Sameela Maxaafaa Naa77anttuwaa 12:13 - Wolaytta Bible

¹³ Yaagin Daawiti Naataana, “Taani GODAA bolli nagaraa oottarggaas” yaagiis. Yaagin Naataani, “GODAIKKA ne nagaraa atto girggiis; neeni haiqqakka.

Sameela Maxaafaa Naa77anttuwaa 12:13 Iomraidhean Croise

Doomettaabaa 39:9

Ha son taappe gitatiyai ooninne baawa. Neeni a keettaayyiyo gidiyo gishshau ne xalaalappe attin, ta godai taayyo immibeennabi baawa. Yaatin taani waatada hagaa mala daro iitabaa hanada Xoossaa bolli nagaraa oottoo?” yaagiis.

Sameela Maxaafaa Naa77anttuwaa 24:10

Asaa qoodidoogaappe guyyiyan, Daawita wozanai shabbarettiis; hegaa gishshau, Daawiti GODAA, “Taani ha oosuwan gita nagaraa oottaas. SHin ha77i abeet GODAU, taani nena woossais; ta mooruwaa, ne ashkkaraa mooruwaa qucca. Taani daro eeyyabaa hanaas” yaagiis.

Sameela Maxaafaa Naa77anttuwaa 24:17

Asaa shociya kiitanchchaa Daawiti be7ido wode, GODAA, “Be7a! Nagaraa oottidaagee tana; taani mooraas! Ha dorssati, eti ai oottidonaa? Hayyanaa, tananne ta aawaa so asaa neeni qaxxayana mala taani woossais” yaagiis.

Kawotu Maxaafaa Koiruwaa 13:4

Kawoi Iyorbbaami Xoossaa asi Beeteelen de7iya yarshshiyo sohuwaa bolli waassidoogaa siyido wode, yarshshiyo sohuwaappe ba kushiyaa yeddidi, “He bitaniyaa oiqqite!” yaagiis. SHin i bitaniyaayyo yeddido kushee sohuwaarakka xiiggidi siliis; Hegaa gishshau, ba kushiyaa guyye zaaridi ekkanau danddayibeenna.

Kawotu Maxaafaa Koiruwaa 21:20

Hegaappe guyyiyan Akaabi Eelaasa, “Hai ta morkkiyau, tana demmarggadii?” yaagiis. Yaagin, “Ee, taani nena demmarggaas; aissi giikko, neeni GODAA sinttan iitabaa oottanau, ne huuphiyaa nagaraassi baizzadasa.

Kawotu Maxaafaa Koiruwaa 22:8

Yaagin Israa7eela kawoi Yoosaafixassi zaaridi, “Nuuni a baggaara GODAA oichchanau danddayiyo issi hara bitanee de7ees; i Yimila na7aa Mikaaya. SHin taani a ixxais; aissi giikko, i ubba wodekka tabaa iitabaa yooteesippe attin lo77obaa yooti erenna” yaagiis. Yaagin Yoosaafixi Israa7eela kawuwaa, “Kawoi hegaadan gooppo!” yaagiis.

Kawotu Maxaafaa Naa77anttuwaa 1:9

Hegaappe guyyiyan, kawoi hamssaalaqaa a ishatamu olanchchatuura kiittiis. Kiittin halaqai keraa huuphiyan uttida Eelaasakko pude kiyidi, “Xoossaa asoo, kawoi nena, 'Duge wodhdha' yaagees” yaagiis.

Hanidabaa Odiya Koiro Maxaafaa 21:8

Yaatin Daawiti Xoossaa, “Taani ha oosuwan gita nagaraa oottaas. SHin ha77i nena woossais; ta mooruwaa, ne ashkkaraa mooruwaa qucca. Taani daro eeyyabaa hanaas” yaagiis.

Hanidabaa Odiya Naa77antto Maxaafaa 16:10

Yaagin Asi hananabaa yootiyaagaa bolli daro hanqqettiis; hanqqettidi qasho keettan yeggiis. Qassi Asi he wode asaappe amaridaagaa waissiis.

Hanidabaa Odiya Naa77antto Maxaafaa 25:16

Hananabaa yootiyaagee haasayishin, kawoi, “Neeni kawuwaara zorettanaadan nuuni nena sunttidooyye? Agga! Neeni aibissi haiqqanau koyai?” yaagiis. Yaagin hananabaa yootiyaagee aggi ekkidi, “Neeni hagaa oottido gishshaunne taani nena zoridoogaa siyabeenna gishshau, Xoossai nena xaissanau qachchidoogaa ha77i taani eraas” yaagiis.

Iyyooba Maxaafaa 33:27

He wode asaa sinttan i hagaadan yaagidi yexxana; 'Taani nagaraa oottaas; suurebaakka geellayaas; shin Xoossai ta mooruwaadan taayyo qanxxibeenna.

Mazamure Maxaafaa 103:12

Awai mokkiyoosaappe awai wulliyoosai haakkiyoogaadan, hegaadankka GODAI nu mooruwaa nuuppe haassees.

Mazamure Maxaafaa 51:16

Neeni yarshshuwan ufaittakka. Taani neeyyo xuuggiyo yarshshuwaa yarshshiyaakkokka, neeni ufaittakka.

