Sameela Maxaafaa Naa77anttuwaa 15:25 - Wolaytta Bible

²⁵ Hegaappe guyyiyan kawoi Xaadooqa, “Xoossaa Taabootaa katamaa guyye efa. GODAI tanan ufaittiyaabaa gidikko, tana i zaaretti ehiidi, ba Taabootaanne ba de7iyoosaa naa77anttuwaa bessana.

Sameela Maxaafaa Naa77anttuwaa 15:25 Iomraidhean Croise

Sameela Maxaafaa Naa77anttuwaa 6:17

Daawiti GODAA Taabootaa wottanau tolido dunkkaaniyaa giddon Taabootaa ehiidi wottidosona; wottin Daawiti xuuggiyo yarshshuwaanne issippetettaa yarshshuwaa GODAAYYO yarshshiis.

Sameela Maxaafaa Naa77anttuwaa 7:2

hananabaa yootiya Naataana, “Taani zigaappe keexettida keettan de7ais; shin Xoossaa Taabootai dunkkaaniyan de7ees” yaagiis.

Mazamure Maxaafaa 122:1

Eti tana, “Ane GODAA keettaa boos” yaagin, taani ufaittaas.

Mazamure Maxaafaa 122:9

GODAA nu Xoossaa keettaa gishshau gaada, taani Yerusalaamee duretanau woossana.

Mazamure Maxaafaa 26:8

Abeet GODAU, neeni de7iyo keettaa, ne bonchchoi aqiyo sohuwaa taani dosais.

Mazamure Maxaafaa 84:10

Taani harasan sha7u gallassaa de7anaappe Xoossaa keettan issi gallassaa de7iyoogee lo77o. Iitatu dunkkaaniyan de7anaagaappe ta Xoossaa keettaa penggiyaa naagiyoogee taayyo lo77o.

Kessaabaa 15:13

“Neeni wozido asaa aggenna ne siiquwan kaalettana. Neeni ne wolqqan eta neeni de7iyo geeshsha sohuwaa gelissadasa.

Kessaabaa 33:12

Muusee GODAA hagaadan yaagiis; “Neeni tana, 'Ha asaa kaaletta' yaagadasa; shin tanaara neeni oona kiittiyaakko, tana erissabaakka. Neeni, 'Taani nena sunttan erais; neeni tanan nashettadasa' yaagadasa.

Kessaabaa 33:13

Neeni tana nashshidabaa gidikko, taani nena erana malanne sinttanaukka nenan nashettada daana mala, ne ogiyaa tana tamaarissa. Ha asai ne asaa gidiyoogaa hassaya” yaagiis.

Isiyaasa 38:22

Yaagin Hizqqiyaasikka, “Taani paxada GODAA Beeta Maqidasiyaa pude kiyanaagau malaatai aibee” yaagidi Isiyaasa oichchi wottiis.

Ermmaasa 25:30

“Hegaa gishshau, Ermmaasaa, ha qaalai ubbai eta bolli hananaagaa etayyo yoota. 'GODAI bolla xoqqan guummana. GODAI ba de7iyo geeshsha sohuwaappe ba gunttaa sissana. I ba hentta gadiyaa bollan wolqqappe guummana. I woiniyaa teeraa yedhdhidi, gum77iyaageeti waassiyoogaadan, sa7an de7iya ubbaa bolli waassana.

Ermmaasa 7:4

Cimo qaalan, 'Hagee GODAA Beeta Maqidasiyaa! Hagee GODAA Beeta Maqidasiyaa! Hagee GODAA Beeta Maqidasiyaa!' yaagidi ammanettoppite.