Sameela Maxaafaa Naa77anttuwaa 14:11 - Wolaytta Bible

¹¹ Yaagin maccaasiyaa kawuwaa, “Suuttaa achchiyaagee bashshaa bolli bashshaa gujjennaadaaninne ta na7aakka worennaadan kawoi GODAA ba Xoossaa sunttan taayyo caaqqo” yaagaasu. Kawoi o, “Xoossai ero! Ne na7aa huuphiyaa binnaanaappe issoikka biittan wodhdhenna” yaagiis.

Sameela Maxaafaa Naa77anttuwaa 14:11 Iomraidhean Croise

Doomettaabaa 14:22

SHin Abraami Sadooma kawuwaa, “Taani GODAASSI, Ubbaappe Xoqqiya Xoossaassi, saluwaanne sa7aa medhdhidaagaassi, ta kushiyaa denttada caaqqaichchaas.

Doomettaabaa 31:50

Neeni ta macca naata naaqqikko, woikko neeni ta macca naatu bolli hara maccaasata ekkikko, nunaara ha77i ooninne bainnabaa gidikkonne ne gidduwaaninne ta gidduwan Xoossai markka gidiyoogaa hassaya” yaagiis.

Sameela Maxaafaa Naa77anttuwaa 14:10

Yaagin kawoi maccaasiyo, “Ne bolli qaala qaattiya oonanne taakko eha; i nena naa77antto bochchenna” yaagiis.

Sameela Maxaafaa Naa77anttuwaa 14:12

Hegaappe guyyiyan, maccaasiyaa kawuwaa, “Ta godaa kawuwaayyo taani issi qaalaa haasayais” yaagaasu. Yaagin kawoi, “Haasaya” yaagiis.

Sameela Maxaafaa Naa77anttuwaa 14:21

Kawoi Yoo7aaba, “Daro lo77o! Taani hagaa oottana! Ba; baada he yelaga bitaniyaa Abeselooma ekkada ya” yaagiis.

Kawotu Maxaafaa Koiruwaa 1:52

Yaagin Solomoni zaaridi, “I ba hanuwaa loittanabaa gidikko, harai attin a huuphiyaappe issi binnaaninne boshettenna; shin an iitatetti beettikko, i haiqqana” yaagiis.

Ermmaasa 4:2

intte tuman, suuretettaaninne xillotettan, 'GODAI ero!' giidi caaqqikko, he wode kawotettati an anjjettananne an ceeqqana” yaagees.

Qoodaabaa 35:19

Suuttaa achchiyaagee he shemppuwaa woridaagaa demmikko woro.

Qoodaabaa 35:21

woikko morkkidi ba kushiyan bubbuxin, he urai haiqqikko, i shemppuwaa woridaagaa; shemppo woridaagee haiqqo. Suuttaa achchiyaagee shemppuwaa woridaagaa demmikko woro.

Qoodaabaa 35:27

baqati attiyo katamaappe kareera suuttaa achchiyaagee a demmidi worikko, i woridoogau oishettenna.

Maatiyoosa 10:30

SHin harai atto, intte huuphiyan de7iya binnaana ubbaikka qoodan de7ees.

Yesuusi Kiittidoogeetu Oosuwaa 27:34

Hegaa gishshau, guutta qumaa intte maana mala, taani inttena woossais; aissi giikko, intte paxa de7anau guutta qumaa maana koshshees; harai atto intte huuphiyaa binnaanaappe issoikka xayenna” yaagiis.

Sameela Maxaafaa Koiruwaa 14:45

SHin asai Saa7oola, “Yonaataani, Israa7eelassi ha gita xoonuwaa ehiidaagee haiqqanee? Hegee mulekka hanenna! De7o Xoossai ero! A huuphiyaappe issi binnaaninne biittan wodhdhenna; aissi giikko, i hachchi hagaa Xoossaa maaduwan oottiis” yaagidosona. Yaatidi asai Yonaataana ashshin, i haiqqennan attiis.

Sameela Maxaafaa Koiruwaa 20:42

Yonaataani Daawita, “Saro ba; 'Ne giddooninne ta giddon, ne zerettaa giddooninne ta zerettaa giddon, GODAI merinaayyo markka de7o' yaagidi nuuni naa77ai GODAA sunttan caaqqida” yaagiis. Hegaappe guyyiyan, Daawiti denddidi biis; Yonaataanikka katamaa guyye simmiis.

Sameela Maxaafaa Koiruwaa 28:10

Yaagin Saa7ooli maccaasiyo, “De7o GODAI ero! Neeni hagaa gishshau qaxxayettakka” yaagidi GODAN caaqqiis.