Kawotu Maxaafaa Naa77anttuwaa 19:3 - Wolaytta Bible

³ Kiittin eti Isiyaasakko biidi, “Hizqqiyaasi hagaadan yaagees; 'Hachchi gallassai meto gallassa, seera gallassanne yeella gallassa. Hegeekka na7i yelettanau wodee gakkin, bannakkada yelanau maccaaseessi wolqqi xayiyoogaa mala.

Kawotu Maxaafaa Naa77anttuwaa 19:3 Iomraidhean Croise

Kawotu Maxaafaa Naa77anttuwaa 18:29

Kawoi inttena hagaadan yaagees; 'Hizqqiyaasi inttena cimmoppo; aissi giikko, i inttena ta kushiyaappe wotti ekkanau danddayenna.

Kawotu Maxaafaa Naa77anttuwaa 19:2

Kawo keettan aawatiya Eliyaaqiimi, waanna xaafee SHeebininne cima qeeseti waaruwaa maayidi, Amoxa na7aa hananabaa yootiya Isiyaasakko baana mala kiittiis.

Kawotu Maxaafaa Naa77anttuwaa 19:4

De7o Xoossaa cayanaadan, a godai, Asoore kawoi, kiittido gadaawaa qaalaa ubbaa GODAI, ne Xoossai siyennan aggenna. Qassi GODAI, ne Xoossai he siyido qaalaa daafan a qaxxayennan aggenna. Hegaa gishshau, nu asaa giddon palahi attanaageetussi woossa!' yaagees” yaagidosona.

Mazamure Maxaafaa 39:11

Neeni asa a nagaraa gishshau, seeraasanne qaxxayaasa; a al77obaakka bil77aadan wurssaasa. Tumaappe asi ubbi issiton shemppiyo carkko mala.

Mazamure Maxaafaa 95:8

“Kase intte maizza aawati Mariiba giyo sohuwan hanidoogaadan, he gallassi Maasa Bazzuwan ixxidoogaadan, inttekka zore ekkennan ixxoppite.

Isiyaasa 66:9

Yelana wodiyaa gattiya taani eti yelanaadan oottikkinaayye? Qassi yelanaadan oottiya taani yeliyo uluwaa gorddiyaanaayye? Hagaa giyaagee tana, GODAA ne Xoossaa.

Hoose7a 13:13

Maareti oiqqido maccaasiyaa tuggatiyoogaa mala tuggai a bolli yaana. SHin i eri bainna na7a; aissi giikko, i yelettiyo wodee gakkin, ba aayee uluwaappe wodhdhennan ixxiya na7a mala.

Hoose7a 5:15

Eti bantta mooruwaa akeekana gakkanaashiininne tana koyana gakkanaashin, taani guyye ta sohuwaa simmashshana. Eti bantta tuggau tana minttidi koyana” yaagees.