Kawotu Maxaafaa Naa77anttuwaa 8:10 - Wolaytta Bible

¹⁰ Yaagin Elssaa7i Hazaa7eelayyo, “Neeni baada ayyo, 'Tuma neeni paxana' yaaga. SHin i tuma haiqqanaagaa tana GODAI bessiis” yaagiis.

Kawotu Maxaafaa Naa77anttuwaa 8:10 Iomraidhean Croise

Doomettaabaa 2:17

shin lo77uwaanne iitaa erissiya mittaa teeraappe mooppa; aissi giikko, neeni appe miido gallassi tumu haiqqana” yaagidi azaziis.

Doomettaabaa 41:39

Hegaappe guyyiyan kawoi Yooseefa, “Xoossai hagaa ubbaa nena erissido gishshau, ne mala aadhdhida erinne cincci ooninne baawa.

Kawotu Maxaafaa Koiruwaa 22:15

Mikaayi kawuwaakko yiido wode, kawoi a, “Mikaayaa, nuuni Gala7aaden de7iya Raamoota katamaa olanau boniiyye boopponii?” yaagidi oichchiis. Oichchin Mikaayi kawuwaa, “Ba; baada ola; oladakka xoona. GODAI he katamaa kawuwaa kushiyan aattidi immana” yaagiis.

Kawotu Maxaafaa Naa77anttuwaa 1:16

Wodhdhidi i kawuwaayyo, “GODAI nena hagaadan yaagees; 'Neeyyo oichchanau Israa7eelan Xoossi xayiinee, neeni Eqiroona xoossaa Bi7eeli-Zeebula oichchanau asaa kiittidoogee? Neeni hagaa oottido gishshau, haiqqana! Ne zin77ido hiixaappekka denddakka' yaagees” yaagiis.

Kawotu Maxaafaa Naa77anttuwaa 1:4

Hegaa gishshau, GODAI hagaadan yaagees; 'Kawuwau, neeni haiqqanaappe attin, ha zin77ido hiixaappe denddakka' yaagees” yaagiis. Yaagin Eelaasi biidi, etayyo odiis.

Ermmaasa 38:21

SHin neeni kushiyaa immennan ixxikko, GODAI tana bessido ajjuutai de7ees.

Hizqqeela 11:25

SHaahettin taanikka GODAI tana bessidobaa ubbaa omooduwan de7iyaageetuyyo yootaas.

Hizqqeela 18:13

i dichchau tal77idi, woriyaa ekkees. Hegaa mala asi paxa de7anee? CHii, i paxa de7enna! I hegaa mala tunabaa oottido gishshau, i tuma haiqqana; a suuttaa acoikka a bollaana gidana.

Amoxa 3:7

Tumaappe Ubbaa Haariya GODAI ba xuuraa hananabaa yootiya ba ashkkaratussi kasetidi qonccissennan de7iiddi, aibanne oottenna.

Amoxa 7:1

Ubbaa Haariya GODAI tana ajjuutaa bessiis. He ajjuutan taani kawuwaa gakkiya kattai cakettidoogaappe guyyiyan, naa77anttuwaa caarida carshshaa bolli i booliyaa wudiyaa medhdhishin be7aas.

Amoxa 7:4

Ubbaa Haariya GODAI tana hara ajjuutaa bessiis. Ubbaa Haariya GODAI ba asaa pirddanau tamaa xeesiis; xeesin he tamai gita ciimma abbaa mirggidi, biittaakka xuugganau doommiis.

Amoxa 7:7

Qassikka i tana hara ajjuutaa bessiis. Taani he ajjuutan be7iyo wode, Godai gimbbiyaa sittatettaa likkiyo tumbbiyaa oiqqidi, tumbbiyan likettidi gimbbettida gimbbiyaa matan eqqiis.

Amoxa 8:1

Ubbaa Haariya GODAI tana hara ajjuutaa bessiis; hegeekka, teerai kumido keeshiyaa.

Zakkaariyaasa 1:20

Hegaappe guyyiyan, GODAI tana birataa qoxxiya oiddu hiillata bessiis.

Ajjuutaa 22:1

Hegaappe guyyiyan, kiitanchchai tana Xoossaa kawotaa araataappenne Dorssaa kawotaa araataappe goggiya birilledan phooliya de7o haattaa shaafaa bessiis.