Sameela Maxaafaa Naa77anttuwaa 10:18 - Wolaytta Bible

¹⁸ SHin Sooriyaa asati Israa7eelatu sinttappe baqatidosona; Daawiti Sooriyaa olanchchatuppe paraa gaariyaa laaggiya laappun xeetu asatanne oitamu sha7u tohuwaasata woriis; eta ola gadaawaa SHobaakakka shocin, he sohuwan haiqqiis.

Sameela Maxaafaa Naa77anttuwaa 10:18 Iomraidhean Croise

Sameela Maxaafaa Naa77anttuwaa 10:17

Daawiti hegaa siyido wode, Israa7eela olanchchata shiishshidi, Yorddaanoosa SHaafaa pinniis; pinnidi Helaama gakkiis. Sooriyaa asati Daawitaara gaittanau salppidi, aara olettidosona.

Sameela Maxaafaa Naa77anttuwaa 8:4

Daawiti a asaappe issi sha7anne laappun xeetu paraasatanne laatamu sha7u tohuwaasata omooddiis. Daawiti gaareta goochchanau xeetu parata ashshidi, hara paratu ubbau gaadiyaa gilddayiis.

Kawotu Maxaafaa Koiruwaa 11:24

Daawiti Xooba biittaa olanchchata xaissido wode, Razooni baayyo asaa shiishshidi, shittatu halaqa gidiis; shittati Damasqqo biidi, he katamaa oiqqidi, yan uttidi, Razoona kawoyidosona.

Hanidabaa Odiya Koiro Maxaafaa 19:18

Olettin Sooriyaa asati Israa7eelatu sinttaappe baqatidosona; Daawiti Sooriyaa asatuppe paraa gaariyaa laaggiya laappun sha7u asatanne oitamu sha7u tohuwaasata woriis; eta ola gadaawaa SHobaakakka woriis.

Mazamure Maxaafaa 18:38

Taani eta naa77antto denddennaadan shocaas; eti ta tohuwan wullidosona.

Mazamure Maxaafaa 46:11

Ubbaappe Wolqqaama GODAI nunaara de7ees; Yaaqooba Xoossai nuuni qosetti attiyo soho.

Mazamure Maxaafaa 68:2

Cuwai carkkuwan suragettiyoogaadan neeni eta goodda. Eessaa muqaaddai taman seeriyoogaadan, iitati Xoossaa sinttappe xayona.

Daannatu Maxaafaa 4:2

Hegaa gishshau, GODAI Haxoora giyo kataman kawotida Kanaane Kawuwaa Yaabinayyo eta aattidi immiis; a olanchchatu gadaawai Sisaari Dere-Harosheeta giyo kataman de7ees.

Daannatu Maxaafaa 4:22

Baaraaqi Sisaara koyiiddi yin, Yaa7eela a mokkanau kare kiyaasu; kiyada, “Haaya; neeni koyiyo bitaniyaa taani nena bessana” yaagaasu. Yaagin iira dunkkaane giddo gelidi, Sisaara haitta kariyan xishee gelin, a ahai sa7an zin77idaagaa be7iis.

Daannatu Maxaafaa 5:26

Issi kushiyaa yeddada dunkkaaniyaa xishiyaa, ushachcha kushiyan oosanchchatu madooshaa oiqqaasu. Oiqqada Sisaara huuphiyan xishaasu; xishada haitta kariyaara kantta kessaasu.