Kawotu Maxaafaa Naa77anttuwaa 18:17 - Wolaytta Bible

¹⁷ Hegaappe guyyiyan, Asoore kawoi heezzu ola gadaawata cora olanchchatuura Laakisha giyo katamaappe Kawuwaa Hizqqiyaasakko Yerusalaame yeddiis. Yeddin eti biidi, Yerusalaame gakkidosona; gakkidi Maayuwaa Meecciyaagaa gade efiya ogiyaappe qommo baggaara de7iya, dagattida haattai goggiyo zaraa lanqqen eqqidosona.

Kawotu Maxaafaa Naa77anttuwaa 18:17 Iomraidhean Croise

Kawotu Maxaafaa Naa77anttuwaa 14:19

Amesiyaasa woranau asai Yerusalaamen maqettiis; yaatin i Laakisha giyo katamaa baqatiis. SHin eti a geeduwaa Laakisha katamaa asa kiittin, a yan woridosona.

Kawotu Maxaafaa Naa77anttuwaa 18:16

He wode Yihudaa Kawoi Hizqqiyaasi GODAA Beeta Maqidasiyaa penggiyaa sanqqata maayi uttida worqqaanne qassi i ba huuphen he pengge qosilettata maizzi wottido worqqaa poqqi qaaridi, Asoore kawuwaayyo yeddiis.

Kawotu Maxaafaa Naa77anttuwaa 19:23

Neeni kiittido asatu baggaara GODAA cayadasa. Qassi hagaadan yaagadasa; “Taani taayyo de7iya cora paraa gaaretun xoqqa deretu huuphiyaa, Liibaanoosa Deriyaa kiikiyaa kiyaas. Kiyada ubbaappe aduqqiya zigatanne ubbaappe lo77iya xiiddata qanxxaas. Taani ayyo wurssetta gaxaanne tuujjuma woraa gakkaas.

Kawotu Maxaafaa Naa77anttuwaa 19:6

Isiyaasi eta hagaadan yaagiis; “Intte godaassi hagaadan yaagidi odite; 'GODAI nena, “Asoore kawuwaa ashkkarati tana cayishin, neeni siyido cashshaa qaalaassi yayyoppa.

Kawotu Maxaafaa Naa77anttuwaa 20:20

Hizqqiyaasi hanido harabai, a minotettainne haatta zeeridi, biitta giddoora waaruwan katamaa i gelissidobai Yihudaa Kawotu Taarikiyaa Maxaafan xaafetti uttiis.

Hanidabaa Odiya Naa77antto Maxaafaa 12:4

Kawoi SHiishaaqi gimbbettida Yihudaa katamata omooddidi, Yerusalaame katamaa yiis.

Hanidabaa Odiya Naa77antto Maxaafaa 32:9

Hegaappe guyyiyan, Asoore Kawoi Sanaakireebi ba olanchchatu ubbaara issippe Laakisha katamaa dooddishin, Yihudaa Kawuwaa Hizqqiyaasakkonne Yerusalaamen de7iya Yihudaa asaa ubbaakko, oosanchchata kiittiis.

Isiyaasa 20:1

Asoore biittaa Kawoi Sarggooni kiittido ola gadaawai yiidi, Ashddooda giyo Pilisxxeema katamaa olidi oiqqido laitti,

Isiyaasa 36:2

Hegaappe guyyiyan, Asoore biittaa Kawoi Laakisha giyo katamaappe issi waannatiya ola gadaawaa cora olanchchatuura Kawuwaa Hizqqiyaasakko Yerusalaame yeddiis. Yeddin biidi, Maayuwaa Meecciyaagaa gade efiya ogiyaappe qommo baggaara de7iya dagattida haattai goggiyo zaraa lanqqen eqqiis.

Isiyaasa 7:3

Yaatin, GODAI Isiyaasa, “Neeni ne na7aa SHa7aari-Yaashuuba ekkada, Akaazaara gaittanau ba; baada maayuwaa meecciyaageetu goshshaakko efiya ogiyaa matan qommoora de7iya dalbbanttaa zaraa xeeran neeni a demmana.