Sameela Maxaafaa Naa77anttuwaa 14:6 - Wolaytta Bible

⁶ Taayyo ne ashkkareeyyo naa77u attuma naati de7oosona. Eti issoi issuwaara dembban warettidosona; eta shaakkanau issi asinne xayin, issoi hinkkuwaa shocidi woriis.

Sameela Maxaafaa Naa77anttuwaa 14:6 Iomraidhean Croise

Doomettaabaa 4:8

Hegaappe guyyiyan, Qaayeeli ba ishaa Aabeela, “Ane dembbaa boos” yaagiis. Biidi eti dembban de7ishin, Qaayeeli ba ishaa Aabeela bolli denddinne wori aggiis.

Sameela Maxaafaa Naa77anttuwaa 13:28

Abeseloomi ba ashkkarata, “Siyite! Aminooni woiniyaa eessaa uyidi kalliyo wodenne taani inttena, 'Aminoona shocite' yaagiyo wode, intte a worite. Yayyoppite! Inttena azazidai tana. Minnite! Xalite!” yaagidi azaziis.

Sameela Maxaafaa Naa77anttuwaa 13:29

Azazin Abeselooma ashkkarati i azazidoogaadan Aminoona oottidosona. Hegaappe guyyiyan, kawuwaa attuma naati ubbati denddidi, bantta baquluwaa baquluwaa toggidi baqatidosona.

Sameela Maxaafaa Naa77anttuwaa 14:5

Yaagin kawoi o, “Nena aibee metidai?” yaagidi oichchiis. Oichchin a, “Taani azini haiqqido maccaasa.

Sameela Maxaafaa Naa77anttuwaa 14:7

Ha77i ta dabboti ubbai ta bolli denddidi, 'Ba ishaa i worido gishshau, nuuni a woranaadan ba ishaa woridaagaa nuuyyo hamma; yaatidi nuuni laattiyaabaa xaissana' yaagidosona. Yaatikko, eti taayyo laatau attida issi xiifaa toissoosona; ta keettaawaa sunttaakka a zerettaa biittaappe xaissoosona” yaagaasu.

Kessaabaa 2:13

Wonttetta gallassi kiyidi, naa77u Ibraaweti warettiyaageeta be7iis. Naaqqidaagaa i, “Neeni ne lagge gidiya Ibraawiyaa aissi dechchai?” yaagidi oichchiis.