Sameela Maxaafaa Naa77anttuwaa 4:12 - Wolaytta Bible

¹² Rekaabanne Ba7aana woranaadan Daawiti ba olanchchata azaziis; azazin olanchchati eta woridosona; eta kushiyaanne tohuwaa qanxxirggidi, dalbbantta haattaa matan Kebroona kataman kaqqidosona. Yaabustte huuphiyaa ekki efiidi, Abaneera duufuwan Kebroonan moogidosona.

Sameela Maxaafaa Naa77anttuwaa 4:12 Iomraidhean Croise

Sameela Maxaafaa Naa77anttuwaa 1:15

Daawiti ba asatuppe issuwaa xeesidi, “Ba; baada a wora!” yaagiis; yaagin i Amaaleeqiyaa dechchidi woriis.

Sameela Maxaafaa Naa77anttuwaa 16:8

Neeni Saa7oola sohuwan kawotadasa; neeni gussido Saa7oola asaa suuttaa ubbaa GODAI ne bolli zaariis; qassi GODAI kawotettaa ne na7aa Abeseloomayyo sheedhdhiis. Neeni suutta gussida asa gidiyo gishshau, neeni xayiyo wodee gakkiis” yaagiis.

Sameela Maxaafaa Naa77anttuwaa 2:8

Saa7oola olanchchatu gadaawai Neera na7aa Abaneeri Saa7oola na7aa Yaabustta ekkidi, Maahinaima giyo sohuwaa efiis.

Sameela Maxaafaa Naa77anttuwaa 21:9

Ekkidi Gabaa7oona asatuyyo aattidi immiis; immin eti eta GODAA sinttan deriyaa huuphiyan kaqqidosona; laappunatikka issippe haiqqidosona; katta cahan, banggaa cahai doommiyo wodiyan eta woridosona.

Sameela Maxaafaa Naa77anttuwaa 3:32

Abaneeri Kebroonan moogettiis; kawoi ba qaalaa xoqqissidi duufuwan yeekkiis; asai ubbaikka yeekkiis.

Mazamure Maxaafaa 55:23

SHin Abeet Xoossau, neeni iita asata ciimma ollan duge olana. Suuttaa gussiyaageetinne cimmiyaageeti bantta daana laittau baggaanne de7okkona; shin taani nenan ammanettana.

Maatiyoosa 7:2

Aissi giikko, intte haratu bolli pirddiyoogaadan, Xoossai intte bolli pirddana; qassi intte haratuyyo immanau makkiyooban i intteyyo makkana.