Kawotu Maxaafaa Naa77anttuwaa 20:3 - Wolaytta Bible

³ Woossiiddi, “Abeet GODAU, taani ne sinttan tumatettaaninne kumetta wozanan hemettidoogaanne qassi nena ufaissiyaabaa oottidoogaa taayyo neeni hassayana mala, taani nena woossais” yaagidi woossiis. Woossiiddi Hizqqiyaasi keehi mishettidi yeekkiis.

Kawotu Maxaafaa Naa77anttuwaa 20:3 Iomraidhean Croise

Doomettaabaa 17:1

Abraama laittai uddufun tammanne uddufunaa gidiyo wode, GODAI ayyo qonccidi a, “Taani Ubbaa Danddayiya Xoossaa; neeni ta sinttan hemetta; suure gida.

Doomettaabaa 5:22

Maatusaala yelidoogaappe guyyiyan, Heenooki 300 laittaa Xoossaara hemettiiddi de7iis; hara attuma naatanne macca naata yeliis.

Doomettaabaa 5:24

i Xoossaara hemettiiddi xayi bayiis; aissi giikko, Xoossai a ekki efiis.

Doomettaabaa 8:1

SHin Xoossai Noha, aara markkabiyaa giddon de7iya do7a ubbaanne mehe ubbaa qoppiis; qoppidi sa7aa bollan carkkuwaa carkkissiis; carkkissin he haattai wodhdhi wodhdhi biis.

Kawotu Maxaafaa Koiruwaa 11:4

Solomoni cimi cimidi biishin, a maccaasati a wozanaa hara xoossatukko zaaridosona; yaatin, a aawaa Daawiti kumetta wozanaappe siiqidoogaadan, GODAA ba Xoossaa i siiqibeenna.

Kawotu Maxaafaa Koiruwaa 15:14

Asi goinniyo xoqqa sohota xaissennan aggikkonne, i ba de7ido laitta ubban Xoossaassi wozanappe ammanettiya asa gididi de7iis.

Kawotu Maxaafaa Koiruwaa 2:4

Qassi GODAI tana, 'Ne zerettati bantta de7uwan naagettidi de7ikko, eti ta sinttan bantta kumetta wozanaappenne bantta kumetta shemppuwaappe ammanettidi hemettikko, Israa7eela kawotaa araatan uttiya asi neeyyo mulekka xayenna' yaagido ufaissaa qaalaa taayyo polana.

Kawotu Maxaafaa Koiruwaa 3:6

Yaagin Solomoni, “Ne ashkkarai ta aawai Daawiti neeyyo ammanettiya xillonne suure asa gidiyo gishshau, neeni aggenna siiquwan a siiqadasa. Neeni ha gita siiquwaa aggennan siiqaidda, hachchi ha gallassi a kawotaa araatan uttiya attuma na7aa ayyo immadasa.

Kawotu Maxaafaa Koiruwaa 8:23

Miccidi hagaadan yaagidi woossiis; “Abeet GODAU, Israa7eela Xoossau, bolla saluwan woikko garssa sa7an ne mala xoossi baawa. Neeni ne maachchaa naagaasa; ba kumetta wozanaappe ne sinttan hemettida ne ashkkarata aggenna siiquwan siiqaasa.

Kawotu Maxaafaa Koiruwaa 8:61

Hachchiigaadankka intte a wogaadan hemettanaunne ayyo azazettanau GODAAYYO, nu Xoossaayyo, intte wozanai ammanettiyaagaa gido” yaagidi anjjiis.

Kawotu Maxaafaa Koiruwaa 9:4

“Nena gidikko, neeni ne aawai Daawiti hemettidoogaadan boree bainnan suuretettan ta sinttan hemettikko, taani azazidobaa ubbaa oottikkonne ta wogaanne ta higgiyaa naagikko,

Kawotu Maxaafaa Naa77anttuwaa 20:2

Yaagin Hizqqiyaasi godaakko simmi zin77idi, GODAA woossiis.

Kawotu Maxaafaa Naa77anttuwaa 20:4

Isiyaasi kawuwaa sinttappe kiyiis; kiyidi kawo keettaa dabaabaappe kanttidi biichchennan de7ishin, GODAA qaalai hagaadan yaagiiddi, akko yiis.

Hanidabaa Odiya Naa77antto Maxaafaa 16:9

Aissi giikko, ba kumetta wozanaappe GODAN ammanettiya asa minttettanau GODAA aifee sa7aa bollan ubbasaa xeellees. Neeni ha yohuwan eeyyadasa; hegaa gishshau, hachchippe doommin, neeppe oli shaahettenna” yaagiis.

Nahimiyaa Maxaafaa 13:14

“Ta Xoossau tana qoppa; qassi ne Beeta Maqidasiyaa oosoi giigana mala, taani oottido lo77o oosuwaakka dogoppa” yaagada taani woossaas.

Nahimiyaa Maxaafaa 13:22

Leewati bantta huuphiyaa geeshshanaadaaninne Sambbata gallassaikka geeshsha gidana mala, gimbbiyaa penggeta naaganaadan taani azazaas. “Ta Xoossau, ha ubbabaa gishshau, neeni tana qoppa; qassi ne aggenna siiquwaa gishshau, neeni taayyo qaretta” yaagada taani woossaas.

Nahimiyaa Maxaafaa 13:31

Qassi yarshshuwaa xuuggiyo mittaikka wodiyan wodiyan yaana malanne asaikka bau aifidabaappe koiro aifiyaa imota oottidi ehaana mala, wogaa wottaas. “Ta Xoossau, ne lo77otettan tana qoppa” yaagada taani woossaas.

