Kawotu Maxaafaa Naa77anttuwaa 19:12 - Wolaytta Bible

¹² Beni ta maizza aawati bashshido biittatu xoossati, hegeetinne Gozaana, Kaaraanenne Rexeefa biittatu xoossatinne Talassaaran de7iya Edene asaa xoossati he biittata bashshaappe ashshidonaa?

Kawotu Maxaafaa Naa77anttuwaa 19:12 Iomraidhean Croise

Doomettaabaa 11:31

Taari ba na7aa Abraama, ba na7aa Haaraana na7aa Looxanne, ba na7aa Abraama keettaayyiyo Saarayo ekkidi kiyin, eti issippe Kanaane biitti baanau Uuri giyo Kaladaawetu katamaappe denddidosona; shin eti Kaaraane giyo katamaa gakkanaashin biidi, yan utti bayidosona.

Doomettaabaa 11:32

Taari naa77u xeetanne ichchashu laittaa de7idi, Kaaraanen haiqqiis.

Doomettaabaa 2:8

GODAI Xoossai awai mokkiyoosaa baggaara Edene giyoosan gannatiyaa kase tokkiis; yan ba medhdhido bitaniyaa wottiis.

Doomettaabaa 29:4

Yaaqoobi eta, “Ta ishatoo, intte auppe yiidetii?” yaagidi oichchiis. Oichchin, “Nuuni Kaaraaneppe yiida” yaagidosona.

Kawotu Maxaafaa Naa77anttuwaa 17:6

Hoshee7i kawotido uddufuntta laittan Asoore kawoi Samaariyaa katamaa omooddiis. Omooddidi Israa7eela asaa ekkidi, Asoore biitti efiis. Efiidi eta attaa Halaaha kataman, attaa Meedoonatu katamatun, haraata qassi Gozaana biittan de7iya Haboora SHaafaa matan wottiis.

Kawotu Maxaafaa Naa77anttuwaa 19:11

Be7a, Asoore kawoti biittata ubbaa muleera xaissidi, eti oottidobaa neeni siyadasa. Yaatin neeni attuutee?

Hanidabaa Odiya Koiro Maxaafaa 5:26

Hegaa gishshau, Israa7eela Xoossai Tigilaati-Paleseera woikko Puula giyo Asoore kawuwaa ayyaanaa denttettiis. Yaatidi Roobeela zareta, Gaada zaretanne Minaase zaretuppe baggata omooddidi, Halaaha, Habooranne Haara biittatanne Gozaana SHaafaa efiis. Eti hachchi gakkanaashin yan de7oosona.

Isiyaasa 37:12

Beni ta maizza aawati bashshido biittatu xoossati, hegeetinne Gozaana, Kaaraanenne Rexeefa biittatu xoossatinne Talassaaran de7iya Edene asaa xoossati he biittata bashshaappe ashshidonaa?

Hizqqeela 27:23

Kaaraane, Kaneeha, Edene, Asoorenne Kilimmaada geetettiya katamati ubbai nenaara zal77idosona.

Yesuusi Kiittidoogeetu Oosuwaa 7:4

He wode Abrahaami Kaladaawetu biittaappe kiyidi, Kaaraanen de7anau biis. A aawai haiqqidoogaappe guyyiyan, Xoossai a ha biittaa intte ha77i de7iyoosaa ehiis.