wolqqaabaa haasayana; taanikka ne gitatettaa awaajjana.

Mazamure Maxaafaa 147:20

I hara kawotettaa asaassi hagaa oottibeenna; eti a pirddaa erokkona. GODAA galatite!

Mazamure Maxaafaa 40:5

Abeet GODAU, ta Xoossau, neeni daro maalaalissiyaabaa oottadasa; nenaara likkettiyai ooninne baawa! Neeni nuuyyo qoppido lo77o qofaa ooninne qoodanau danddayenna. Hegee taani yootin, wuriyaabaa gidenna.

Mazamure Maxaafaa 44:3

Eti bantta bisuwan olidi, he biittaa kessibookkona; eti bantta kushiyaa minotettan xoonibookkona. SHin neeni eta siiqido gishshau, eti ne ushachcha kushiyaa, ne qesiyaanne ne sinttaa poo7uwaa wolqqan xoonidosona.

Mazamure Maxaafaa 65:5

Abeet nuna ashshiya Xoossau, garamissiya ne xillo oosuwan neeni nuuyyo allaasa. Sa7aa gaxaappe gaxaa gakkanaassi, haaho abbatuppekka hefinttan de7iya asa ubbau ammanettiyaagee nena.

Mazamure Maxaafaa 66:3

Xoossaayyo hagaadan yaagite; “Ne oosoti aiba garamissiyaabee! Ne wolqqai darido gishshau, ne morkketi yashshau ne sinttan gulbbatoosona.

Kessaabaa 12:12

“Taani he gallassi qammi Gibxxeera kanttana; kanttaidda baira yelettida ubbaa, asaakka mehiyaakka worana; Gibxxe eeqatu ubbaa bollikka taani pirddana; taani GODAATTENNE.

Kessaabaa 33:16

Neeni nunaara beennan xayikko, tanaaninne ne asaani neeni ufaittidoogaa asai ubbai waani eranee? Biitta ubban de7iya hara asa ubbaappe tananne ne asaa dummayiyaabi harabi aibee?” yaagiis.

Kessaabaa 6:7

Taani inttena ta huuphe asadan ekkananne taani intte Xoossaa gidana. He wode intte taani GODAA intte Xoossaa inttena Gibxxetu ailletettaappe kessidaagaa gidiyoogaa erana.

Kessaabaa 9:15

Taani hannoode ta kushiyaa yeddada, nenanne ne asaa boshan ha sa7aa bollappe mulluccu oottargganashin.

Kessaabaa 9:16

Taani nena ta wolqqaa bessanaunne ta sunttai sa7a ubbaa bollan odettanau, hegau taani nena paxa wottaas.

Ermmaasa 32:20

“Neeni Gibxxen malaataanne oorattabaa oottadasa; hachchi gakkanaassikka ha ooratta oosota Israa7eela asaa giddooninne hara kawotettatu ubbaa giddon oottiyoogaa aggabaakka. Hegaappe denddidaagan ne sunttai ubbasan erettiis.

Ermmaasa 32:21

Neeni ne asaa Israa7eela Gibxxeppe malaataaninne oorattaban, ne mino qesiyaaninne ne yeddido kushiyan, qassi gita dagaman kessadasa.

Hizqqeela 20:9

SHin eti de7iyo kawotettatu giddooninne Israa7eela asaa Gibxxeppe kessiyoogan, taani tanatettaa erissido asaa sinttan ta sunttai tunennaadan oottaas.

Qoodaabaa 6:27

“Eti Israa7eela asaa ta sunttan anjjiyo wode, taani eta anjjana” yaagiis.

Efisoona 1:6

Xoossai ba siiqiyo Na7aa baggaara nuuyyo coo immido aaro kehatettaa bonchchuwaa gishshau, nuuppe galataa ekkanau hegaa oottiis.

Zaarettido Wogaa 10:21

Intte intte aifiyan be7ido he gitanne yashshiya maalaalissiyaabata, intteyyo oottidaagee i intte galataattenne; qassi intte Xoossaattenne.

Zaarettido Wogaa 15:15

Inttekka Gibxxe biittan kase aille gididoogaanne GODAI intte Xoossai inttena yaappe wozidoogaa dogoppite. Taani inttena hachchi azaziyoogee hegaassa.

Zaarettido Wogaa 33:29

Inttenoo Israa7eela asau! Intte aiba anjjettidetii! GODAI ashshido intte mali oonee? I intteyyo gonddallenne inttena maaddiyaagaa; an intte xooniyo bisuwaa. Intte morkketi intte sinttan gufannana; inttekka eta qatuwaa laalana” yaagiis.

Zaarettido Wogaa 9:26

Taani GODAA Xoossaa hagaadan yaagada woossaas; 'Abeet Ubbaa Haariya GODAU, neeni ne gita wolqqan wozidonne ne mino kushiyan Gibxxeppe kessido, neeyyo laata gidiya ne asaa xaissopparkkii!

Tiitu 2:14

Iita ooso ubbaappe i nuna wozanaunne lo77obaa oottanau amottiya ba geeshsha asa kessanau, nu gishshau, ba huuphiyaa immiis.

Yaasu Maxaafaa 7:9

Kanaanetinne ha biittan de7iya asai ubbai ha yohuwaa siyidi, nuna dooddana; dooddidi nuna biittaappe xaissana. Yaatin, ne gita sunttaayyo neeni oottiyoobai aibee?” yaagiis.

Koiro PHeexiroosa 2:9

SHin Xoossai xumaappe garamissiya ba poo7uwau inttena xeesiis; intte a ooratta oosuwaa yootanau doorettida zare; intte kawo qeeseta; geeshsha asanne Xoossaassi buzo asa.

Ajjuutaa 5:9

Eti, “Xaatta woraqataa ekkanaunne maatafaa peerada dooyanau neeyyo bessees. Aissi giikko, neeni shuhettadasa. Neeni qommo ubbaappe, dumma dumma biitta qaala ubbaappe, yara ubbaappenne zare ubbaappe ne suuttan Xoossaayyo asaa wozadasa.