Kawotu Maxaafaa Naa77anttuwaa 22:13 - Wolaytta Bible

¹³ “Biite; biidi ta gishshaa, ha asaa gishshaanne Yihudaa ubbaa gishshaa, ha beettida maxaafaa qaalaabaa ane GODAA oichchite. Aissi giikko, nuussi xaafettida ubbabaa oottanau, nu maizza aawati ha maxaafaa qaalaayyo azazettibeenna gishshau, nu bolli suullida GODAA hanqqoi keehippe daro” yaagiis.

Kawotu Maxaafaa Naa77anttuwaa 22:13 Iomraidhean Croise

Kawotu Maxaafaa Naa77anttuwaa 23:26

Gidikkonne Minaasee GODAA hanqqetissanau oottido iita ooso ubbaa gishshau, GODAI Yihudaa bolli hanqqettido ba hanqquwaa teegaappe simmibeenna.

Kawotu Maxaafaa Naa77anttuwaa 3:11

SHin Yoosaafixi, “Nuuni a baggaara GODAA oichchanaadan hagan hananabaa yootiyaabi baawee?” yaagidi oichchiis. Oichchin Israa7eela kawuwaa ola gadaawatuppe issoi, “Eelaasa maaddidi de7ida SHafaaxa na7ai Elssaa7i hagan de7ees” yaagidi zaariis.

Hanidabaa Odiya Naa77antto Maxaafaa 29:6

Aissi giikko, kase nu aawati ammanettibookkona; GODAA nu Xoossaa sinttan iitabaa oottidosona. Eti GODAA aggidi, GODAI de7iyoosaappe bantta som77uwaa wora zaaridi, bantta zokkuwaa akko zaaridosona.

Hanidabaa Odiya Naa77antto Maxaafaa 34:21

“Biite; biidi ta gishshaanne Israa7eelaaninne Yihudan attidaageetu gishshaa, ha beettida maxaafaa qaalaabaa ane GODAA oichchite. Aissi giikko, ha maxaafan xaafettida ubbabaa oottanau, nu maizza aawati GODAA qaalaa naagibeenna gishshau, nu bolli tigettida GODAA hanqqoi keehippe daro” yaagiis.

Nahimiyaa Maxaafaa 9:3

Hegan eti eqqidaashin, heezzu saate gidiyaagaa keenaa GODAA eta Xoossaa Higgiyaa Maxaafai etayyo nabbabettiis. Qassi hara heezzu saate gidiyaagaa bantta nagaraa paaxiiddinne GODAASSI, bantta Xoossaassi, goinniiddi gam77idosona.

Mazamure Maxaafaa 106:6

Nuuni nu aawatudan nagaraa oottida; moorobaanne iitabaa oottida.

Mazamure Maxaafaa 25:14

GODAI baayyo yayyiyaageetau ba xuuraa shaakkiyaagaa; i etau ba maachchaakka minttees.

Mazamure Maxaafaa 76:7

SHin abeet Xoossau, neeni yashshaasa! Ne hanqqoi suullido wode, ne sinttan oonee eqqanai?

Mazamure Maxaafaa 76:8

Neeni pirddaa saluwaappe sissadasa. Neeni sa7an qohettidaageeta ashshanau pirddaayyo denddido wode, sa7an de7iya asai yayyidi, co77u giis.

Kessaabaa 20:5

Etayyo hokkoppa woikko etayyo goinnoppa. Aissi giikko, taani, GODAI ne Xoossai qanaatiya Xoossaa; tana ixxiyaageeta aawatu nagaraa gishshau, naata heezzantto yeletaanne oiddantto yeletaa gakkanaassi qaxxayiyaagaa.

Leemiso Maxaafaa 3:6

Neeni oottiyo ooso ubban a sinttaya; i nena likke ogiyaa kaalettana.

Isiyaasa 5:25

Hegaa gishshau, GODAA hanqqoi a asaa bolli eexxi kiyees; i ba kushiyaa eta bolli denttidi, eta diippees. Dereti qaaxxoosona; haiqqida asaa ahai ogiyan buura mala gidees; yaaninkka a hanqqoi simmenna; a kushee ha77ikka denddidosan de7ees.

Ermmaasa 16:12

intte kase intte aawatuppekka aadhdhi iitido gishshaassa. Be7ite, intte huuphiyan huuphiyan intte iita wozanaa muumetettaa kaallideta; taayyo azazettennan ixxideta.

Ermmaasa 36:7

Ha asaa bolli GODAI awaajjido hanqqoinne yiilloi hanttaara gidiyo gishshau, ooni erii, eti bantta iita oosuwaappe simmidi, GODAA woossanaakkonne” yaagiis.

Ermmaasa 37:17

Hegaappe guyyiyan, Kawoi Sedeqiyaasi asa kiittidi, Ermmaasa ba de7iyoosaa kawo keettaa xeesissiis; xeesissidi asi erennan a, “GODAI neeyyo yootidobi aibakko de7ii?” yaagidi oichchiis. Ermmaasi zaaridi, “Ee de7ees; neeni Baabiloone kawuwaa kushiyan aadhdhada imettana” yaagiis.

Ermmaasa 44:17

Nuuni oottana giidobaa ubbaa oottana. Nuuni, nu maizza aawati, nu kawotinne nu halaqati Yihudaa katamatuuninne Yerusalaame ogetun kase oottidoogaadan, Saluwaa Kawiyo geetettiya nu xoosseessi ixaanaa cuwayana; ushshaa yarshshuwaakka iyyo gussana. Aissi giikko, nuuni kase hegaa oottiyo wode, nuuyyo daro qumai de7ees; he wode nuuyyo sa7ai keha; nuna aibinne metibeenna.

Ermmaasa Zilaassaa 5:7

Nagaraa oottidaageeti nu maizza aawata; shin eti ha77i de7okkona. Eti ekkanau bessiya qixaatiyaa ekkiyaageeti nuna.

Daaneela 9:10

Nuuni GODAASSI, nu Xoossaassi, azazettibookko; qassi hananabaa yootiya ba ashkkaratu baggaara i immido a higgiyaa naagibookko.

Wogaabaa 26:14

“SHin intte taani giyoobaa siyennan ixxikkonne, ha azazota ubbaakka oottennan ixxikko,

Amoxa 3:7

Tumaappe Ubbaa Haariya GODAI ba xuuraa hananabaa yootiya ba ashkkaratussi kasetidi qonccissennan de7iiddi, aibanne oottenna.

Naahooma 1:6

A hanqquwaa sinttan eqqanai oonee? A hanqquwaa suuluwaakka danddayanai oonee? A hanqqoi tamaadan bukkiyo wode, zaallati za77idi phalqqettoosona.

Roome 3:20

Xoossaa sinttan ooninne higge azaziyoobaa oottiyoogan xillenna; higgee issi asi nagara oottidoogaa eranaadan oottees.

Roome 4:15

higgee Xoossaa boshaa ehees; shin higgee bainnasan higgiyaa menttiyoobi baawa.

Roome 7:9

Kase higgee bainna wode taani paxa; shin azazoi yiido wode nagarai paxin,

Zaarettido Wogaa 27:26

“'Ha higgiyaa qaalata polidi minttenna asi qanggettidaagaa gido' yaagin, asai ubbai, 'Amin77i!' yaago.

Ajjuutaa 6:17

Aissi giikko, eta gita hanqquwaa gallassai gakkiichchiis; he hanqquwaa danddayanai oonee?” yaagidosona.