Sameela Maxaafaa Naa77anttuwaa 14:22 - Wolaytta Bible

²² Yaagin Yoo7aabi kawuwaa sinttan lichchi giidi gufannidi, kawuwaa hagaadan yaagidi anjjiis; “Ta godau kawuwau, ne sinttan nashettidoogaa ne ashkkarai hachchi eriis; aissi giikko, kawoi ba ashkkarai oichchidobaa siyiis” yaagiis.

Sameela Maxaafaa Naa77anttuwaa 14:22 Iomraidhean Croise

Doomettaabaa 47:7

Hegaappe guyyiyan, Yooseefi ba aawaa Yaaqooba gelissidi, kawuwaa sintti aattiis. Yaaqoobi Gibxxe kawuwaa anjjidoogaappe guyyiyan,

Doomettaabaa 6:8

SHin Nohee GODAA sinttan nashettiis.

Sameela Maxaafaa Naa77anttuwaa 14:21

Kawoi Yoo7aaba, “Daro lo77o! Taani hagaa oottana! Ba; baada he yelaga bitaniyaa Abeselooma ekkada ya” yaagiis.

Sameela Maxaafaa Naa77anttuwaa 14:23

Hegaappe guyyiyan, Yoo7aabi denddidi Gashuura biitti biis; biidi Abeselooma Yerusalaame ekki ehiis.

Sameela Maxaafaa Naa77anttuwaa 14:4

Taqo7a katamaa maccaasiyaa kawuwaakko biido wode, biittan lichchi gaada gufannada, “Kawuwau, tana maaddarkkii!” yaagaasu.

Sameela Maxaafaa Naa77anttuwaa 19:39

Hegaappe guyyiyan, asai ubbai Yorddaanoosa SHaafaa pinniis; kawoikka pinniis. Pinnidi Barzzillaaya yeridi anjjiis; yaatin, Barzzillaayi ba soo simmiis.

Nahimiyaa Maxaafaa 11:2

Yerusalaamen de7anau bantta sheniyan maayida asaa ubbaa asai anjjiis.

Iyyooba Maxaafaa 29:11

“Tabaa siyidaageetinne tana be7idaageeti ubbai tana galatidi haasayidosona.

Iyyooba Maxaafaa 31:20

ta dorssatu ikisiyaappe oosettida maayuwaa taani etau immennan agga erikke. Hegaa gishshau, etikka bantta polo wozanan tana galatoosona.

Leemiso Maxaafaa 31:28

I naati denddi eqqidi, o nashshoosona; i keettaawaikka o galatiiddi,

Uruti Maxaafaa 2:2

Issi gallassi Moo7aabiyaa Uruta Naa7oomo, “Taayyo qarettiya asa kaallada poshiluwaa qoranau kattaa cakkiyoosaa booshsha?” yaagaasu. Yaagin a, “Ee ta na7ee, ba” yaagaasu.

Sameela Maxaafaa Koiruwaa 20:3

SHin Daawiti Yonaataana, “Neeni tana siiqiyoogaa ne aawai keehi erees; ne aawai baayyo, 'Yonaataani ha yohuwaa eroppo; erikko i azzanana!' yaagiis. SHin de7o Xoossai ero; ne shemppoi ero; taappenne haiquwaappe gidduwan mexi issi tanggoi attiis” yaagidi caaqqiis.