Sameela Maxaafaa Naa77anttuwaa 15:30 - Wolaytta Bible

³⁰ SHin Daawiti yeekkiiddi Dabira Zaite pudettaa kiyiis. I azzanuwau ba huuphiyaa gulletti uttiis; i mela tohuwan hemettiis; aara de7iya asatikka gullettidi yeekkiiddi pudettaa kiyidosona.

Sameela Maxaafaa Naa77anttuwaa 15:30 Iomraidhean Croise

Sameela Maxaafaa Naa77anttuwaa 15:29

Hegaa gishshau, Xaadooqinne Abiyaataari Xoossaa Taabootaa Yerusalaame guyye efiidosona; efiidi yan de7idosona.

Sameela Maxaafaa Naa77anttuwaa 19:4

Kawoi ba som77uwaa gullettidi, ba qaalaa xoqqissidi, “Aayye ta na7au Abeseloomaa! Aayye Abeseloomaa ta na7au! Ta na7au!” yaagidi zilaaliis.

Sameela Maxaafaa Naa77anttuwaa 19:5

Hegaappe guyyiyan, Yoo7aabi he keettaa biidi kawuwaa, “Ne shemppuwaa, ne attuma naatunne ne macca naatu shemppuwaa, ne maccaasatunne ne baakkotu shemppuwaa hachchi ashshida ne asaa ubbaa neeni hachchi kaushshadasa.

Asttiri Maxaafaa 6:12

Hegaappe guyyiyan, Marddikiyoosi kawo keettaa pengge guyye simmidi biis. SHin Hamaani daro azzanido gishshau, ba som77uwaa gullettidi, eesotidi ba soo biis.

Mazamure Maxaafaa 42:3

Asati ubbatoo, “Ne Xoossai awan de7ii?” yaagiyo wode, taayyo gallassinne qammi ta afuttai quma gidiis.

Mazamure Maxaafaa 43:5

Tanooshsho, taani aissi azzaniyaanaa? Qassi aissi jabbukettiyaanaa? Taani Xoossan ufaissaa wottana. Aissi giikko, taani ha77ikka tana ashshiyaagaanne ta Xoossaa galatana.

Hizqqeela 24:17

Oola, shin ne ooliyaa asi siyoppo; haiqqidabau kayyottoppa. Neeni ne huuphiyan xaaxiyoogaa xaaxa; ne gediyankka caammaa wotta. Ne doonaa kammoppa; shochchaakka mooppa” yaagiiddi yiis.

Hizqqeela 24:23

Intte huuphiyaa xaaxeeta; intte gediyan caammaa wotteeta. Kayyottekketa woikko yeekkekketa. SHin intte intte nagaraa gaasuwan gilqqananne issoi issuwaayyo oolana.

Zakkaariyaasa 14:4

He gallassi a tohoti Yerusalaameppe arshsho baggaara de7iya Dabira Zaite Deriyaa bolli eqqana. Dabira Zaite Dereekka arshshoppe arggo gakkanaashin, naa77u kiyidi phalqqettana; phalqqettin keehi aaho wombbai merettana; yaatobare deriyaassi baggai huuphessa baggi, qassi baggaikka tohossa baggi sher77i gaana.

Maatiyoosa 5:4

Kayyottiyaageeti anjjettidaageeta; aissi giikko, Xoossai eta minttettana.

Luqaasa 19:29

Yesuusi Dabira Zaite giyo deriyaa lanqqiyan de7iya Beetafaaganne Biitaaniyaa giyo katamata matido wode, erissiyo ashkkaratuppe naa77aa kiittidi,

Luqaasa 19:37

I Dabira Zaite Deriyaa dugettaa wodhdhana matishin, a kaalliya ubbai Xoossai oottido malaata ubbaa be7ido gishshau ufaittidi, Xoossaa galatanau bantta qaalaa xoqqu oottidi,

Luqaasa 19:41

Katamaa gakkanau i matidi, katamaa be7ido wode qarettidi yeekkiiddi,

Luqaasa 21:37

Yesuusi gallassi gallassi Beeta Maqidasiyan tamaarissees; shin qammi qammi Dabira Zaite Deriyaa kiyidi aqees.

Luqaasa 22:39

Yesuusi katamaappe kiyidi, haroodeegaadan Dabira Zaite Deriyaa kiyiis. Qassi erissiyo ashkkaratikka a kaallidosona.

Yesuusi Kiittidoogeetu Oosuwaa 1:12

Hegaappe guyyiyan, Yesuusi kiittidoogeeti Dabira Zaite geetettiya deriyaappe Yerusalaame simmidosona. Dabira Zaitee Yerusalaame matan de7ees.

Roome 12:15

Ufaittiyaageetuura ufaittite; yeekkiyaageetuurakka yeekkite;

Koiro Qoronttoosa 12:26

Bollaa qommotuppe issoi seelettikko, bollaa qommoti ubbaikka aara seelettoosona; bollaa qommotuppe issoi bonchchettikko, bollaa qommoti ubbai aarakka ufaittoosona.