Kawotu Maxaafaa Naa77anttuwaa 20:5 - Wolaytta Bible

⁵ Yiidi, “Guyye simmada ba; baada ta asaa kaalettiya Hizqqiyaasayyo hagaadan yaagada oda; 'GODAI, ne maizza aawaa Daawita Xoossai hagaadan yaagees; “Taani ne woosaa siyaas; ne afuttaakka be7aas. Taani nena pattana; heezzu gallassaappe guyyiyan, neeni pude GODAA Beeta Maqidasiyaa baana.

Kawotu Maxaafaa Naa77anttuwaa 20:5 Iomraidhean Croise

Sameela Maxaafaa Naa77anttuwaa 5:2

Kase Saa7ooli nuuyyo kawo gididi de7iyo wodekka, Israa7eela asaa olau kaalettidai nena. GODAI nena, 'Neeni ta asaa Israa7eela heemmana; neeni eta bolli kawotana' yaagi wottiis” yaagidosona.

Kawotu Maxaafaa Koiruwaa 9:3

Qonccidi GODAI a hagaadan yaagiis; “Neeni ta sinttan woossido woosaanne watiwatido watiwatuwaa taani siyaas. Neeni keexxido Beeta Maqidasee merinau ta sunttai an xeesettana mala oottada taani geeshshaas; ta aifeenne ta wozanai ubba wode ha Beeta Maqidasiyan de7ana.

Kawotu Maxaafaa Naa77anttuwaa 19:20

Hegaappe guyyiyan, Amoxa na7ai Isiyaasi Hizqqiyaasassi hagaadan yaagidi kiittiis; “GODAI Israa7eela Xoossai hagaadan yaagees; 'Neeni Asoore Kawuwaa Sanaakireeba gaasuwan tana woossido woosaa siyaas' yaagees.

Kawotu Maxaafaa Naa77anttuwaa 20:4

Isiyaasi kawuwaa sinttappe kiyiis; kiyidi kawo keettaa dabaabaappe kanttidi biichchennan de7ishin, GODAA qaalai hagaadan yaagiiddi, akko yiis.

Kawotu Maxaafaa Naa77anttuwaa 22:19

“Taani ha sohuwaa bollinne ha sohuwan de7iya asaa bolli, 'Taani inttena xaissananne baisa kessana' gaada haasayidoogaa neeni siyido wode, ne wozanai shuggin, ta sinttan ne huuphiyaa kaushshido gishshaunne ne maayuwaa pooshshada, ta sinttan yeekkido gishshau, taani ne woosaa siyaas.

Hanidabaa Odiya Naa77antto Maxaafaa 13:12

Be7ite, Xoossai nunaara de7ees; i nuna kaalettiyaagaa. Olaa xurumbbaa punniya a qeesetikka nunaara de7oosona; nuuni inttenaara olaa doommanau xurumbbaakka eti punnana. Israa7eela asau, GODAARA intte aawatu Xoossaara olettoppite! Aissi giikko, intte a xoonanau danddayekketa” yaagiis.

Hanidabaa Odiya Naa77antto Maxaafaa 34:3

I kawotido hosppuntta laittan biron yelaga de7iiddi, ba maizza aawaa Daawita Xoossaayyo goinnanau doommiis; qassikka i kawotido tammanne naa77antto laittan Yihudaaninne Yerusalaamen de7iya goinniyo xoqqa sohotanne Asheero giyo xoossee misiletanne massi giigissidonne seerissi medhdhido misileta xaissiyoogaa doommiis.

Mazamure Maxaafaa 107:20

I ba qaalaa kiittidi, eta pattiis; duufuwan geliyoosaappe ashshiis.

Mazamure Maxaafaa 119:26

Taani ta ogiyaabaa neessi yootin, neeni taayyo siyadasa; simmi ne awaajjuwaa tana tamaarissa.

Mazamure Maxaafaa 126:5

Yeekkiiddi zeridaageeti, ufaissau yexxiiddi cakkona.

Mazamure Maxaafaa 147:3

Wozanai meqqidoogeeta i pattees; eta mazunttaakka i qachchees.

Mazamure Maxaafaa 34:18

GODAI wozanai me77idoogeetussi mataana; qassi bantta ayyaanan liiqidaageeta ashshees.

Mazamure Maxaafaa 39:12

“Abeet GODAU, ta woosaa siya; tana maaddanau ta waasuwaa ezgga. Ta afuttaa co77u gooppa; aissi giikko, taani ta aawatu ubbaadan betenne imatta gidada, nenaara de7ais.

Mazamure Maxaafaa 56:8

Neeni ta metoi woisaakko qoodadasa. Taani woisu afuttaa tigidaakko, neeni eraasa. Eti ne mazggafan de7okkonaa?

Mazamure Maxaafaa 56:9

Taani nena xeesiyo wode, ta morkketi guyye simmana. Xoossai ta bagga gidiyoogaa taani erais.