Nahimiyaa Maxaafaa 5:19

“Ta Xoossau, taani ha asaassi oottido lo77otettaa ubbaa qoppada, taassikka lo77otettaa ootta” yaagada taani woossaas.

Iyyooba Maxaafaa 1:1

Uuxa giyo biittan Iyyooba giyo issi bitanee de7ees; i boree bainnanne suure asa; Xoossaassi yayyidi, iitabaappekka haakkida asa.

Iyyooba Maxaafaa 1:8

Yaagin GODAI Seexaanaa, “Yaatin, ta ashkkaraa Iyyooba akeekada be7adii? Sa7aa bollan a milatiya boree bainnanne suure asi mulekka baawa. I GODAASSI yayyiya, iitabaappekka haakkida asa” yaagiis.

Iyyooba Maxaafaa 16:20

Ta laggeti tana karidi xeelloosona; ta aifee Xoossaa sinttan afuttaa tigees.

Iyyooba Maxaafaa 4:6

Neeni Xoossaassi yayyiyoogee nena ammanttidi wottennee? Ne hemettiyo suure hemetai neeyyo hidoota gidennee?

Mazamure Maxaafaa 102:9

Ne hanqquwaanne ne yiilluwaa gishshau, taani bidinttaa qumadan mais; qassi ta afuttaa ta ushshaara walakkais. Neeni tana pude denttada, wora oladasa.

Mazamure Maxaafaa 119:26

Taani ta ogiyaabaa neessi yootin, neeni taayyo siyadasa; simmi ne awaajjuwaa tana tamaarissa.

Mazamure Maxaafaa 119:49

Neeni taassi, ne ashkkaraassi, immido qaalaa qoppa; he qaalan taani ufaissaa oottais.

Mazamure Maxaafaa 145:18

GODAI bana xeesiya ubbau, tuman bana xeesiya ubbau matan de7ees.

Mazamure Maxaafaa 25:7

Ta yelagatettaa nagaraanne mooruwaa hassayoppa. Abeet GODAU, neeni keha gidiyo gishshau, aggenna ne siiquwaadan tana hassaya.

Mazamure Maxaafaa 26:1

Abeet GODAU, taani suuretettan hemettido gishshaunne siree bainnan nena ammanettido gishshau, taayyo pirdda.

Mazamure Maxaafaa 26:3

Aissi giikko, aggenna ne siiqoi ta sinttan de7ees; taani ne tumatettaa ogiyan hemettais.

Mazamure Maxaafaa 32:2

GODAI a iitatettaa qoodenna asinne a qofan baletoi bainna asi anjjettidaagaa.

Mazamure Maxaafaa 39:13

Taani shaahettanaappenne xayanaappe kasetada ufaittana mala, hai tana agga” yaagaas.

Mazamure Maxaafaa 6:6

Taani ooliyan daafuraas; qamma ubban taani yeekkaidda, ta hiixaa irxxissaas; ta borkkotaakka ta afuttan musissaas.

Mazamure Maxaafaa 6:7

Ta morkketu ubbaa gaasuwan taani afuxxido gishshau, ta aifee galjjiis; ta aifee demmennan ixxiis.

Mazamure Maxaafaa 89:47

Ta laittai ai keena qanttakko qoppa; asaa ubbaa coo hada medhdhadii!

Mazamure Maxaafaa 89:50

Abeet Godau, ne ashkkarai woqqaa borettidaakkonne neeni hassaya. Taani asaa ubbaa boriyaa waata danddayidaakko qoppa.

Isiyaasa 38:14

Taani cirashuwaadaaninne haatta kafuwaadan waassaas; haraphphedankka zuuzummaas. Ta aifeti saluwaa pude xeelliiddi xeelliiddi daafuridosona. Abeet Godau, taani un77ettaas; neeni tana ha un77uwaappe kessa!” yaagaas.

Isiyaasa 63:11

Hegaappe guyyiyan asai benibaa, i ba ashkkaraa Muuse wode oottidobaa hassayidi, hagaadan yaagiis; “Ba wudiyaa henttanchchatuurakka ubbaa abbaa giddoora kanttissidi kessidaagee awan de7ii? Qassi he wode ba Geeshsha Ayyaanaa eta giddon wottidaagee ha77i awan de7ii?

Ermmaasa 4:2

intte tuman, suuretettaaninne xillotettan, 'GODAI ero!' giidi caaqqikko, he wode kawotettati an anjjettananne an ceeqqana” yaagees.

Amoxa 5:4

GODAI Israa7eela asaassi hagaadan yaagees; “Tana koyite; yaatikko, intte de7uwan de7ana.

Luqaasa 1:6

Eti naa77aikka Xoossaassi xillo gididi, Godaa higgiyaanne azazuwaa ubbaa moorennan, naagidi polidosona.

Yohaannisa 1:47

Naatinaa7eeli baakko yiyaagaa Yesuusi be7idi, “Genee bainna tumu Israa7eela asi hagaa!” yaagiis.

Naa77antto Qoronttoosa 1:12

Nuuni ceeqettiyoogee hagaa; ha sa7an nuuni de7iyo de7oi, ubba qassi inttenaara nuuyyo de7iya issippetettai Xoossaa aaro kehatettaanappe attin, asa aadhdhida eratettaana gidennaagaa, qassi Xoossai immido geeshshatettaaninne suuretettan nuuni de7iyoogaa nuna zoriya wozanai nuuyyo markkattees.

Ibraawe 5:7

Yesuusi sa7an de7iyo wode, bana haiquwaappe ashshanau danddayiya Xoossaa keehi yeekkidinne afuxxidi woossiisinne oichchiis; Xoossai a woosaa siyidoogee, i bana toochchidoogaassanne bau yayyidoogaassa.