Kawotu Maxaafaa Naa77anttuwaa 17:34 - Wolaytta Bible

³⁴ Eti hachchi gakkanaashinkka kase bantta meeziyaadan oottoosona. Eti tumuppe GODAAYYO goinnokkona woikko GODAI Israa7eela giidi sunttido Yaaqooba zerettaassi immido awaajuwaanne wogaa, higgiyaanne azazuwaa naagokkona.

Kawotu Maxaafaa Naa77anttuwaa 17:34 Iomraidhean Croise

Doomettaabaa 32:28

Yaagin bitanee a, “Hagaappe sinttau ne sunttai Israa7eela geetettoppe attin, Yaaqooba geetettoppo; aissi giikko, neeni Xoossaaranne asaara baaxetada xoonadasa” yaagiis.

Doomettaabaa 32:29

Yaaqoobi a, “Ne sunttai oonee?” yaagidi oichchiis. SHin bitanee, “Neeni ta sunttaa aissi oichchai?” yaagiis; yaagidi a anjjiis.

Doomettaabaa 33:20

Yan yarshshiyoosaa keexxidi a, “Xoossaa, Israa7eela Xoossaa” giidi sunttiis.

Doomettaabaa 35:10

Xoossai a, “Ne sunttai Yaaqooba; shin hagaappe sinttanau neeni mulekka Yaaqooba geetettakka; ne sunttai Israa7eela gidana” yaagidi i a Israa7eela sunttiis.

Kawotu Maxaafaa Koiruwaa 11:31

Pooshshidi Iyorbbaama hagaadan yaagiis; “Tammu pooshota neeyyo ekka. Aissi giikko, GODAI Israa7eela Xoossai hagaadan yaagees; 'Be7a, taani kawotettaa Solomona kushiyaappe pooshshada, tammu zareta neeyyo immana hanais.

Kawotu Maxaafaa Koiruwaa 18:11

Ha77i neeni tana, 'Baada ne godaayyo, “Eelaasi hagan de7ees” yaagada yoota' yaagaasa.

Kawotu Maxaafaa Koiruwaa 18:31

GODAA qaalai Yaaqoobakko yiidi, “Ne sunttai Israa7eela gidana” yaagidi yootido Yaaqooba naatu zaretu qoodaadan Eelaasi tammanne naa77u shuchchata ekkiis.

Kawotu Maxaafaa Naa77anttuwaa 17:25

Eti koiro yan duussaa doommido wode, GODAASSI goinnibookkona. Hegaa daafan GODAI eta giddo gaammota yeddiis; yeddin gaammoti eta giddoppe aramata mentterettidi woridosona.

Kawotu Maxaafaa Naa77anttuwaa 17:33

Eti GODAASSI goinnidosona; shin bantta yiido biittaa biittaa asaa meeziyaa kaallidi, bantta xoossatuyyookka goinnidosona.

Kawotu Maxaafaa Naa77anttuwaa 17:40

Azazinkka eti ayyo eenennan ixxidi, kase bantta meeziyaakka baqqi oiqqidosona.

Mazamure Maxaafaa 55:20

Ta laggee ba dabbotu bolli ba kushiyaa yeddiis; etaara maacettido maachchaa koliis.

Leemiso Maxaafaa 14:2

Suure hemettiya asi GODAASSI yayyees; shin ba ogiyaa geellayiya asi GODAA karees.

Isiyaasa 48:1

“Inttenoo Yaaqooba zaretoo, Israa7eela sunttan xeesettiyaageetoo, qassi Yihudaa zerettaappe yiidaageetoo, hagaa siyite. Intte GODAA sunttan caaqqeeta; Israa7eela Xoossaa xeeseeta; shin tumatettaaninne xillotettan gidenna.