Kawotu Maxaafaa Naa77anttuwaa 23:36 - Wolaytta Bible

³⁶ Yo7aqeemi kawotiyo wode laittai ayyo laatamanne ichchasha; i Yerusalaamen tammanne isiini laitta kawotiis. A aayee sunttai Zabido; a Ruuma kataman de7iya Padaaya na7iyo.

Kawotu Maxaafaa Naa77anttuwaa 23:36 Iomraidhean Croise

Hanidabaa Odiya Koiro Maxaafaa 3:15

Yoosiyaasa na7ai bairai Yohanaana; naa77anttoi Yo7aqeema; heezzanttoi Sedeqiyaasa; oiddanttoi SHaaluuma.

Hanidabaa Odiya Naa77antto Maxaafaa 36:5

Yo7aqeemi kawotiyo wode, laittai ayyo laatamanne ichchasha; i Yerusalaamen tammanne isiini laitta kawotiis. GODAA ba Xoossaa sinttan iitabaa oottiis.

Ermmaasa 1:3

Qassi Yoosiyaasa na7ai, Yihudaa Kawoi Yo7aqeemi kawotido laittatun GODAA qaalai Ermmaasayyo yiis. Qassikka Yoosiyaasa na7ai, Sedeqiyaasi kawotin, tammanne isiini laittaa gakkanaashin, GODAA qaalai daroton ayyo yiis. He laitti ichchashantta aginan Yerusalaame asai omoodettidi biis.

Ermmaasa 22:18

Hegaa gishshau, GODAI Yoosiyaasa na7aa, Yihudaa Kawuwaa Yo7aqeemabaa hagaadan yaagees; “I haiqqiyo wode eti ayyo, 'Aayyee! Aayyee! Ta ishau!' yaagidi yeekkokkona. Qassi, 'Ta godau, aayyee! Ta kawuwau, aayyee!' yaagidi zilaalokkona.

Ermmaasa 22:19

A moogoikka hariyaa mooguwaa mala gidana. A ahai gooshettidi, Yerusalaame penggetuppe ya baggan olettana” yaagees.

Ermmaasa 26:1

Yoosiyaasa na7ai Yihudaa Kawoi Yo7aqeemi koiro kawotido wode, ha qaalai GODAAPPE yiis.

Daaneela 1:1

Yihudaa Kawoi Yo7aqeemi kawotido heezzantto laitti, Baabiloone Kawoi Naabukadanaxoori Yerusalaame katamaa bolli woraajjidi, he katamaa dooddiis.