Sameela Maxaafaa Naa77anttuwaa 22:19 - Wolaytta Bible

¹⁹ Ta waayiyaa gallassi eti ta bolli denddidosona; shin GODAI tana zemppissiyaagaa.

Sameela Maxaafaa Naa77anttuwaa 22:19 Iomraidhean Croise

Sameela Maxaafaa Naa77anttuwaa 22:18

I tana ta wolqqaama morkkiyaappenne tana ixxiyaageetuppe ashshiis; aissi giikko, eti taayyo keehi daro wolqqaama.

Mazamure Maxaafaa 23:4

Neeni ta GODAI tanaara de7iyo gishshau, taani haiquwaa milatiya xumaa giddoora biikkokka, iitabau yayyikke. Ne gatimainne ne guufee tana minttettoosona.

Isiyaasa 26:19

Haiqqida ne asai paxana; eta ahaikka denddana. Inttenoo, biittaa buhiyaa giddon de7iyaageetoo, intte xaazai maallado xaazaa mala gidiyo gishshaunne, sa7aikka haiqqidaageeta zaarettidi immiyo gishshau, beegottitenne ufaissau yexxite.

Isiyaasa 41:10

Taani nenaara de7iyo gishshau yayyoppa; taani ne Xoossaa gidiyo gishshau dagammoppa. Taani nena minttana; qassi taani nena maaddana. Taani nena ta xooniya ushachcha kushiyan kaafada oiqqana.

Isiyaasa 50:10

Intte giddoppe GODAASSI yayyiyaageenne a ashkkaraa qaalaassi azazettiyaagee oonee? Xuman hemettiyaageenne poo7oi bainnaagee i oonee? He urai GODAA sunttan ammanetto; ba Xoossankka zemppo.