Mazamure Maxaafaa 51:4

Taani nena, ne xalaalaa naaqqadis; ne aifiyaa sinttan iitabaa oottaas. Hegaa gishshau, haasayaiddakka neeni likke; pirddaiddakka neeni xillo.

Mazamure Maxaafaa 51:6

Hekko neeni wozana giddo tumatettaa amottaasa; hegaa gishshau, ne aadhdhida eratettaa tana tamaarissa.

Kessaabaa 9:27

Kawoi kiittidi Muusanne Aaroona xeesissiis; xeesissidi, “Ha77i simmi, taani nagaraa oottaas; GODAI tumanchcha; taaninne ta asai mooranchcha.

Leemiso Maxaafaa 25:12

Ezggiya uraa eranchcha asi zoriyo zoree haittan wottido worqqaa woikko geeshsha worqqaappe oottido alleequwaa mala.

Leemiso Maxaafaa 28:13

Ba nagaraa genttiya uri aacenna; shin paaxiyaageenne nagaraa aggiyaagee maarettana.

Isiyaasa 38:17

Be7a, taani ha gita tuggaa tuggatidoogee taayyo lo77o gidiis. Neeni ta shemppuwaa bashshaa ollaappe guyye zaarada ashshadasa; neeni ta nagara ubbaa neeppe guyye zaarada oladasa.

Isiyaasa 43:24

Neeni taayyo ixaanaa miishshan shammabaakka; woikko ne mehiyaa yarshshuwaa modhdhuwan tana kalissabaakka. SHin neeni ne nagaran tana waissadasa; ne naaquwankka tana daafurssadasa.

Isiyaasa 44:22

Taani ne mooruwaa shaaraadan, ne nagaraakka ciggaaraadan quccaas. Taani nena wozido gishshau, taakko simma” yaagees.

Ermmaasa Zilaassaa 3:32

issi wode azzanuwaa ehiikkonne, i ba aggenna siiquwaa daruwaadan qarettees.

Wogaabaa 20:10

“'Issi asi ba shooruwaa keettaayeera zin77ikko, he zin77ida bitaneenne mishiriyaa naa77aikka haiqqona.

Wogaabaa 24:17

“'Asa woriya asi haiqqo.

Zakkaariyaasa 3:4

Kiitanchchai ba sinttan eqqidaageeta, “Appe ha qita maayuwaa qaarite” yaagiis. Qassi i Yaasa, “Be7a, taani ne mooruwaa neeppe diggaas; bonchcho maayuwaakka nena maizzana” yaagiis.

Maatiyoosa 14:10

Kawoi kiittidi, Yohaannisa qooriyaa qasho keettan muucissiis.

Luqaasa 15:21

“Na7ai, ‘Ta aawau, taani Xoossaakka nenakka naaqqaas; hagaappe sinttan ne na7a geetettanaukka bessikke’ yaagiis.

Luqaasa 18:13

“SHin giiraa shiishshiyaagee haahuwan eqqidi, harai atto saluwaa xeellanaukka dosibeenna. SHin, ‘Xoossau, taani nagaranchcha; tana maara’ yaagidi, ba tiraa bubbuxiis.

Yesuusi Kiittidoogeetu Oosuwaa 2:37

Asai PHeexiroosi giidoogaa siyido wode, asau wozanai maashin, PHeexiroosanne Yesuusi kiittido harata, “Ishanttoo, yaanin nuuni ai oottanee?” yaagidosona.

Ibraawe 9:26

Hegaa gidiyaakko, Kiristtoosi sa7ai merettoosappe doommidi darotoo waayettanau koshshees; shin ha77i wodiyaa wurssettan nagaraa xaissanau bana yarshshidi, naa77anttennan issitoo beettiis.

Koiro Yohaannisa 1:7

SHin poo7uwan i de7iyoogaadan, nuunikka poo7uwan de7ikko, nuuyyo issuwau issuwaara issippetettai de7ees; qassi a Na7aa, Yesuus Kiristtoosa suuttai nagara ubbaappe nuna ashshees.

Ajjuutaa 1:5

Qassi haiquwaappe koiro denddida Na7aappe, sa7aa kawota haariya ammanettida markkaappe, Yesuus Kiristtoosappe aaro kehatettainne sarotettai intteyyo gido. I nuna siiqeesinne qassi nu nagaraa ailletettaappekka ba suuttan nuna kessiis.

Sameela Maxaafaa Koiruwaa 15:20

Yaagin Saa7ooli, “Taani GODAA qaalau azazettaasittennee! I tana kiittidoogaadan baas; baada Amaaleeqa asata wora wurssaas; eta Kawuwaa Agaaga ehaas.

Sameela Maxaafaa Koiruwaa 15:30

Yaagin Saa7ooli Sameela, “Taani nagaraa oottaas; shin ta biittaa cimatu sinttaaninne Israa7eela asaa sinttan hai tana kaushshopparkkii; taani GODAAYYO, ne Xoossaayyo goinnanaadan, neeni tanaara hinddarkkii” yaagidi zaariis.