Sameela Maxaafaa Naa77anttuwaa 5:6 - Wolaytta Bible

⁶ Yerusalaamen de7iya Yaabuusa asata olanau Daawitinne Daawita asai biidosona; Yaabuusa asati, “Daawiti ha katamaa gelanau danddayenna” giidi qoppidosona. Yaatidi eti a, “Neeni ha sohuwaa gelakka; harai attoshin, qooqetinne wobbeti nena teqqanau danddayoosona” yaagidosona.

Sameela Maxaafaa Naa77anttuwaa 5:6 Iomraidhean Croise

Doomettaabaa 14:18

He wode, Saleema Kawoi Malkki-Xedeqi oittaanne woine eessaa ekkidi yiis; i Ubbaappe Xoqqiya Xoossaa qeesiyaa.

Sameela Maxaafaa Naa77anttuwaa 22:30

Ne maaduwan taani ta morkke olanchchatu bolli woraajjais; ta Xoossan taani eta miixaa xeeraara guppa aadhdhais.

Leemiso Maxaafaa 21:22

Wozannaama asi wolqqaama olanchchati de7iyo katamaa olidi oiqqees; oiqqidi eti ammanettido mino qatuwaakka laalees.

Ermmaasa 21:13

GODAI hagaadan yaagees; “Nenoo, Yerusalaamee, neeni dembban de7iya zaalladan, dilbbaappe pude xoqqu gaada beettaasa; shin taani nenaara olettana. Neeni, 'Ooninne ta bolli xalenna woikko ta de7iyoosaa gelenna' yaagaasa;

Ermmaasa 37:10

Intte Baabiloone olanchchata muliyaa xooniyaakkonne etappe attidi, olan masunxxidi, dunkkaaniyaa giddon zin77idaageetikka denddidi, ha katamaa taman xuuggana” yaagees.

Ibraawe 7:1

Ha Malkki-Xedeqi, Saleema kawoi, Ubbaappe Bolla Xoossaa qeesee, Abrahaami kawota woridi olaappe simmishin, aara gaittidi, a anjjiis.

Yaasu Maxaafaa 10:3

Yaatin, Yerusalaame Kawoi Adoonixedeqi, Kebroona Kawuwaa Hohaamassi, Yarmmuuta Kawuwaa Piiraamassi, Laakisha Kawuwaa Yaafi7assinne, Egiloona kawuwaa Dabiirassi hagaadan yaagidi kiittiis;

Yaasu Maxaafaa 15:63

Gidikkonne, Yihudaa asai Yerusalaamen de7iya Yaabuusata kessanau danddayibookkona. Hegaa gishshau Yaabuusati hachchi gakkanaassikka Yihudaa asaara issippe Yerusalaamen de7oosona.

Yaasu Maxaafaa 18:28

Xelaa7a, Eleefa, Yerusalaame geetettiya Yaabuusatu katamaa, Gib77anne Qiriyaati-Yi7aariima. Eti muleera tammanne oidda; eta yuushuwan de7iya moottatikka etan gujettoosona. Biniyaama zareti bantta yaran yaran laattido biittai hagaa.

Daannatu Maxaafaa 1:21

SHin Biniyaama zareti Yerusalaamen de7iya Yaabuusata yedettibookkona; yaatin, Yaabuusati Biniyaama zaretuura hachchi gakkanaassi Yerusalaamen issippe de7oosona.

Daannatu Maxaafaa 1:8

Yihudaa asai Yerusalaame olidi oiqqiis; oiqqidi asaa qara bisuwan woridi, katamaa taman xuuggiis.