Kawotu Maxaafaa Naa77anttuwaa 8:8 - Wolaytta Bible

⁸ Odin kawoi Hazaa7eela, “Immiyoobaa oiqqada, Xoossaa asaara gaittanau ba. Baada a baggaara, 'Taani ha harggiyaappe paxanee?' yaagada GODAA oichcha” yaagiis.

Kawotu Maxaafaa Naa77anttuwaa 8:8 Iomraidhean Croise

Kawotu Maxaafaa Koiruwaa 19:15

Yaagin GODAI Eelaasa, “Neeni yiidosaara simmada, Damasqqo bazzuwaa ba. Baada yaa gakkada, Hazaa7eeli Sooriyaa bolli kawotanaadan tiya.

Kawotu Maxaafaa Koiruwaa 19:17

Hazaa7eela bisuwaappe kessi ekkiya ubbaa Yeehu worana; qassi Yeehu bisuwaappe kessi ekkiya ubbaa Elssaa7i worana.

Kawotu Maxaafaa Naa77anttuwaa 1:16

Wodhdhidi i kawuwaayyo, “GODAI nena hagaadan yaagees; 'Neeyyo oichchanau Israa7eelan Xoossi xayiinee, neeni Eqiroona xoossaa Bi7eeli-Zeebula oichchanau asaa kiittidoogee? Neeni hagaa oottido gishshau, haiqqana! Ne zin77ido hiixaappekka denddakka' yaagees” yaagiis.

Kawotu Maxaafaa Naa77anttuwaa 1:2

He wode Kawoi Akaaziyaasi Samaariyaa kataman bolla pooqiyaa baranddaappe kunddidi deshettiis. Hegaa gishshau asata, “Biite; biidi, taani ha deshettaappe paxanaakko, agganaakko, Eqiroona katamaa xoossaa Bi7eeli-Zeebula ane tau oichchite” yaagidi kiittiis.

Kawotu Maxaafaa Naa77anttuwaa 1:6

Oichchin eti ayyo hagaadan yaagidi zaaridosona, “Issi bitanee nunaara gaittanau yiidi, 'Inttena kiittida kawuwaakko simmidi biite. Biidi ayyo hagaadan yaagite; “GODAI nena, 'Eqiroona xoossaa Bi7eeli-Zeebula oishissanau neeni asaa kiittiyoogee, Israa7eelan Xoossi xayiineeyye? Hegaa gishshau, neeni haiqqanaappe attin, ha zin77ido hiixaappe denddakka' yaagees” yaagite' yaagiis” yaagidosona.

Kawotu Maxaafaa Naa77anttuwaa 5:5

Yootin Sooriyaa kawoi Naa7imaana, “Ba, taani Israa7eela kawuwaayyo dabddaabbiyaakka kiittana” yaagidi zaariis. Yaatin Naa7imaani hasttamu sha7u xaqara biraa, usuppun sha7u worqqa santtimiyaanne tammu kumetta maayuwaa ekkidi biis.

Luqaasa 13:23

Aadhdhishin issi bitanee a, “Ta Godau neeni ashshanaageeti amaridaageetee?” yaagiis. Yaagin Yesuusi eta,

Yesuusi Kiittidoogeetu Oosuwaa 16:30

eta kare kessidi, “Ta godaatoo, taani attanau ai oottana bessii?” yaagiis.

Sameela Maxaafaa Koiruwaa 9:7

Saa7ooli ba ashkkaraa, “Nuuni biyaabaa gidikko, ayyo ai immanee? Korjjuwaappe qumai wuriis; nuuni Xoossaa asaayyo immiyoobi baawa. Nuuyyo aibi de7ii?” yaagiis.