Mazamure Maxaafaa 6:10

Ta morkke ubbati yeellatonanne tuggatona. Eti issi kuttan yeellatidi, guyye simmona.

Mazamure Maxaafaa 65:2

Abeet woosaa siyiyaagoo, asai ubbai neekko yaana.

Mazamure Maxaafaa 65:3

Nu nagarai nuna muukkido wode, neeni nu mooruwaa atto gaadasa.

Kessaabaa 15:26

I eta hagaadan yaagiis; “GODAI intte Xoossai odiyoobaa minttidi siyikkonne a aifiyaa sinttan likkebaa oottikko, intte a azazuwaa ezggikkonne a awaajuwaa ubbaa naagikko, taani Gibxxetu bolli ehiido harggiyaappe issuwaanne intte bolli ehiikke; aissi giikko, taani inttena pattiya GODAATTENNE” yaagiis.

Kessaabaa 3:7

GODAI qassikka hagaadan yaagiis; “Taani Gibxxe biittan ta asai tuggatiyo tuggaa geeshsha be7ada, eti bantta kaabbotuppe waassiyo waasuwaa siyada, taani eta waayiyaa qoppaas.

Kessaabaa 3:9

Ha77i Israa7eelatu waasoi tana gakkiis; Gibxxe biittaa asati eta naaqqiyo naaquwaanne taani be7aas;

Isiyaasa 19:22

GODAI Gibxxe shocana; shocananne pattana. Etikka GODAAKKO simmana; ikka eta watiwatuwaa siyidi, eta pattana.

Isiyaasa 38:22

Yaagin Hizqqiyaasikka, “Taani paxada GODAA Beeta Maqidasiyaa pude kiyanaagau malaatai aibee” yaagidi Isiyaasa oichchi wottiis.

Isiyaasa 38:5

Yiidi, “Ba; baada Hizqqiyaasa, 'GODAI ne maizza aawaa Daawita Xoossai hagaadan yaagees; “Taani ne woosaa siyaas; ne afuttaakka be7aas. Ne laittaa bolli taani neeyyo tammanne ichchashu laittaa gujjana.

Isiyaasa 55:3

“Ta asau, siyite; taakko haa yiite. SHemppoora paxa de7ana giikko, taani yootiyoogaa siyite. Taani inttenaara merinaa maachchaa maacettana. Taani anjjana gaada Daawita anjjidoogaadan, inttenakka anjjana.

Luqaasa 1:13

kiitanchchai Zakkaariyaasa hagaadan yaagiis; “Yayyoppa; ne woosai siyettiis. Ne machchiyaa Elssaabeexa neessi attuma na7a yelana; neeni he na7aa Yohaannisa yaagada sunttana.

Luqaasa 18:10

“Naa77u asati Xoossaa woossanau Beeta Maqidasiyaa kiyidosona; etappe issoi Parisaawe, issoi giiraa shiishshiyaagaa.

Yohaannisa 5:14

Yesuusi guyyeppe he bitaniyaa Beeta Maqidasiyan demmidi, “Be7a, neeni paxadasa; hagaappe iitabai nena gakkenna mala, naa77antto nagara oottoppa” yaagiis.

Zaarettido Wogaa 32:39

“'GODAI tanattenne. Ta xallai Xoossaa. Taappe attin, hara xoossi baawa. Woriyaagee, de7uwaakka immiyaagee tana; taani masunxxissada, taani pattana; ta kushiyaappe ooninne ashshenna.

Ibraawe 2:10

Xoossai ubbabaa medhdhiyaagee, ubbabaakka naagiyaagee, Yesuusi daro naata ehiidi, banaara bonchchissana mala, waayiyaa baggaara Yesuusa bali bainnaagaa oottanau bessees; aissi giikko, he naata atotettaayyo kaalettiyaagee Yesuusa.

Ajjuutaa 7:17

Aissi giikko, kawotaa araataayyo gidduwan uttida Dorssai eta heemmana. De7o haattaa pulttuwaakkokka eta kaalettana. Xoossaikka eta aifiyaappe afutta ubbaa quccirggana” yaagiis.

Sameela Maxaafaa Koiruwaa 10:1

He wode Sameeli tigiyoobaara zaitiyaa ekkidi, Saa7oola huuphiyan tigiis; tigidi Saa7oola yeridi, hagaadan yaagiis; “Ba asaa Israa7eela haarana mala GODAI nena tiyiis gidennee? Neeni a asaa kaalettada, eta yuushuwan de7iya morkketu kushiyaappe eta ashshana. A asaa neeni haarana mala, GODAI nena tiyidoogau malaatai hagaa.

Sameela Maxaafaa Koiruwaa 9:16

“Wontto hannoode Biniyaama biittaappe issi bitaniyaa taani neekko yeddana; i ta asaa Israa7eela kaalettana mala a tiya; ta asaa Pilisxxeema asatu kushiyaappe i ashshana; aissi giikko, ta asaa waasoi taakko gakkin, taani eta xeellaas” yaagiis.