Sameela Maxaafaa Naa77anttuwaa 19:9 - Wolaytta Bible

⁹ Israa7eela zareti ubbai issoi issuwaara hagaadan yaagidi palamettoosona; “Kawoi Daawiti nuna nu morkketu kushiyaappe ashshiis; nuna Pilisxxeema asatu kushiyaappe wotti ekkiis; shin i ha77i Abeselooma gaasuwan biittaa aggidi baqatiis.

Sameela Maxaafaa Naa77anttuwaa 19:9 Iomraidhean Croise

Sameela Maxaafaa Naa77anttuwaa 15:14

Hegaappe guyyiyan, Daawiti banaara issippe Yerusalaamen de7iya ba oosanchchata, “Denddite! Nuuni baqatoos! Hegee xayikko, nu giddoppe ai asinne Abeseloomappe kessi ekkenna. Nuuni eesotidi baana koshshees; hegee xayikko, i eesotidi yiidi nuna xaissana; nu katamaa bisuwan busakkana” yaagiis.

Sameela Maxaafaa Naa77anttuwaa 18:17

Eti Abeselooma ekki efiidi, woran de7iya gita ollaa giddon yeggidi, daro shuchchaa a bolli dooridosona. He wode Israa7eela asai ubbai ba so ba so baqatiis.

Sameela Maxaafaa Naa77anttuwaa 19:10

Nu bolli kawotanaadan nuuni tiyido Abeseloomi olan haiqqiichchiis. Yaatin, kawuwaa guyye ehaanau intte aibissi co77u giidetii?” yaagidosona.

Sameela Maxaafaa Naa77anttuwaa 19:40

Kawoi pinnidi Gelggala biyo wode, Kimihaamikka aara issippe biis. Yihudaa olanchchati ubbatinne Israa7eela olanchchatuppe baggati kawuwaara issippe biidosona.

Sameela Maxaafaa Naa77anttuwaa 22:44

“Ta asaa makkalaappe tana ashshadasa. Kawotettatu bolli sunttada, tana naagadasa; taani erenna asai tau haarettiis.

Sameela Maxaafaa Naa77anttuwaa 5:20

Yaagin Daawiti Ba7aali-Paraaxiima giyoosaa biidi, yan eta xooniis. Yaatidi Daawiti, “Haattaa di7oi xuussi kanttiyoogaadan GODAI ta morkketu giddoora tana kanttissiis” yaagiis. Hegaa gishshau, he sohuwaa sunttai Ba7aali-Paraaxiima geetettiis.

Mazamure Maxaafaa 18:43

Makkala asappe tana ashshadasa. Tana kawotettatu bollan sunttadasa; taani erenna asai tau haarettiis.

Kessaabaa 32:24

Yaagin taani eta, 'Intte bolli de7iya worqqaa kessidi, hammite' yaagaas. Hegaappe guyyiyan, eti taayyo immido worqqaa taani taman yeggin, ha marai kiyiis” yaagiis.

Sameela Maxaafaa Koiruwaa 17:50

Yaatidi Daawiti Pilisxxeemiyaa yambbarshshaaninne shuchchan xooniis. Daawiti ba kushiyan bisoi bainnan Pilisxxeemiyaa caddidi woriis.

Sameela Maxaafaa Koiruwaa 18:25

Yootin Saa7ooli ba ashkkarata, “Daawitau hagaadan yaagidi yootite; 'Kawoi ba morkketu haluwaa kessanau xeetu Pilisxxeema asatu qaaratuwaappe attin, neeppe hara koitaa koyenna' yaagite” yaagiis. Saa7ooli hegaa giidoogee, “Daawiti Pilisxxeematu kushiyan haiqqo” giidi qoppido gishshaassa.

Sameela Maxaafaa Koiruwaa 19:5

I Pilisxxeemiyaa woriyo wode ba shemppuwau qarettibeenna. GODAI Israa7eela ubbaayyo gita xoonuwaa immiis; hegaa be7ada neenikka ufaittadasa. Yaatin, neeni geeshsha asa naaqqanau aissi qoppai? Gaasoi bainnan Daawita woranau aissi koyai?” yaagiis.