Kawotu Maxaafaa Naa77anttuwaa 7:10 - Wolaytta Bible

¹⁰ Hegaa gishshau, eti biidi, katamaa penggiyaa naagiyaageeta xeesidi, hagaadan yaagidosona; “Nuuni Sooretu qatuwaa biida; shin issi asi woikko asa cenggurssinne he sohuwan baawa. Qashetti uttida paratu xalaalainne haretinne de7oosona; qassi eti aggidi biido dunkkaanetikka de7oosona” yaagidosona.

Kawotu Maxaafaa Naa77anttuwaa 7:10 Iomraidhean Croise

Sameela Maxaafaa Naa77anttuwaa 18:26

Naagiyaagee hara asikka woxxiyaagaa be7iis; be7idi penggiyaa naagiya bitaniyaa, “Be7a! Hara bitaneekka barkka woxxees” yaagiis. Kawoi, “Ha bitaneekka qassi mishiraachchuwaa ekki yees” yaagiis.

Kawotu Maxaafaa Naa77anttuwaa 7:11

Yaagin penggiyaa naagiyaageeti xeesidi, kawuwaa so asaayyo yootidosona.

Kawotu Maxaafaa Naa77anttuwaa 7:9

Hegaappe guyyiyan, eti issoi issuwaa, “Nuuni lo77obaa oottibookko. Hachchi mishiraachcho gallassa; shin nuuni co77u giida. Sa7ai wonttana gakkanaashin, co77u giidi uttikko, nuuni qaxxayettana. Ane ha77i sohuwaara biidi, kawuwaa so asau yootoos” yaagidosona.

Hanidabaa Odiya Koiro Maxaafaa 15:18

Qassi naa77antto kayan Zakkaariyaasa, Yaa7izi7eela, SHamiraamoota, Yihi7eela, Uunna, Eli7aaba, Banaaya, Ma7iseeya, Matiitiyaa, Elifaala, Miiqineeyanne penggiyaa naagiyaageeta Obeedi-Eedoomanne Yi7i7eela sunttidosona.

Hanidabaa Odiya Koiro Maxaafaa 16:38

I qassi Obeedi-Eedoomanne a dabbota usuppun tammanne hosppunata etaara oottanaadan wottiis; Yidutuuna na7aa Obeedi-Eedoomanne Hoosa penggiyaa naaganaadan wottiis.

Hanidabaa Odiya Naa77antto Maxaafaa 23:19

Higgiyan xaafettidoogaadan tuna asi issoinne gelennaadan Yoodaahee GODAA Beeta Maqidasiyaa penggen naagiyaageeta wottiis.

Mazamure Maxaafaa 127:1

GODAI keettaa keexxana xayikko, keexxiyaageeti coo mela daafuroosona. GODAI katamaa naagana xayikko, naagiyaageeti coo mela naagoosona.