Sameela Maxaafaa Naa77anttuwaa 18:3 - Wolaytta Bible

³ SHin asai a, “Neeni baanau bessenna! Nuuni baqatiyaakkonne, eti nubaa koyokkona; harai atto nuuni baggai haiqqiyaakkokka, nubaa eti wudokkona. SHin neeni nuuppe tammu sha7atuppe daraasa; hegaa gishshau, neeni kataman uttada, nuuyyo maaduwaa kiittikko lo77o” yaagiis.

Sameela Maxaafaa Naa77anttuwaa 18:3 Iomraidhean Croise

Sameela Maxaafaa Naa77anttuwaa 10:11

Yoo7aabi ba ishaa, “Sooriyaa asati taayyo wolqqaamikko, neeni yaada, tana maadda. Qassi Amoona asati neeyyo wolqqaamikko, taani yaada, nena maaddana.

Sameela Maxaafaa Naa77anttuwaa 17:2

I daafuridaashiininne xalalidaashin, taani a bolli woraajjana. Taani a daganttana; hegan aara de7iya asai ubbaikka baqatana; taani kawuwaa xalaalaa shocana.

Sameela Maxaafaa Naa77anttuwaa 21:17

shin Xaruuyi na7ai Abishaayi Daawita ashshiis; Pilisxxeemiyaa shocidi woriis. Hegaappe guyyiyan Daawita asati Daawita, “Israa7eela xomppee to7ennaadan neeni naa77antto mulekka nunaara olau baakka” yaagidi caaqqidosona.

Kawotu Maxaafaa Koiruwaa 22:31

Sooriyaa kawoi ba paraa gaareta azaziya hasttamanne naa77u asata, “Gitatin guuxxin hara asa oonaarakka olettoppite; Israa7eela kawuwaa xalaalaara olettite” yaagidi azaziis.

Ermmaasa Zilaassaa 4:20

GODAI tiyido kawuwaa, nuuni siiriyaara shemppiyo nu shemppuwaa, eti bantta piriyan oiqqidosona. Nuuni a kuwaa garssan uttidi, kawotettatu giddon de7ana giidi qoppida.

Zakkaariyaasa 13:7

Ubbaappe Wolqqaama GODAI hagaadan yaagees; “Bisuwau, taayyo mata gidiya ta dorssaa heemmiyaagaa bolli beegotta! Beegottada dorssati laalettanaadan, dorssaa heemmiyaagaa wora. Taanikka he guutta dorssatu bollan ta kushiyaa denttana.

Sameela Maxaafaa Koiruwaa 18:7

Maccaasati duriiddi, “Saa7ooli sha7aa woriis; Daawiti tammu sha7aa woriis” yaagidi yexxidosona.